【懸疑】《珍珠奶茶殺人事件》

——第十五章：綁架（三）——


「我地？唔駛啦成日有得飲架～」妖女搪塞過去。

「緊係唔得，客人為大，點可以只係睇住我地飲？咁樣實在於禮不合。」何雄心堅持道。

「只不過......」

「快！再唔飲既話我何雄心真係會嬲架。」

我們三人半推半就的接了杯，互相目望，一時之間不知所措。

「飲啦。」

「好......」

妖女和眼鏡娘無奈地看著我，我把杯子擱淺唇前，佯裝喝了一口，然後頻頻點頭：「好茶，好茶。」

何雄心卻截破假象：「你明明無飲過喎。」

「呃...」被發現了。

哐啷！！！！

他霍地把杯子擲在地上，發出鏗鏘的聲音，奶茶濺一地。

所有人頓時肅靜了。

我們一聲也不敢吭，只是怔怔地看著他。

「其實我由頭先開始已經好好奇。」何雄心語調沉淡，以偵探的眼神射向我們：「你地根本完全唔似想嚟傾生意，動作行為亦都好奇怪，究竟你地係咩人？」

「我地真係喜喜茶既人......」我嘗試繼續說謊。

「一派胡言！」

他有點冒火的走過來，沒有預警之下抓住我的假鬍子。

「如實講，你地係咪李氏家族派過嚟既人？」

我聽後瞳孔下意息地擴大。

甚麼？？

「緊係唔係啦，何生你冷靜啲先...」

「我非常冷靜。」他開始拉扯我的鬍子：「我好清楚李氏家族既處事方式，就係陰陰濕濕，尤其係個李加鼎，正一小人嚟。你地係咪因為知我想收購奶茶店，所以想試探我？」

我不禁慌了，假鬍子被他扯得搖搖欲墜：「停手...」

「我係唔會停手架！」他更用力了。

眼鏡娘和妖女亦心知不妙，想前來支援，豈料在場的保鏢阻止了她們。

黏在臉上的厚實鬍子，漸漸支撐不住，開始與肌膚分離。

要掉下了！

啪——

「...」

「你...」

糟糕了。

何雄心驚訝得目瞪口呆，整個鬍子轉移到他的手上。他眼定定地看著我，仿佛見鬼一樣。

「即刻捉住佢地！」

「知道！！！」

我們三人馬上背靠著背，對著群擁而來的人。

「點算啊點算啊......」妖女呢喃道。

「仲有得點喎而家？」眼鏡娘已經是聽天由命。

「Oh no……」

正當我也著慌之際，驀然醒起了一些東西。

我瞧瞧手錶，計算著時間。

「唔怕，仲有十五秒。」

她們兩人不解的望一望我，我未有回應，只是暗地倒數著時間。

十秒。

數個保鏢來到眼前。

五秒。

他們把我們三人壓在地上。

四、三、二、一。

藥力生效了。

一暼間，仿佛熄掉了總電源，所有人的意息被抽了出來，疲憊乏力的倒下。

喧鬧的場面嘎然而止，保留意識的，只剩我、妖女、眼鏡娘和何雄心。

何雄心眼睛瞪得冤大的，隔了半响，他才發現真相：「係奶茶...你地竟然落藥？」

「噓。」見情況受控，我變得氣定神閒，從口袋掏出封箱膠紙：「靜啦何生。」

「靜你老豆啊！」

我步步進逼，他嚇得大呼大嚷不斷後退，活像看到一群蟑螂似的。

「救命啊！！保鏢！！救......啪！」

眼鏡娘隨手拾起了枱上堅硬的陶藝品，朝何雄心的腦門重擊，他「嗚」的喊了半聲，便直倒在地上。

「咪煩啦，死老野。」她把陶品丟在何雄心身旁。

「好狠呀～」

「唔狠啲一陣又有排煩。」

怎知道遙遠的一處傳來呼喊：「何生......係咪叫我地？」

「邊個嚟架？！」眼鏡娘豎耳。

「應該係派出去搵吳Sir既保鏢返嚟喇。」我答。

「咁而家點算好？」妖女面露膽怯之情。

「...運走佢。」我目望何雄心：「運去大圍車房地牢。」

我先拾起剛才混亂中飄落一邊的假鬍子，重身黏貼臉上，再與她們合力搬起他。

方才的呼喊聲音是從後門而來，因此我決定從前門走，反正uber的車子也一直在正門方位等待著。

走出大門時，有幾個傭人以奇異的目光注視我們，我馬上以何雄心喝醉酒為由，胡混過去。

結果，我們順利帶何雄心回到地牢，把他緊緊綁在沙發上。

終於追到live嚟支持下

加速

哈佬

推

唔知我笑點低定點
保鏢拍馬屁o個度好好笑

個個唔敢得罪老細

晚上，八時三十分。

燈火闌珊，昏黃的空間內，何雄心過了幾小時終於緩緩醒來。

我把貼在他唇上的膠紙取掉，那皮肉分離的痛感頓時把他清醒過來。

「好痛！咦...?我喺邊...」他喃喃。

「地獄。」我回他。

此時的我們，已經恢復了原本的容貌。他意息到我們是剛才喬裝的三人後，立時驚惶失色。

「你地究竟想點？劫財？劫色？」

「仲扮野？」我一把掌搧他：「你明明就係果個神秘既委託人，想置我地於死地。」

「我？我邊有......」

另一把掌緊接的煎往他的臉頰，那人正是妖女：「有證有據，次次你都委託老王派殺手殺李氏家族既人，仲想抵賴？」

「點解你地會知......」

篷！

此時何雄心的臉已經紅腫，眼鏡娘卻再往他的鼻子賞多一拳，鼻血頓時血流如泉。

「啊啊啊！！你地咁樣對我，我一定唔會放過你地！！」

「你本身都無諗住放過我地啦，老王同喪堅既死，咪就證明左囉。」眼鏡娘不為所動。

何雄心怔了半怔，一時之間消化不到她的說話。

「下？等等先我唔明你地講咩喎。」

「睇嚟始終唔肯講真話喎你。」

「下？？？」

「係你迫我架。」

眼鏡娘掀開布簾出一出去，回來時拿著一把修長的彎刀。

「斬手指囉，逐隻斬我睇你仲敢唔敢嘴硬。」

「唔好呀！我真係唔知咩事啊！」

「無辦法喇。」她捉住何雄心的手指頭準備切割。

「唔好呀！！我求下你啦！」他知道眼鏡娘不是開玩笑，嚇得眼淚鼻涕通通噴灑出來。

「嘿！」眼鏡娘用力一揮！

嗖——

「我講啦，我講啦！」

「停手。」

電光石火一刹那，我截住眼鏡娘。

刀鋒在何雄心眼前凝固下來，只差半秒，他的手指便徹底不保。

「你頭先講咩話？」我歪歪頭要求何雄心再說一遍。

「我講...我乜都講啦。」

——第十五章：可疑的閉路監視器——

「你話架。」

眼鏡娘冷冷一說，收起了刀。

何雄心見狀鬆了一口氣，然後怯懦的望了我們幾人一眼。他清楚知道沉默會是死罪，唯有無奈的開口：

「係...我認我以往係有搵老王幫手，搞既對象亦都係李氏家族既人，但係僅限以往，今次真係唔關我事。」

我近近走去他的跟前：「老王既任務委託人差唔多次次都係你，點會得今次唔關你事啊？」

「係囉，而且幾億既委託金，呢個價位除左你無乜人可以比得起～」妖女附和。

「幾億？？」何雄心眼睛圓睜：「我先唔會咁白痴比咁貴啦，以往我比幾千萬架咋。」

我半信半疑，決定提出我的假設，兇一兇他：「但係今次你委託既係殺超蓮，你見出手價錢需要高啲，所以開左呢個價。只不過事後你唔想比錢，就搵你啲保鏢殺埋我地，一了百了。」

「我無呀！」他再一次強調：「首先，禍不及子女，我先唔會殺超蓮。第二，我經中間人買兇殺人，不嬲都唔會知佢揀邊個殺手，如果我真係今次個委託人，我都唔能夠秋後算帳啦。」

「所有疑點都係指向你，證據確鑿，根本你就狡辯緊。」

「我真係無！」

「問多你一次，有定無？」

「無！」

「無計喇。」單靠言語是不能令他吐出真言：「睇嚟需要行刑。」

「你想點啊！！？」

「哼哼。」我奸笑起來。

我脫光了他的所有衣服，一件不剩，隨便的丟在沙發旁邊，再大字型綁著他在沙發上。

赤條條的他，就連私處也一覽無遺，眼鏡娘頓時尷尬的別過臉。

「變態架你地！！」

何雄心臉色蒼白，屈辱的痛感竄爬全身，氣得唇齒抖顫，幾乎要發瘋。

「咦...雞雞呢？」妖女打量著他，咧嘴竊笑。

「我要殺哂你地......」

我眉梢透出不懷好意之情：「你仲講唔講啊，唔講我就再玩大啲架。」

「你想點...」

「直播你唔著衫囉。」

「千祈唔好...！！」

「咁你就立即講出真相啦！」

「問題係，我真係咩都唔知......」

「講大話！」

「嗚，你放過小弟啦......」

何雄心崩潰了，淚水鼻涕滲出，一臉淒涼。

加速

今日有啲事 可能要聽日先出文