召喚lihkg所有學神/P牌巴絲 (45)

上個POST

召喚lihkg所有學神/P牌巴絲 (44)

https://lihkg.com/thread/1078950/page/1

懶人包
Q&A
好壞師傅list


以上資料只作參考 自行判斷

問題1）
學咩車，幾錢先叫平，幾錢先叫貴，我報邊間學校或者駕駛學院好？

答案1）
首先要搞清楚，你想學邊款車，有2大分類，自動波及棍波。2款車，私家車(1仔牌)及輕型貨車(2仔牌)(以下簡稱貨van)。


問題2）
咁學邊款最著數?

答案2）
根據運輸署規則，考貨van牌係送埋私家車牌，考棍波係送埋自動波牌，換然之，學棍波貨van最合乎經濟原則，因為考1個牌就送埋其餘3個牌比你，即是Buy 1 get 3 free。


問題3）
我手腳唔協調架，學棍波實撞車！咁自動波應該學私家車家貨Van?

答案3）
你可以選擇自動波貨van或自動波私家車， 同樣地，你考自動波貨van係會送埋自動波私家車牌比你。亦有人話，其實我只要自動波私家車牌就夠，少個牌對我冇影響，咁你可以只報1個自動波私家車牌。
棍波私家車，我唔建議大家去報考，一來師傅少，二來係4款車當中係最難學識。最易學邊款車， 我認為最易學一定係自動波貨van，原因有3個，第1，泊位會比私家車容易，因為考試個泊位 其實係設計比大小小既車泊，例如貨van，而且貨van有後鏡可以睇到車尾入唔入到考泊車時 既黃格，呢個絕對係優勢，第2，貨van車頭有魚眼鏡，對考車既人仕要做3手軚掉頭極有幫助， 第3，貨van兩邊側鏡可以望到既範圍係比私家車為大，車身亦較高，盲點亦都比較少，而私家 車有車頭部分，新手係比較難掌握與車頭距離，相反貨van司機已經坐到全車最前部份，只係需 要掌握車尾距離感，所以我會建議新手學貨van。


問題4）
考試場地係點架？

答案4）
香港考車，主要分2大區-香港島區，九龍及新界區。以上我地都比較鍾意統稱叫考街。先講下九龍及新界區，考貨van，不論自動波或棍波，有5個試場，運輸署會隨機抽1個比你， 分別有天光道，忠義街，油塘，澤安，永孝街。至於私家車，不論自動波或棍波，有3個試場，運輸署亦會隨機抽1個比你，分別係培正道，石蔭，忠義街。
香港島區方面就比較簡單，只有2個考場，分別係掃桿埔只考貨van及跑馬地只考私家車。
有人會問，李健或者鏗鏘果D係點玩法，嗱，我地要搞清楚，我地統稱呢D叫駕駛學校，駕駛學校係冇私家場，佢地只係幫你排街外場，亦即係你去跟私人師傅學車一樣，駕駛學校會幫你報名考以上幾個場地，再幫你安排師傅，而佢地比較有規模，可以隨時去投訴換師傅。
至於香港駕駛學院，佢係有自己既私家場，分別位於元朗，沙田及鴨脷洲。
有人會問，咦，我住元朗喎，可唔可以報元朗駕駛學院考，但用私人師傅或者去跟駕駛學校應考架， 得唔得架，答案係NO，不可以。唔好問我點解，要問就問返駕駛學院點解政府會比咗個咁古怪既條例出黎。
仲有間觀塘駕駛學校，佢地都有專用場，就係油塘，但同上面個油塘係一樣，係完全冇分別架。千祈唔好比佢老點話有私家場。

問題5）
邊個場最難，邊個場最易？

答案5）
只要控制好部車，冇話邊個特別容易，邊個特別難。如果真係要揀一間，鴨脷洲駕駛學院，呢個絕對係全港最易試場。但要留意返，考官每日穿梭不同考場，昨日可能係天光道，今日可能係澤安， 明日可能係元朗，後日可能係沙田，鴨脷洲係全港出名最易既試場，問題係考官去到鴨脷洲，覺得條考試路線咁易，自然會將心中把尺提高返，考生想合格都要合乎返一定水平。


問題6）
報名流程係點架？

答案6）
建議先去運輸署親自報名，記得要帶3個月內住址證明，報完名大約等個幾月就要考筆試，筆試只係考20條交通選擇題，需要答啱16條或以上，答啱15條既，請麻煩報名再考過。筆試內容會係報名果時，運輸署會送一本黃色小冊子比你，你亦可以自己上網搵練習，網上有大量筆試練習提供，最重要係免費，真係做到你唔想做，考完筆試，運輸署會即場隨機抽1條考試路線比你， 如果你係報香港島區考，當然只會抽到掃桿埔(貨van)或者跑馬地(私家車)，如果你報既係九 龍及新界區，咁就會出現抽獎情況，大獎係獎你幾個月後去上面提及既試場考路試。
要注意既係，如果你報名報九龍及新界區，萬一考路試肥佬，你又要再申請多次考路試，運輸署係會隨機再抽過新既考試場地比你，又或者你好不幸，可能會再次抽返你既傷心地再考多次。
本人親身經驗，我自己係親自去運輸署報名，考完筆試之後抽到油塘，本人覺得太遠所以轉咗去元朗駕駛學院應考，最重要既係，駕駛學院冇收我額外費用，所以我建議考生們，先自行報名考筆試， 抽到既場地唔合心意，可以轉去駕駛學院。但要注意，如果我抽到油塘，想轉去澤安考喎，得唔得呀，答案係NO，不可以，你只可以缺席是次路試，等重新抽獎，注意，你只得1/5機會抽到澤安，亦有1/5機會抽到油塘喎。


問題7）
考試流程係點架？

答案7）
不論貨van或私家車，都分為乙部試及丙部試。一般都係同時間進行哂兩部份，亦有少部份既駕駛學校係分開兩部份黎考，先考好乙部試，再等幾個月後考丙部試。我個人意見係，其實乙部試都 幾悶，如果考乙部試之前既練習，你只可以不停做場內動作，又唔可以出街，重重覆覆咁做，你唔厭我都覺得悶啦。
乙部試: 乙部試係考泊車，3手軚掉頭同斜路起步，只要有任何1個項目肥佬，就整個乙部試都肥佬。先講泊車，顧名思義，就係泊好架車囉。即係成功用1次機會泊入1個S位泊位或L位泊位，視乎考試場地要求。3手軚掉頭 就係2條行車線，考生只用2次向前，1次向後機會，成功將部車180度掉頭，中途唔准掂兩邊 石壆，千祈唔好睇輕呢個動作，呢個動作考你用手扭軚速度，用腳控制車速。最後就係斜路起步， 成功將部車停係斜路，再成功係斜路起步，起步果刻唔可以溜後，溜後即肥。以上都係乙部試內容。 駕駛學院就有呢到優勢，因為練習地方正正係你考試地方，只要好好地做，要合格唔太難，相對上， 考街既考生就會比較麻煩，因為你練習地方未必係考試地方，有可能師傅未能提供，亦有可能場地 所限。所以考駕駛學院相對上係有優勢。

丙部試: 每個考試場地都會有3-4條考試路線，考生需要自行駕駛車輛，途中考官會示意考生需要行駛既方向，考生係唔會事先知道考邊一條路線。不論考街既考生定係駕駛學院考生，都需要出街行一個圈返去，所以有人話駕駛學院係易考D，我係唔認同，因為丙部試大家都係同等條件，唯一唔同條件既只係乙部試。丙部試所涵蓋範圍非常廣泛，考官會留意考生有冇做足每個預備動作， 每一個動作有冇做足同做好，例如望鏡，望盲區。 首先我地細分車內環境同車外環境因數，車內環境係指你車內動作有冇做好，例如每次開車前有冇望鏡，軚盤運用流唔流暢，油門運用流唔流暢，離合器運用流唔流暢，腳掣運用流唔流暢，手掣有冇拉好或開車前放好，轉線有冇擰頭望，轉線前有冇打指揮燈，落雨識開水潑或大燈等等等...以上動作，有D可以容許你犯錯一到兩次，有啲係未必容許你有一次犯錯。車外環境就比較複雜，絕大部分都唔容許有1次犯錯，例如停車時觸及前方或左右兩方行車線，行駛時觸及左右兩方行車線， 影響其他駕駛者，沒有注意交通情況不論開車或行駛途中，太接近其他物體，在物體後急速扭軚駛 出或物體前急速扭軚切入，不利用先行權利，不讓路予有先行權利之車輛等等...車外環境變數實在太多，怨未能盡錄。


問題8）
Pass完甲乙丙部後， 最快幾時可以拎P牌？

答案8)
官方答案係7個工作天
但根據經驗， 3個工作天就應該得。
當然，唔擔保一定得。

Lm

問題9）
應該學幾多堂先去考車？

答案9)
所有人資質唔同 有人20節 已經舞到架車好輕鬆
有人40節 學車都仲要提住提住
咁你點考試呢
巴絲們 睇返自己能力啦
唔好帶住仲應該點樣處理邊個位既諗法去考試
哂錢 不如補多幾堂操熟先


問題10)
我4月考車 應該幾時上堂？

答案10)
大約1月底2月開始學
早返2~3個月就最好
最緊要唔好谷埋一次過
搞到自己好急住學 搞到補唔到鐘
多啲上網睇考果條路既影片吸收下


問題11)
左盲區洗唔洗擰頭望?
有師傅話要 有師傅話唔洗

答案11)
根據運輸署第9頁指引
https://www.td.gov.hk/filemanager/tc/publication/guide%20to%20pc%20and%20lgv%20driving%20test%20(chinese%20version)_jul%202018.pdf

超越（扒頭）
考生在「扒頭」前，應充份利用駕駛鏡，留心尾隨車輛，或／及反方向車輛，發出適當訊號，更應在扭軚駛出前，察看駕駛鏡，及必須回頭察看後方盲點（輕型貨車因為載貨部份阻礙視線，引致不能察看左後盲點，故考生只須使用左駕駛鏡），以確保安全。在「扒頭」的過程中，亦應留意與前面物體的距離和適當控制本身車輛的速度。「扒頭」後，於交通情況許可時，應盡快駛回原來行車線，但不可強行切入。

嗱運輸署就話唔洗睇
但係你考試果陣 係建議你睇埋
一黎比考官睇到你都有安全意識
二黎事實上 第時你自己有車牌 你出到黎都係一樣要睇
倒不如盡早係學車考車培養好駕駛態度

各位繼續加油

半年冇開過 學車post 好撚驚開錯

喺咪望完盲點之後即刻望前先扭肽？
成日都望得太耐 搞到好緊前面！

喺咪望完盲點之後即刻望前先扭肽？
係，你未望返前面佢分分鐘當你望住盲點扭肽即肥你，咁當然唔係你望咗盲點就可以扭肽，要安全情況下先可以，例如後方有車爬你頭，你望咗盲點都唔等於你可以扭肽改變行車路線。

成日都望得太耐 搞到好緊前面！
爬死車嘅時候？會唔會係你太遲做爬頭動作，爬死車要早4~5車位就要打燈 望鏡 望盲點 望返前面 扭肽 爬死車，如果你太遲做爬頭動作，佢可以剔你分紙駕駛意識嗰part嘅27.29. 係嚴重事項嚟 無輕微 係直接一剔=肥

想問下學26邊到學好

去邊穩棍van師傅好？

quote]

考果陣好好彩大車細車都肯讓，條路好順
C fu話衰個官係killer唔知係咪安慰我

係咪後生又幾瘦既

中年，那那地咁，大力左啲啲dup車都好誇張
做好哂自己都要肥，唯有下次拜下神唔好預到呢啲考官

168?[/quote]
153，上網search 左佢 殺人王黎

沙駕26自練強制果陣衰鹹濕轉彎果陣顧住望行去學私家車既女同學
搞到轉唔切彎係水馬前急停
仲有兩個禮拜就考強制試
希望延續到自己2號牌1 take pass歷史
btw, 1A真係好多女仔學,沙駕學1A果D都好靚女

考果陣好好彩大車細車都肯讓，條路好順
C fu話衰個官係killer唔知係咪安慰我

係咪後生又幾瘦既

中年，那那地咁，大力左啲啲dup車都好誇張
做好哂自己都要肥，唯有下次拜下神唔好預到呢啲考官

168?

我第一次考個考官又係大力少少dup佢都好誇張
唔知係咪同你同一個考官

個時個考官仲要自己唔開車門
企係車門出面
跟住我係車入面幫佢開門
心諗洗唔洗咁大牌

其實跟住上個 post 開幾乎冇死係最多改嘢可能唔知

quote]

第二堂26強制
繼續炒左幾次車
冇再死火
頭盔面罩爆左手腳瘀哂
好彩買左full face
落左好幾次黃金右腳
對強制試冇咩希望

炒咗幾次車不過喺學院炒好過出街炒
巴打可以考慮吓買幾堂練吓，我自己考之前都買咗4節練習吓

下就落狗屎塊地濕地
一轉彎就連人帶車炒落地
隻腳再比部電單車窄住左對腳勁痛
要教練幫手扶起部車[/quote]
好彩我學嗰陣冇落雨，但係曬到我黑晒
落雨真係要小心啲，盡量都唔好太快

唔識穩喎

咁佢又冇咁誇，但係同佢打招呼唔應人囉
自問全程做足步驟，有突發事都處理到，咁都可以肥就覺得好唔抵

有無ching有永孝街師傅推介？