網絡小說集中討論區<11> 卷毛狒狒

應該話烏賊係計謀類比較偏向走佈局路線，比起梟臣、慶餘年呢類以傳統權術心計為主線既小說，烏賊書中既主角更多時都係被作者既世界設定局勢一路帶住走而營營役役咁升級，用力量而非計謀翻盤為主，屬於定位更靠近玄幻類別並以陰謀佈局為輔助既類型

姐係大盗賊skip得，賊行天下好似有收藏

權謀還權謀，要權謀咪直接睇歷史類，烏賊都唔只寫玄幻，佢成名作《奧術神座》已經唔係玄幻，而家寫緊果本《詭祕之主》都唔係玄幻，入面都有大量計謀

冇睇詭秘，但奧術同一世話我聽佢都係寫虛謀劃多，實際操作都係唔太處理到，成日都係雷聲大雨點小

驚悚樂園連載左四年，紂臨養左一年三日睇哂。
有冇類似嘅小說推介

睇完驚悚樂園 想睇好睇無限流 有冇推介

唔同意，《一世至尊》係作者未解話之前邊個估到金皇可以將眾多可以任意穿梭時間線既彼岸玩弄於股掌之中，係三清既超脫計劃入面搵到三成機會，連三清都發現唔到，而利用三世去佈局既魔佛阿難係金皇眼中都係小丑，強到作者同讀者都諗唔到方法係情理之中解決佢，金皇賭命賭輸係最合理死法，咁都叫處理唔到？

睇個google doc見到本網遊之倒行逆施 睇左500章到 係有啲位幾好笑 但係都係頂唔順 得主角一個有腦做乜都係straight forward 完全冇任何內容 一味講主角一個勁過所有人加埋

痴撚線主角派兵去屠平民村，再捉d女NPC去做軍妓，寫果個都變撚態

個餅畫到幾大 食唔到都用
諗住完美可以完晒
點知葉凡未來係咩局面都無講過

開咗本新書
劍中仙

作者之前本仙路春秋都唔錯

終於有嘢食

推薦一個作者 扎藥
寫D書都叫唔錯 算係D謀略類型既 文風似翻譯體 睇落去有時會覺得睇緊翻譯小說多過網文
睇左兩本書都係主角被卷入一個陰謀跟住要解決事件 兩本書個主角都係有番咁上下武力 加上本書係謀略類型既所以冇一般升級文個種情節 唔會有一般網文個種實力分類 比較似西方小說個種要搵人弱點先擊敗到對手
一本書叫 最後的武僧 西幻類 而且比較短
一本書叫 巴顿奇幻事件錄 個故事發生係西方現代都市 主角係隻吸血鬼 E本好撚長

缺點係兩本書都係主角被捲入事件 通常推動情節既都係配角而唔係主角 所以當作者埋D伏筆埋得好時會覺得個情節過渡得好流暢 埋得唔好會覺得太牽強 最後的武僧就有少少咁既問題 巴顿奇幻事件錄 係作者後D作既 情節過渡做得好好多 不過本書實在係太長 有時會覺得黎黎去去都係咁樣過渡 同埋作耐左會覺得冇左個主線 得個主角係到不停解決事件但係又唔知為乜

我們是遊戲玩家

一樣都係無限流，自創副本

巴頓實咗太長 唔想追

E本真係追死人
D情節一環扣一環咁 擺低一陣就唔記得 要重新睇番
一口氣既話又太長 而且要用腦 睇到好攰

瘋巫妖終於睇完
又真係幾好睇

我覺得真係稱得上好睇嘅故事唔可以係一條直線咁不停向上衝，咁樣一來好易崩設定，二來不斷開新地圖、新人物，太多一次性劇情工具會令讀者冇辦法投入

用無限恐怖做例子，佢開創無限流固然創意十足，但真正令我覺得呢本嘢值得上神壇係中洲隊第一次團滅之後，仲有猛鬼街嗰度每個隊員都寫得有血有肉，絕大部分配角都同陪住主角一齊成長；再加上真正令人絕望嘅反派角色，令角色有個明確嘅終極目標作推動

睇咗咁多年網文始終都搵唔翻呢種感覺，希望未來詭秘可以做到

秘偶+牧羊人+怨魂勁到痴線


我估第4部結尾應該係小克係冇任何人救既情況同序列4 one on one

然後真正明白人神之別, 再比人打死等復活了

詭秘之主真係少數養唔肥嘅書
諸界末日在線我都係養唔肥

屌，浮圖子終於下定決心斬左《超級浮空城》，見佢屙屎唔出咁一個月更得幾章就知佢寫唔到落去，浪費晒個題材

諗起兩段劇情但唔記得係咩書，唔知係咪同一本
第一個劇情係講主角住緊個度係座山，然後有隻龜頂住又有條河，然後有9座山咁
第二個劇情係主角去左一個比滅左門既門派度扮人個仔，全部都係靠門派一隻神獸幻想出黎既世界
有冇手足知係咩書？