網絡小說集中討論區<11> 卷毛狒狒

起點好似又開始淨網

日常任務

再淨仲有咩題材可以寫

得返d打面小白文，連女角都無埋

又淨

笑死人

未完本 施法諸天
穿越多個世界 暫時有 魔獸世界 冰與火等
主角係痴線仔 追求力量與法的知識探祕
無乜作為人嘅情惑 弱點 描述為絕對理智
簡單殺人如掃塵 但不嗜殺,病態之類
唔特別好睇 但冇特別毒點 書荒可以睇睇 有千章

好似同《寂靜殺戮》個主角左屌差唔多

有無睇詭秘既英譯
啲英文好難

https://www.webnovel.com/book/11022733006234505/Lord-of-the-Mysteries
有趣既係一本由Asian寫既西幻, 連啲鬼佬都覺得好睇

過po 發覺你地推既好多都係連載緊
有冇D 完左本既推薦下
無限流 系統流 都ok
最好係玄幻方向就ok

而家仲有冇啲係冒險團式故事
但係每個角色都寫得好

推薦大家睇超級神基因，都末睇過一本書會轉十次地圖的，睇到後期屌左出黎

等我又推介下書先

下面係我睇緊/追到Live 既書list

1. 我的時空旅舍
呢本書我見呢度好似冇乜人提, 我都係最近先開始睇, 睇左大約一半到
本書主要係講主角有一間賓館, 其中一間房連接住時空既中轉站（類似既意思）, 久唔久就會有人傳送到呢度, 亦都有人會經返呢度走,咁就講下主角同佢地生活既日常,暫時都冇講d咩超能力戰鬥, 主要都係日常番

2. 小世界其樂無窮
上面都有人介紹左, 我都唔特別講
同埋我好認同上面有人講, 類似穿越或者無限流都係要原創既先好睇, 呢本都係原創既遊戲內容

3. 美食供應商
主角有個廚神系統教佢煮野食. 一開頭都仲靠個系統既, 但係後期d 已經係自己研究. 所以去到後面都已經係一本日常番
有少少愛國feel, 但係都仲係可接受程度（我覺得）

4.諸界末日在線
一樣係有人講過,唔特別睇啦
幾好睇

5.飛劍問道
蕃茄既書,有睇過佢d 書既人都知道大約有咩內容
都算係典型既王道小說

6. 特拉福買家俱樂部
特拉福其實就係Devil 咁解, 大約就係講主角類似惡魔咁同人做交易實現佢地既願望
一開頭就比較似小品故事, 一個個小故事咁講,d感動位,但係去到最近已經變到好似超能力大戰咁...
不過都推介既

7. 惡魔囚籠
我覺得都算係比較特別既無限流, 原創故事
開頭似係想講主角乜都冇要係個類似無限世界既地方生存, 但係後期主角都已經好勁, 比唔到人有果種主角好似死既感覺...
不過就咁睇佢d 副本其實都唔錯

8. 聖墟
9. 牧神記
睇到有d悶, 都係果d王道既戰鬥書, 自己係追開所以繼續追落去...

10.修真聊天群
相信唔少人都睇過嫁啦, 唔特別講啦
未睇過既強烈推介

11.英雄監獄
一開頭都係果d 奇遇網游小說, 但係去到後期我覺得已經爆走左, 可能因為訂閱唔太理想, 所以想快d 完左佢
想睇下網游既都可以睇下

暫時係咁多, 等大家推薦

英雄監獄
作者仲寫緊?

屌！退後讓為師來真係有留沙悟淨復活伏筆，可以棄坑

點解有復活就棄坑

因為唐僧隊冧悟淨呢段大劇情夠爆，只要唔復活就有機會變仙草。

而家一出復活伏筆即刻冇哂興趣睇落去。

我又覺得無所謂，當初《一世之尊》金皇為左迫主角升lv，殺晒主角所有親朋好友，呢段超爆，等到主角升到上去又幫主角復活返晒所有人等主角承佢呢個情，呢段同樣屈機

唔只呢段，之前女主又係為左幫主角升lv，特登設局令自己死係主角手上，同時留手段等主角復活佢，《一世之尊》真係無乜死過人，班大能個個可以扭轉時間線復活返晒d人，真係玩撚晒

如果係最後要四個徒弟一齊打大佬，就係爭沙悟淨先有希望嘅，最後特事特辦復活完打死大佬，咁樣我都ok。

可惜

唔該「你真是個天才」唔好步佢後塵