由零去到五千萬的奮鬥日記，我寫你睇

推，期待再講貿易戰

推一推 支持

支持！

我寫左部份嫁喇，等推爆個post開新post一次過

支持

九叔 追曬post而家先黎推 推到開新po為止
學左好多野 多謝你分享

背景講完，可以講返少少見解。

貿易戰，唔係普通既貿易糾紛，基本上小型貿易問題幾乎每月都發生，都係由佢地官員傾完再公佈，唔會上升到一個國家既層面，亦唔會係全方面既貿易制裁。

今日我可以話，美國打呢場貿易戰，係要收中國皮，亦係好多連登仔想見到既結果，呢句應該可以比唔少朋友打個靚飛機。

當年日本威脅到美國第一地位，美國採取既方式係單方面攻擊，喂你既產品係唔及日本人咁平咁靚，憑乜收關稅？無啊，301條款就係單方面覺得有問題就可以出手，加你就加你，簡稱莫須有，有趣既係當年美國都指控六名日立高層竊取ibm技術被捕，其後指控東芝向蘇聯銷售高技術國防產品。

無論當年日本，同今日華為誰對誰錯，但種種事件睇，美國真係認真要全方位打擊中國，就如同當年日本一樣，總之你做乜都係錯。

從美國角度出發，打日本又好，打中國都好，都係勢在必行，因為牽涉既唔係單單利潤，而係一個世界第一國家位置誰屬，美國睇得到如果放任日本或中國的話，自己世界第一地位就會不保，所以一定要出手。

睇歷史有個好處，就係可以吸收前人教訓，站係中國角度，同你傾，傾，但我乜都唔會簽，因為你條粉皮一向都係簽完一條又一條，迫完一次又一次，此為陽謀，我迫你簽，簽完你會仆街，唔簽我就有名義出手打你。

好多人覺得關稅等於一切，其實依家先25％，當年日本受緊100％關稅加上大量出入口限制都仲頂得住，你睇返25％係好小事，要打你仲有排打啊。

其實從日本到中國，美國既經濟地位都真係有根本性問題，因為國內生產力薄弱，講真，你係平係好既，出口點會差，你要進口既，一定係有需要或者有好處，突然加稅係可以減輕貿易逆差，但對美國講，唔係中國入，咪去東南亞，trump話有個妙絕既方法避開關稅，就係係美國生產，呢句野真係人唔笑狗都吠啦。
貿易戰既然係一場戰爭，就一定互有傷亡，從來唔係好似連登仔咁講，美國一出招中國就收皮。

大哥啊，加關稅係一種連中五學生都識既經濟理論，唔係咩新方式，咁耐以來無人用總有佢原因，因為美國都要付出好大代價，而今日你可以睇到，連美國民主黨都支持，就可以知道佢地槍口一致對外，一定要打爆中國先心息，世界第一國家既政權先有爭既價值，如果自己內鬥淪為第二，你上到位都無意思。

facebook個邊出post真係會有多d人睇到

連登呢個post無bookmark真係會沉底

我諗緊獨唔獨立開post好，但係一幫中國講好說話，唔係話支爆近了就肯定比人屌，一諗到要同班盲毛嘈我就好煩厭

Globalisation 有iMF WTO去推同會員國去跟遊戲規則。有分歧可以傾或沖裁

問題係入wto咁耐大陸用佢地所謂智慧去撚歐美會員。用制度漏洞拎盡利益

一定有人話美國咪又仆街。如果係咁。點解歐盟又會一樣對大陸硬起來

美帝同支那傾成十幾年開放承諾金融市場 又得過拖字。侵侵出現唔係無原因

鬼唔知貿易戰大家互有損傷。不過香港人已經日日俾支那老強咁。咪一齊仆街囉

國家層面，基本上人人都係仆街，邊有「好」國家啊，特別係對外貿易同經濟入面睇的話

不如咁問，睇返日本咁樣樣野都退讓，然後成個國家仆街好，定係玩漏洞玩拖延既國家但起碼你經濟強過人係好？

所以我無用好唔好去形容呢場貿易戰，因為打硬，原因唔重要，邊個係仁義之師有咩用，漫畫入面嘴遁係現實唔work

大陸仆街的話，我唔知有幾多人有心理準備香港會變成點，你話一齊仆街無所謂，對我講，我就好有所謂喇

再加埋逃犯條例，香港商人都幾大獲，外資唔同你玩，中資經濟轉差加上隨時送你中，九叔有咩部署？

個人層面我呢種中小企都係盡量搵多少少新客為主

經濟差係執位時間，研究下自己要執咩客條路點行

小弟孤陋寡聞
惰性就聽過 咩叫懶性?

支持九叔寫多啲貿易戰
好想睇

多謝你支持先！幫手推多下

其實我覺得大家可以討論多少少，比我知大家想睇咩同知乜

小事，我都好多錯字