由零去到五千萬的奮鬥日記，我寫你睇

每日夜晚會更新，唔係故事，所以唔好奢望會有起承轉合，更多係我呢排發生咩事既合集。

廣東話字無口字邊唔好屌，唔打個口字打得快好多，有錯別字既提提我，我盡量改返。

你想知咩既可以留言，我可以簡單答下，如果有趣既，我聽日就寫多少少關於呢方面既野。

太多你問我答，我唔會長時間上網，所以改做我寫你睇，但每個留言我都會睇，然後對應返佢寫

Lm

支持巴打 留名見證

同大家計計數

我睇中既樓依家值5000萬，我希望十年後係我40歲時可以住到，十年時間，其實唔需要搵足5000萬，假設首期約四成，即係2000萬，每年要搵200萬，當扣埋稅同洗費，每個月要搵到接近20萬。

假如十年後樓價唔升太多，跟通漲睇，將儲蓄買返少少收息股應該可以睇齊既。

我一直都係諗一個問題，點樣每個月搵到二十萬，家陣，我一個月最多都係收入十萬，平均只係四五萬，如果自然提升的話，每個月多3－5％都有排唔到數，仲未計有時候會甩客之類既野。

諗左好耐，我得出一個結論，想做到，先要改變自己，唔好再用同一個方法去做。

巴打做盛行？

留名睇

留名 巴打加油

下次可以講由零去到一億

夕陽製造業，有一定競爭，好多龍頭公司，但亦少人入行，對手應該愈來愈少

諗番起CK個<<人在中環>>同<<我只是想娶老婆>>
lm追睇

巴打講多d點跑跑下數自己開公司
利申我同你一樣靠跑數幾年前上咗車

巴打想寫十年日記? 佩服

買咁貴既資產驚唔驚2047? 我仲讀緊書, 想聽下你諗法

銀行債務其實唔多，做得生意已經習慣左欠債，最難係現金流問題，以前打工係唔會覺，但依家已經好厚面皮咁拖，遲d會講下我差供應商十幾萬周轉唔到既往事

我無佢地咁型，會寫返好多當年仆到底既事先

我唔主張投資致富，我只求唔貶值，搵錢始終靠實業好

你問到咁，我都直接答你，紙

跑數有排寫，我跑數既方式，由當年打工到依家自己開公司真係分別好大

有好多不堪入目既往事，灰色野都做過

因為有利益衝突，長痛不如短痛

自己做生意第一原則，要有毅力，堅持先有機會有回報，係有機會而唔係必然

2047避唔到，儲錢到時要轉都唔大問題

正常既
冇灰色野好難搵大/快錢
但跑到自己出黎開係好叻仔 際遇都好緊要