由零去到五千萬的奮鬥日記，我寫你睇

熟產品好重要，特別係b2b，因為對手可能用耐過你

絕對唔多

支持

好難咁講，8:2定律，通常成功既都係少數，而sales唔係話累積就得，因為有流失，好多人幾年都係半死不活，所以我好著重心態，用錯方法比幾耐你做都唔夠時間

巴打你做邊類，睇下比唔比到意見你

多謝幫推

方法而家野係咪真係靠浸 似巴打咁講 搵自己最強既野

一定係搵出自己既強處再發展，唔係好易亂行行錯晒

個人點social d.

做sales唔sociable係咪死症
我會覺得為左r生意去扮friend好假

好似賣保險咁得閒煩你兩句加上無限厚面皮
我覺得係一種才能
因為目標客群總會有需要你產品嘅時間

但自己唔想咁odd 可以點樣改變做法/諗法

剛剛先返到香港，今晚會短少少

千萬唔好隨便同朋友做生意

常言道，想同一個朋友反面，你可以同佢做生意；想同一個朋友絕交，你可以借錢比佢。

今日我要講嘅係一個同朋友做生意做到無朋友做既故事。

對於呢種忠告，我抱住一個我相信自己係特別一個既心態去做，最後同左幾個朋友夾錢做生意，落得一敗塗地既故事。

點解要夾份做生意，通常兩個原因，一個係無技能，另一個係窮；你覺得你拍檔可以提供一定幫助比你，例如佢有一定技熟好熟行內野，又或者佢係一個有錢人，可以幫減你前期出資問題。

我又要用一段感情去形容一齊做生意呢件事。

悲劇通常都出現係初戀入面，幾多段初戀可以開花結果？作為一個情竇初開既處男，總會急於開展一段關係，點解？因為人拍我要拍，你唔係要搵一個最適合既人，而係你要搵個人，而對方都抱相同想法，就會成就一段錯愛。

相處耐左，你會發覺近距離睇一個人，你發現佢會懶、佢會賴皮、佢會玩野、佢會唔志在，你付出一段感情，你都想收獲返相對稱既野，可惜對方唔會理你，愛理不理，你會諗，點解佢要咁對我？我係咪有咩唔好，你地會傾，你地會傷心，但唔夾就係唔夾，如果你係情場老手你都識得遷就，但初哥就係無經驗，亦好講自我，所以兩邊都企硬，開始就會屌，屌完就會好？錯，好似感情咁，會改一改，但再過一排就會打回原形。

當一段感情涉及錢就更加脆弱，你會將蝕錢歸咎於對方，你會諗，如果佢比多少少心機咪唔會輸，但對方又何嘗唔係咁睇你？

蝕到咁上下，已經要去到離婚程度，要睇點收科，邊個背負多少少責任，分手費又係幾多，伴隨住既就係一輪譴責……

我對於當初個位朋友已經心死，我發覺原來好難睇真一個人，原來有人可以講完一輪乜都唔做，唔做又唔出聲，我為左佢一個講左做但唔做既決定，蝕左成萬銀係一個地方，係完全收唔返，一萬唔係多，但要用都可以用係唔少野身上。

佢從來都無認錯係呢件事上面，仲話，咁我忙嘛，我要搵食啊，屌那星，我唔撚駛食啊？

一次兩次三次，我已經再無耐性去同佢耍太極，每次見面都好直接，佢當然唔夠我講，因為我做足功課去屌佢，而佢每次都係吹水再吹水，比我完全否決之後仲話我唔理解佢。

佢同我講左句，喂，有d野你唔試唔知喎。

我同佢講返句，半年前你都係咁同我講，我試過，努力過，今日你再講同一番說話，對唔住，我真係唔可以再信你，因為我唔知之後你會令我有幾失望同傷心。

坦白講，真係好似情侶分手，從此以後，我都唔再相信「拍檔」呢樣野，自己做，自己負責，天行健，君子自強不息。

明天再見

TG: Gornine911
FB: https://www.facebook.com/uncleninehappiness

記得入facebook比like

好攰好眼訓，今日講返少少感受既野，唔好見怪

Hi 樓主

我都有諗過做生意，依家係四大到做緊會計佬，我冇你咁大奮鬥目標，只係想好好繼續努力工作學多d野。

今日有樣我career 好重要嘅事，希望都好似你咁會成功。

多謝你嘅故事，令我有返些少目標。

除左朋友，家人都唔好一齊做生意

我自己都唔算sociable，但有時候參加下行業conference/event，交換下行業資訊，傾下計，我覺得都係一種幾好既學習既

係呢D活動，又唔使要個人十分sociable，大家見到面，點個頭，交換卡片，就打開話題啦

學到野