由零去到五千萬的奮鬥日記，我寫你睇

會計既career path好直接，希望你能夠成功

家人唔一定會反面，但一定會有心結

除非係家族生意，已經好穩定

其實啱架，我前幾月都有出席活動，見識到好多野

馬雲的九九六

今日睇咗篇文，馬雲評論九九六，咩係九九六，即係每日九點至九點，一星期六日咁意思，代表你一星期最少要做九十六個鐘。

如果連埋返工放工時間，即係代表你人生有一半時間係做緊野，仲要係必須，不過成功人士講乜都有人聽，今日我想講，拼搏無問題，但唔好聽完就當真，你要知道自己係為乜而做。

如果你係做老闆，你係做Sales呢種工作，多勞多得的話，你會得到回報，但如果你係打工仔，咁做又對你有乜作用？

一份有萬四蚊嘅工，好清晰講咗返放工時間，一買一賣好公平，但好多老闆都喜歡玩加班，用一個朝九晚六價錢去令你做到朝九晚九，咁就係搵笨。

點解要幫間公司搏命？傻的嗎？外國企業好少有呢種加班文化，幾點返工幾點放工好清楚，但人哋出咗幾多國際大公司，點解香港亞洲公司就唔加班唔搵錢？其實唔係唔搵錢，而係老闆想你幫佢搵得更多，幫公司搵多咗，你又有冇得分多少少？通常都係無。

老實講，我好鼓勵人付出更多，但我會問多一個問題，你咁做對你黎講有乜好處？

做乜事都要有好處，無好處你都做咁就係戇居！

你每一次加班都請你問下自己，係唔係為升職加薪，你做既野又係唔係有價值，公司會點去知道你付出，點去獎勵你。

如果你係做一種重覆又重覆既工作，請你絕對唔好加班，因為你加班嘅原因係人手不足，唔係你工作能力問題，而你咁好心去做，係唔會有回報。

但如果你係執行創意、競爭性既工作，你加班可以令自己成長，令公司有業績，咁你可以付出時間去換取經驗，令自己既履歷更好。

人生有好多時間可以做好美妙嘅事，千祈唔好相信不求回報，即使回報再小都係回報，但完全無回報的話，做黎把鬼。

同樣地，睇人分享文，每一次我寫既都要花上半個鐘一個鐘去寫，唔留個言都俾個like，如果你連一個click都懶的話，唔好怪我唔再係度寫，寫日記有好多地方可以寫，甚至我寫係本簿都可以。

我係一個生意人，唔係文化人，我會睇數，會衡量收益同得失，每日一個鐘我最低工資都可以有幾十蚊，點解要娛樂一班連回應都唔比既人？

依家成點幾鐘，我做完野都仲堅持要打文，但我睇一睇個post，愈打愈覺得好似篇文笑緊自己。

香港係一個覺得資訊係免費既地方，睇youtube要免費，裝埋個adblock，睇文唔可以有廣告，唔係就唔夠純粹，連比一個like都要左諗右諗。

不過我係一個有原則既人，日記我會繼續寫，但無人睇的話，我就寫下生活，寫下感受，你想唔想睇，有冇用我就唔會再考慮了。

都係個句，生命中有好多美妙既事，深夜應該係同九嫂進行愛的鼓勵，但我兩隻手都係鍵盤上為乜。

講返正題，做生意，你總會有得唔到想要結果既情況出現，要點做？改，唔好再用同一個方法去做；放棄，唔再做呢件事。

既然我寫既野得唔到我想要既野，我就寫下第二樣好了，商業決定而己。

九九六，其實我覺得好閒，我今日都八點做到依家一點了。

如前文所講，花再多時間唔緊要，但你要清楚自己做乜，為乜。

無錯，九叔唔係應份㗎
唔好走啊

其實馬雲都係想班員工幫佢996咁打工

不過香港好多客都係咁
明明係一啲wfc嘅野
但要佢地俾出黎都係要左諗右諗
就好似俾一個like咁

有咩金句可以係佢地為啲雞毛蒜皮野猶疑不決嘅時候了結佢？

九叔去邊個活動？

下星期我去灣仔會展個互聯網經濟峰會，你會去嗎？

我唔係九叔，巴打認錯了

我都會出去活動同展覽，不過唔係互聯網，通常係貿易類

其實佢阿里對員工人工係唔錯，但大庭廣眾講呢d就真係害死唔少人

你講緊b2b定b2c先？

電子展，玩具展之類？

愛情變感情，感情變親情

好多人都會覺得愛耐左就會變感情，感情耐左就會好似家人咁，本人係非常唔同意呢件事。

愛情，無課程可以讀，只係坊間既愛情作家，愛情小說，愛情專家會講下，但好多篇幅都係圍繞拍拖，好少人會話你知結婚究竟係點，婚後又會有咩變化。

結婚，係愛情既墳墓，我認同，對於好多人，結完婚就會變得好理所當然，因為婚前拍拖唔一定一齊住，一個星期見一次兩次，當然好甜蜜，但婚後兩個人一齊住，朝見晚見，無左私人空間之後，真係好易悶。

當一個人赤裸裸咁放係你面前，你就會無晒神秘感，點解熱戀期咁令人沉迷？因為你係一個探索者，尋找未知，每知多一樣野，做多一樣野，你會有成功感，你會覺得進步左，但當你去到終點，好似打機咁，已經打爆機，你只可以重覆又重覆咁做返同樣既遊戲，你仲會唔會玩落去？

而呢個遊戲，你玩開有感情，所以你間唔中都會開住玩，再耐少少，有親情，你就會放低係度擺。

個人認為結婚真係一個好難玩嘅遊戲，身邊好多人都玩唔成，出去比錢既有，唔比錢既都有，間唔中尋開心，係常態，唔好問一個男人會唔會終身對一個女人忠誠，因為你往往只有一個假答案，會！

結婚最可怕既係，當一個人佢有一紙婚書咁維持係你身邊時，你就會有安全感，同樣你亦失去危機感，你開始唔再建設呢段感情。

如果愛情量化到的話，你會得到一個數字，一開始慢慢爬升，你做對加分，做錯減分，戀愛總會做好多事去獲得分數，但婚後開始奉旨，加分少左，但兩個人相處會有磨擦，減分多左，可能只係0.0X咁去減，累積落去就會變質。

我間唔中都會望住九嫂，我問自己，係唔係好似初初識佢咁愛佢，答案係。

其實我都幾喜歡記低事物，間唔中睇返，你會諗起早已忘記或改變左既自己。

我同九嫂得來不易，係結婚當日我係台上講：「唔，結到婚，真係唔容易啊，過程痛苦到呢……所以，我會好好珍惜！」

呢個女人，雖然性格麻麻，但唔知點解我就係喜歡，兩個人嘈下笑下咁就一年，佢依家都成日會講，唔喜歡啊，離婚囉。

我會講，係唔喜歡嫁喇，但我又唔離啊！吹咩！

要quote一下鄺囝句，愛你，若只如初見，雖然佢既文真係好煩，但呢句我都幾認同。

做任何事都好，請做對的事，唔好做你可以做的事
做任何事都好，請經常回想你既初心

愛情我覺得寫得麻麻，不過我想試下有組織地寫下結婚生活，記低今日我對九嫂，我對愛情的感想，

今個月睇禮物，印刷展，電子展

其實九叔有冇小朋友
點解生/唔生

我有時間都會去hktdc電子展，睇下有無機會見到你

我tg: santachow

第一次留言 支持

依家少咗人睇
因為上唔到熱門
同連登algorithm 有關
少咗人睇 變相少咗人推post
惡性循環 就會沉底

遊戲教會我的事

有邊個男人唔會打機？我都唔例外，工作以外，我通常都係睇書或者打機，今次就分享下我對打機既睇法。

打機我覺得某程度都幾有益身心，一隻好遊戲會令你認識好多世界觀、設定觀、心理學等等，有唔少野我都係打機學返黎，例如打字，但我最抗拒既就係一種課金勝利既遊戲，俗稱paid to win！

以前打機，你一係就買左隻game自己研究，一係就出去機舖度磨練技術，但都講緊要用時間心機同技術能力，依家你睇下apps store頭十名免費遊戲，有接近九成係玩paid to win，你有錢就會贏，如果都係輸，就再俾更多錢。

對於呢種遊戲，我只有一種野覺得可以學，就係佢地令你課金既流程係非常嚴謹，係集合左無數經驗而生既方法，搵一次我要詳細討論。

但如果以game講，比錢就贏有咩意思？

我好喜歡玩傳說對決，因為有技術有戰術有團體，而且比錢同唔比錢分別唔大。

打機我都好認真，直程連九嫂都會忍唔住話你打機咁認真做乜。佢唔明，因為佢打既係paid to win，用錢同時間就會贏，而我，輸既唔係玩得唔夠多同唔夠錢，而係我實力實實在在輸比對方。

遊戲入面有好多角色，我基本上只會玩幾隻，用死一隻集中去玩，有句名言，沒有最強角色，只有最強玩家，而我最喜歡玩既係廢角，練到佢香港排名頭三十我就會最開心。

好多野都係熟能生巧，你需要熟悉一切先可以做到最好既判斷，一個打左幾百場同一個打幾場既絕對係天同地，有經驗既，你點行點偷都估得到，係打之前已經做晒準備，知道最好既對策，但你少經驗就睇你即時反應，除非你係天才，唔係你都死左九成，所以練習係好緊要。

其次就係講戰術，我好喜歡上網睇人分享，睇遊戲片勁人點打，有時候學習比起自己研究要快得多，任何事都有一個學習過程，先睇，再學，最後先練出自己一套。

但千其唔好信晒，因為每個人都有自己擅長既野，我都一把年紀，邊可能同你鬥反應快，所以我選既角色都係相對簡單操作，但係戰術性上就有好大空間，特定情況下我可以一招收你皮。

打呢種遊戲，輸係常態，因為兩隊人，總有其中一隊會輸，大家都係50％勝率左右周旋，所以要學會面對失敗，我有時輸左會睇replay，想知道自己頭先衰乜，有好多時唔係對手強，而係自己失誤，當你review時就可以搵出自己咩地方係會忽略，咁你先可以更穩定，更強。

最後係心態，打機，要贏，無論點都好，都唔可以放棄，遊戲入面有個投降機制，我從來都唔會投降，因為未到最後一刻你都仲有機會反轉，你都可以增加自己係絕對劣勢之中既經驗，無人想面對失敗，所以逃避，認輸係方案之一，想中止痛苦，說不定下局更好？但我覺得呢種受唔到壓力既人，投胎下次都係一場悲劇。

一個認真打機既人，做野都唔會差得去邊，但如果純以輕鬆去講，打機就真係無謂喇，要輕鬆有好多選擇，望住個mon黎輕鬆，其實對身體唔好。

btw，打機盡量打多幾款，有新game出都留意下，話唔定有時候同客有多個話題，game我都送過幾十隻出去比客，一齊打大家友誼又會好左，何樂而不為。

一直無人教你點去望完全講中我心聲
所以grad左差唔多一兩年仲係鳩下鳩下

我都中過伏

不過人生中都係遇到下仆街 個人先會成長

以我個行為例

有一段時間我竟然出既糧係連一個入門店員都不如

點解 因為生意下跌

生意下跌既原因係因為拍檔做左on9既決定 唔怕講出來 覺得因為太多野做 所以將好好賣個item 加價 雖然加一百幾十 但百分比上差不多一半

根住生意下滑唔認衰 再起其他野加價諗住彌補損失
完全同我諗既違背左

Lm 支持
非sales,但對sales有興趣
睇9叔分享獲益良多

推