由零去到五千萬的奮鬥日記，我寫你睇

我想講，唔係個個人都係做生意嘅材料
呢度好多人都志氣太高
到你面臨逆境嘅時候你會接受唔到
做人都係分清楚現實同夢想好d

無需複雜化

我以前有個同事廿年前賭馬贏左廿幾萬
之後拎哂d錢去做生意
最後生意失敗冇哂筆錢
宜家差唔多50歲人都係要打返份牛工搵食
講左d咩自己參透下

做得sale 要跑既就預左要灰色，講多少少就係個quota...
今年跑一千萬，人工可能有一百萬。下年就加到1300萬，至有同樣個人工。
唔係走灰色就係要自己開公司，否則收入就會下降。

做Sale 跑到
帶team,叫下面Sale 搞
最後做老闆，請個GM 返黎

ammm....我所講o既唔係咁表面
簡單講就係利益輸送。
無論你係咩位置，除非你已經係頂層，否則在你上層o既人無啦啦點解要比運你行？ 同樣你要控制你下層o既人一樣要一些手段去limit住佢地個飯碗唔會隨便反過來傷害自己。
好似好仆街，但在商言商太過善心最後死亡o既必定係自己。

你所講o既quota limit年年提升本來係管理學上只係保護公司本身唔好比一個sales權衡過大，target能否每年增長根本係很多行政管理方面會影響到的事，絕唔可能單單壓窄sales就做得到。

20幾萬衰左就玩完，咁佢只係能力不足同自視過高o者。
做生意係要有本錢，但唔係鬥有錢。
我唔會批死某一個人一世唔可以做生意，但生意頭腦絕唔係簡單o既一件事，有人天生觸覺強大，很易成功，也有人需要滾存大量失敗經驗，交n多學費先學懂遊戲規則，也有人執迷不悔學不懂營商之道。

我一樣比唔少人串過叫我放棄發夢，話我一世打工命，更唔係做生意o既材料。
而家睇返，佢地當時冇話錯過我， 失敗係正常不過，但唯一o既係當時雖然諗唔明白，點解人地得我唔得，好唔服氣，死都要堅持下去。每個痛苦，每個教訓，我都不斷思考究竟犯左咩錯，學習點樣下次唔好再犯。
要改變一個人o既思維模式同價值觀很難，何況係自己強迫自己去改變？ 你要服輸，面對同接受自己失敗係邊，同強迫自己不斷咁消毀過去o既價值觀同思考角度再重建一個新的標準係極度辛苦o既腦内戰鬥，少一點堅持同信念都會被打沉。

我只係想分享一下，同支持你。
沒有幻想就沒有理想，連想都不敢想，更不可能相信自己可以做得到。
點樣做得到冇人會答到你，但可以肯定最大敵人就是自己，心魔同怕苦！
每個人都有自己o既一套思維模式，包括性格，價值觀同情緒控制。
但當面對困難同失敗時，能迫到自己殺停下來换多個角度去重新思考處理方案，即有可能同時要連性格同價值觀都要改變係好辛苦o既事，呢個同時都係強迫自己提升eq o既關鍵。情緒不穩根本沒可能冷靜平衡去想出新血路捱過去同膽量去壙展事業。

我有個朋友親戚係老闆
佢最高峰係喺10幾年前年賺過千萬生意
但一個唔好彩比人走數
呃左成千萬生意
嗰排佢仲因為咁患上抑鬱症
宜家過左3年先叫做上返軌道

失敗嗰下真係唔係個個接受到
輕則患上情緒病
重則可能會跳樓自殺
要至少有咁嘅心理準備先好做生意
凡事一定要有最壞打算

九叔，好耐無上黎，週末一次過追返哂post

多謝你肯堅持分享，我相信睇既巴絲唔少，只係少出聲姐。睇完你既sales篇，有好多得著，關於九型人格果部份好有趣亦好實用，希望九叔有機會講多啲啦，或者有咩書可以推介下？

另外想請教下九叔對風險既睇法，見唔少巴打對做生意既睇法都係all or nothing，你又點睇？會唔會有啲控制風險既心得，或者係做生意以外，搵其他方法對沖做生意既風險？

唔好話做生意，就算返工都會有人過唔到對自己既要求/應付唔到壓力而患上情緒病……

繼續支持下 希望多啲人睇到

我自己都試過因為工作壓力而患上抑鬱症
經過6年時間仲食緊藥不過已經好返好多
所以真係要三思而後行

巴打 想跟你搵食 可留tg?

巴打賣steel？

人際關係篇－－識朋友

有人話朋友唔需要揀黎識，但要揀黎熟，每人電話同上網都會有一大班朋友，但真正熟既有幾多個？

做生意又好，做sales都好，你一定要social到，除非你好似steve jobs咁勁，人地自然會黎同你混熟，唔係既話好多時都係自己主動。今日要講，係點識新朋友。

好多人出黎做野之後就無乜識新朋友，因為工作問題，因為時間問題，因為睇法問題，亦有人覺得學生時代識既人先最真最無機心，學生識既無機心？通常問你借錢同埋做傳銷都係呢班中學同學，你同佢完全唔熟所以有事先搵你。

計我話，幾時識既人都好，都會有好人壞人，只不過大家機心重左，唔會再咁易相信人，但只要你打破呢個防備就會好易識到朋友。

先講係邊識人。

上堂啦，紅酒班、煮食班、高球班、總之有班上你就去，呢種地方你可以好易識到一大把新既人，但你堂野係工聯會上定係係私人會所上就相差好遠喇，我指你會識到既人。

朋友同朋友之間既介紹，你打波又好，食飯都好，總會有d係大班人既聚會，每人拉幾個個種，大家一齊飲下酒，唱下歌，打下機，想識既咪傾下計，唔難。

另外你上交友apps同forum都可以識到新人，好似我咁，有唔少巴打pm我，大家識左，將來熟左都唔出其，交友apps你唔一定要溝女既，傾下計都可以，但你就先要裝備下自己喇。

識到又點？睇你功利定唔功利喇，如果功利的話，當然第一時間同佢諗合作，愈早愈好，你唔好諗住同佢熟左佢會點點點，大家都成年人，你既心思大家都明，你開門見山，有情有理，大家互惠互利的話成功率仲高。

唔功利的話，你可以搵到個知己，大家因為興趣而熟，咁你既生活亦會變得充實好多。

講真，我從來唔怕去識人，所以都中過好多次傳銷保險基金伏，約出黎傾下計變成一單商業買賣，而仲要對手太廢令我聽都唔想聽，我抱住一個總會識到朋友既心態去結識人，就好似開單咁，你唔一定單單都成，但你唔去搵就一定唔成單。

剛剛入camp，同一班新認識既朋友去，大家一人帶兩支大酒入去，由朝早飲，飲到夜晚訓為止，酒精對於傾計都真係幾有用，好多平時唔敢講既都講晒，我唔喜歡講唔開心既野，但耐唔耐我都會講下，因為你唔可能係永遠都正面陽光，咁真係太假，每個人都係人，你比到人地了解你多少少，知道你唔係扮晒野都好緊要。

講住咁多先，星期六日輕鬆少少唔講太多工作野。

十年磨一劍，漫威的宇宙

第一日朝早我就去咗睇復4，特登夾左我同老婆都唔返工去睇，一來我唔喜歡比人劇透，但亦會忍唔住睇到，所以早睇早享受算喇。如果你無睇或未睇，盡量都唔好睇以下文字，再唔劇透都會牽涉到少少。

漫威當年差少少要破產，如果唔係ironman成功，今日你都唔會見到復4出現。

好多人都著墨係故事上面，而我就對於Marvel呢個企業極之欣賞。

十年前無人會覺得marvel係一間大電影公司，大家都會認識華納、迪士尼、二十世紀霍士等，更無覺得marvel既導演、演員係大卡士，當年rdj仲未走出佢事業低谷，佢除左救左自己，仲救左marvel。

之前亦無人會打算搞一個二十一套戲先可以舖排到出黎既終局之戰，佢開創左一個先河，近乎白手興家地打低所有對手，今日電影史上最高票房，第四名、第六名、第八名都係復仇者聯盟第一至三集奪得，我相信復4會更上一層，有望同阿凡達、鐵達尼號爭一長短。

白手興家既故事係勵志，但亦係痛苦，ironman收得唔錯，但之後hulk、雷神同capital america都唔太好，堅持左幾年之後，終於係復仇者聯盟一上面贏得漂亮一戰，但亦有好多人覺得只不過係一次大集合，無任何內容同深度可言。

marvel既成功，唔係一個順利既故事，反而係一個不斷思考路向同害怕死亡既過程，每一部電影都可能係最後一部，要建立一個宇宙並唔易，時間同精力既投入數以年計，比起dc方面幾套系列唔收得就猶豫做唔做落去。

呢個堅持，做左十年，而endgame就係收成既時間，任何事如果堅持做十日，十周，十個月已經可以好令人佩服，更何況係十年？

十年磨一劍，成功，係應份，唔成功，係可惜。

由佢地第一部開始，你會見到呢個宇宙擴大之餘，呢間公司仲不斷成長，今日marvel已經成為無人不識既電影公司，以marvel推出既電影比起其餘公司更令人有信心。

做生意又好，做人都好，試下將你既信念堅持，將條路行落去，終有一日回首你會發現自己行出既路係幾唔簡單。

係

呢排睇左幾套落左畫嘅戲
個訊息都係講緊巴打最後打嗰段 堅持同努力

但我每次睇完都諗緊
寫得出黎嘅勵志片當然係講個主角會成功啦

但事實又係咪咁呢？
還是只係倖存者偏差
其實好多堅持到最後都係好似《喜劇之王》入面嘅周星馳咁 繼續碌碌無為呢？