由零去到五千萬的奮鬥日記，我寫你睇

我唔反對投機，但自問真係冇呢條命，只好乖乖地去捱出黎。

灰色野，從商無得避免。
人上有人，天外有天，當其位置只係跟返再上一層o既遊戲規則去做事。
同樣，你無可選擇地一樣會用返相同o既野黎保護自己對你下層o既人。

香港，以及世界上任何一個地方，都一定係講生存先。

首先，為生存而做野，係無可厚非，而你算比好多人幸福，因為你有學歷，亦有工作前景，只係我好明audit初入職既辛苦，但我有朋友同我同年，佢考完牌月入超過6皮，如果你係想平平淡淡過，好足夠了。

追樓呢樣野，我覺得係一個支線任務，唔係主線任務，主線永遠都事業，買樓只不過係事業上既副產品。

我諗你需要諗清楚，你想要既事業係乜，每個人都需要有一份事業，我認為係人既義務。

事業想做乜，其實好難諗，有好多人窮一生都諗唔到或者行錯左，但點你都要追求既。

至於返工時間，捱下去吧，做多少少運動，慢慢就慣，audit係用生命透支既工作

先諗值唔值，再諗做唔做到

為左一件值得既事，你會更有心去諗點做

將你既想法寫低，再一個個study

係，專心做一件事好緊要

我覺得多d同人傾下，有經歷同想法既人士傾，咁你會有好大得著

我開波寫都感覺幾好，但一路睇資料一路寫，已經12點半，今朝又要早返公司，所以唯有匆匆收筆……

分多幾次寫我又覺得無咁吸引

我個人一認真就會好大獲

多謝你先

你應該係打字打得最多個幾位

多謝你既分享，可以比到一個鼓勵我，有時真係捱過就得，一逃避就玩完。

我都輸過幾次，但每次都天無絕人之路，都叫有d安慰，我都成日覺得自己係自殺邊緣徘徊，點解自己要咁辛苦……

我依家都係靠自己，身邊既人最多係比到小助力你，但真心要自己諗通同頂硬上

我唔知點先算貪錢，但我經歷咁多後，明白錢好重要。呢20幾年都在思維點解人地可以揾咁多錢，道理就唔講了，但感受至深係佢地o既忍耐力同eq一定比別人高。
仲有一個問題，就係點樣係堅持理念同放開自己去改善自己或聽取其他意見中取得平衡。
當全世界話你唔化，固執，唔肯腳踏實地時，我不下n百次去懷疑自己，由其當你捱左好多年都冇起色個時。

我最窮個時用收入差唔多8成 keep in應酬，請客，不斷打關係，就連自己老婆都幾近反面。但我深信養兵千日用在一朝，朋友交情唔係即時，做一個沒有價值的人係唔會有人幫手的。
我野心好大，細雞細米唔願去做，但我更了解大野一到必需人財兩用，當年當我決定要東山再起開自己o既工程公司，存左好幾年o既人情同資源一鋪訓身去到盡，所以呢個世界冇死好命，只係睇你點樣去滾存自己o既戰鬥力。

支持啊

就黎1000正評，第一次開post就有咁既成績真係好多謝大家

九叔你好 終於live 小弟好少留言

留個言比個微不足道既支持你

睇完九叔文章有很多反思 當中有好多人生中既課題 有時唔提及自己都唔會去反思 當中有好多題目都有興趣 覺得係值得去研究

正因為咁 我都開始去寫作 發覺寫作係一樣幾有優點既野 簡單黎講寫作可以訓練表達能力，組織力，認清事物及喚醒記憶等等

自己會參考九叔題目 然後去寫自己見解 當然係自己有興趣既題目 有興趣自然有墨水或者會搵墨水 如果寫得好既都希望同大家分享

寫文章係有無形既得著 所以九叔你要堅持住




搵你攞靈感的人上

無乜爛唔爛尾既，但我覺得好難維持質素，始終我有限貨

多謝你先，其實我無乜舖排過，所以東講講西講講，希望大家覺得有趣啦

如果巴打你都分享的話當然好，大家當學下野嘛

大陸解析－－網購的發展

上次講到，淘寶同易趣既鬥爭，明顯最後贏既係淘寶，用香港人心態去睇，你好難會想像到點解要網購。

落樓就有得買野，點解要上網買完仲要等人送上門？價錢特別平咩？唔係。特別快咩？唔係。特別好咩？唔係。所以hktv mall係香港都係困難重重，當年既蘋果速銷都係，因為香港太好，所以養成左我地既惰性。

反觀大陸，以我多年觀察，大陸人真係話變就變，可能為左生存所以佢地有極強既適應力，而且發展中國家既人通常都會比較易接受新事物，有研究過適應電子支付既國家都係比較落後既地區，除左假錢、偷搶之外，我覺得心態先係重點。

當年既大陸有乜唔方便？2003年，沙士橫行，深圳地鐵係2004年尾先運行，萬象城同期先營業；北京地鐵係2003年先得3條線，更唔好講跨省高鐵，當年我係深圳返鄉下要坐足12個鐘車，等於坐飛機去美國，但今日高鐵先個半鐘。

係交通極唔方便既情況下，佢地好少選擇，亦好唔方便去另一區購物，甚至商戶自己既採購都係極之落後，對於佢地講，上網買野，係一種新選擇，佢地發現有好多從未見過既貨，有好多佢地無諗過咁平既價錢，有好多想買要去好遠既野依家可以送到門口。

網購對於大陸人講，係一種幫助生活既行為，當年人工一千左右，平一蚊就係一蚊。

另外支付寶既出現，加速左網購既發展，當年邊有咁多ebanking？我網購要比錢可以點做？去銀行匯款囉，仲想點，諗下你每一單生意都要去匯款，而且仲唔知係邊個收，人地走你數咁點算？支付寶作為一個中介，佢解決左安全性問題，亦可以存款等你唔需要每次去過數，而支付寶發達原因係咁多人一人放幾十蚊係你度都已經不得了，其後佢仲推出餘額寶，比起你放銀行利息，2014年最高位佢可以比到6.7%你，有好多人唔再放銀行，放錢係餘額寶收息，2017年係餘額寶既錢係有1.43萬億，比好多小銀行要有錢得多，當然，政府唔會坐視不理，不過呢個係後話。

二千年，中國被稱為世界工廠，有大量貨物出售，除左出口之外，總會有一批流入內需，阿里巴巴同淘寶對於好多人同廠講，係一個搵多一筆既外快，一單賺一蚊，做一千單就有一千蚊，須知當年人工可能都係得一千，所以衍生好多人搵呢種外快，比起打工仲大出路，商戶進入淘寶，競爭之下客戶亦有所增長，你可以買到係內地鄉村小工廠既產品，個度人工可以係幾百蚊一個月，買台機械就可以做一個山寨廠，今日好多人，特別係外國人都好難相信原來一樣野係可以平到咁……

其次就係快遞既發展配合，你好難想像到當年淘寶發貨全部都係靠中國郵政ems，郵政根本唔係為左送貨而生存，所以送貨期好唔穩定，亦唔夠人手，國企你想佢點姐？有需求，自然有供應，唔同既快遞公司出現，順豐、圓通、申通、中通、韻達、百世、京東你數都數唔晒，當中有好有唔好，但你唔會想像到佢地運費可以平到咩程度，我買過一件文員，10蚊，全國包郵啊親！

原因係好多大量既淘寶店係包月形式，每一件件可能係收幾蚊，痴線，張運單成本都幾毫子啦，我認真係睇唔出佢地點賺錢……

正因為佢咁平，所以造就左網購既成功，你放係香港！痴線，我送過一條街都最少收你廿蚊啦！人肉何價？

今日又講到咁多先，明天我要入camp，估計會醉到不醒人事，如果聽日早少少可以打得晒既就更新，唔得既就星期日一次過兩篇啦。

哎，唔記得講假貨添，睇下之後會唔會講下，淘寶點可以唔講假貨

應該寫緊啦 推

遲左

快你少少

追返曬兩篇淘寶
所以話有時諗到唔代表做到
人地做唔到又唔代表真係冇得做

做生意真係難過打工好多

伴侶/生意夥伴既支持都好重要，有時候就係靠果少少支持去捱落去

睇到層主你好堅信你既想法係正確，然後就瘋狂地堅持並且做到極致

= 正確目標 + 執行力

希望層主更上一層樓，加油！

多謝九叔！