由零去到五千萬的奮鬥日記，我寫你睇

香港政府只不過係棋子，生活得好地地，比你會唔會為香港去衝？做多錯多喎今日，你一係比保皇屌一係比反對屌，上得去既都係諗住捱幾年平平安安走人。

老董係一個好例子，做左好多野，佢係想改變同想香港好，我真心，只不過時機差，最後令下面幾代都唔會再有大動作

或者我份人係比較實事求事

比起政治取向，我更相信政治現實，今日好多提議都係漠視現實而做出黎既幻想，幻想美好，但始終係幻想。

有政治取向係好事，但將取向干涉到平時生活同工作就好不智喇，因為你好易做錯決定。

agree

都係分享下
香港唔會係中國既戰略成市，國際地位又慢慢地自我放棄。
未來既定位其實非常含糊

所有特首都諗住唔錯既心態去做，係無錯。
但成功既公司/老闆從來都唔會抱住唔錯呢個心態。

我都明你想叫大家靠自己，奮鬥向上。
如果大貓銀行將中心搬去新加坡，我覺得連向上既機會都無 唯有做個好既本地導遊。

純意見，當推post

公務員一向都唔可以用公司既水準去相題並論，所以我對呢個垃圾政府一早已經無期望了

反而我係度思考，如果自己係特首，會覺得將來香港既方向應該點行，然後社會又會唔會接受呢個模式同路向

我覺得香港真係一個死局，大家可以討論下出路

依家回頭諗返有無覺得, 讀唔讀大學其實都係一樣?

香港既大學同中學無分別我覺得

可以就住大學去寫下野

但個人係大學係得到唔少既

唉，講得太表面，我認真覺得寫到咁無意思

明明前段節奏都幾好，愈講愈快趕收筆，頂，睇返真係想死

等睇網購下集，
九叔有冇華為5G事件心得分享下

華為5g事件好廣泛，想我講邊方面先？

講真，華為風格我真心唔太喜歡，四個字講，外強中乾

之前生意上同佢地有合作過，佢種中國模式味好重

想知美國佬係真心知華為會偷資料所以拉大隊抵制佢，定係經濟原因或其他因素

講真，美國佬都唔方好得去邊，成件事好羅生門

Grad左幾年 啱啱grad嗰陣以為大把時間
原來唔覺唔覺過多幾年就30

邊做邊搵方向 慢慢就會發現自己適合做啲乜
最緊要比心機做 好逸惡勞嘅話愈做愈迷失

我都有咁既感覺 睇落準備深入時就介紹返支付寶果d

或者整個長篇既
但就分返1 part part講

支持巴打，LM

偷資料我就唔知係咪真，佢話有咪有，但站係經濟角度睇，搞中國公司係好正常

商場如戰場，有邊個國家唔係幫自己友先，特別係咁大既市場

係，其實鳩下鳩下又一年咁

我十分認同你，出身基層，唔好講父母幹，屋企從來都唔支持自己，難聽o的講唔踩到你自殺都算偷笑。 第一份工4千要求比2千，第二份6千要比4千。。。在那個時候同絕望無咩分別。

層經我都以為自己係一個癈人，唔會有張來。
至於性格，咁o既出身，點會有自信，口才學歷經驗樣樣負數。

但唔知點解，硬係唔服氣，點解人地可以活得咁風光，朋友滿天下，又揾到下錢，而自己百無，連朋友都唔多個。

我好辛苦，不斷去留意別人，去學習，唔好講收入，我只係唔想做一世毒撚。

中間無數次o既柒事，無數次o既傷心同失敗，先開始明白點樣做人，點樣思考人生。
或許那時市道不錯，年青又不怕死的性格賺過一點點財富，但柒頭就係柒頭，賺得黎洗得去，風光過後跌返落黎捱過更可怕o既日子。
由滿滿自信打沉到以為從此玩完，係，仲要以為自己一定係全世界最慘個個。幼稚，自我中心。

我一樣做過後生仔，一樣以為老細都係on9 ,更憎恨老屎忽。永遠以為自己最勁，o的死老鬼阻撚住個地球轉。

試過23歲年薪過百，也試過半年冇收入。
30歲有自己公司幾百萬身家也試過捱8千蚊垃圾工，幾層樓冇哂差o的家不成家，一次輸得比一次金。 我唔怕死，但我唔想死，因為未認輸，但好幾年裡我已經撐到準備妻離子散，連老婆都認為我冇得再翻身，只係發白日夢想發達。

或者，我條命就係咁，注定要孤獨作戰。
我富有過，但身邊o既家人只話我唔識打算，我最窮個時個個話我唔肯腳踏實地面對現實。我層經被動摇過，而且已經係冇人認同你。
但我很清楚，就算我放棄追求，結果都係一樣。

今天賬面上應該有8個零，但都係呢幾年o既事。付出左幾多其實講黎都哂氣，因為就算比我再經歷多一次都未必捱得住。
我份人冇乜賭命，你夾硬要話樓價暴升先叫死好命，我唔太認同，第一我從來冇炒樓心態，第二又有幾多個人賺到個錢可以死忍爛忍去為自己資本作打算？ 我唔係超人，只係痛過輸過n次，學懂放棄一些生活態度去為自己最終目標鋪路o者，成唔成功冇人知，自己都唔知，但起碼交左咁多年學費，點都要為自己人生寫下一些事。
白痴都知越有本錢就越易賺錢，但同時一樣可以輸到你打回原型。自己呢個老屎忽，係捱返黎。 所謂財務自由其實只係相對，越係老屎忽，睇錢就越化。年青個時食個撚廚好幾百以為叫生活態度，但要往上去比較，大把人根本nothing care . 而家反而學懂咩叫平常心，錢係要用係有價值o既地方先會keep到財富。

步入癈中之年，有時諗返， 其實無數次都會面對打沉時，由其係全世界都話你on9 話你固執時，冇人信你冇人支持你時，真係好孤獨，而且唔係一時，可能係一年，5年，10年。
5千萬的確係好難，但連自己都唔相信自己得，冇人會幫到你。

行業唔係主因，主要係不斷去學習，點樣走得比別人更前。
呢個世界話比你知會賺錢o既都係騙局，天下冇免費午餐，如果係人都諗一弓幾時輪到你做？

而點樣去走得比別人更前，除左知識，就係放眼看世界，多從廣大別人立場思考，不要固步自封。 越了解更多人思維，你先有機會找出需求上o既缺口。