由零去到五千萬的奮鬥日記，我寫你睇
九叔的小確幸
1001 回覆
1134 Like
75 Dislike
我依家都仲係有心病係度，佢害我走左好多冤枉路
多謝支持
戰略上一定係保舊迎新，累積到就贏
其實我明，我亦好少會推post，又唔想未爆post開新
希望大家間唔中入黎留個言比個like
希望大家間唔中入黎留個言比個like
係咪姐係要追po追十年？可能係連登最長壽既post
好鐘意巴打你既思維, 希望係呢十年裡面真係可以見到你, 你講得好中, 太多人都好迷茫, 因為冇人教佢地點樣去望, 我都係其中一位
好認同做生意先會致富
而家仲讀緊書 文科 想教書
諗緊點樣將呢個技能變成生意
有冇咩創業前準備嘅tips
而家仲讀緊書 文科 想教書
諗緊點樣將呢個技能變成生意
有冇咩創業前準備嘅tips
貨運sale?
最好先深入研究一樣野搵出佢既問題同有乜更好既方案，商機有好多，我都成日有新諗法，但好多時係一做落就會發現不如幻想般美好
唔係
九叔可唔可講下做運動？或者點樣平衡做野同運動時間？九叔有冇做開gym, 或者養身，注意飲食？
奪命金
唔知大家有冇睇過呢套戲，我就對呢套戲好深刻。
戲入面，何韻詩作為一個賣基金既銀行職員，長期唔到數，先唔講銀行賣基金既道德問題，但作為一個sales，你可以用一個第三者角度睇到一個頂級sales同一個低級sales有咩分別。
第一，佢根本唔覺得自己賣既野係對客有利，投資有升有跌，坦白講，你唔呃人，佢贏同輸都只不過係貪心，但佢心態根本覺得自己唔會賣到，佢聽到另一個同事用大數法則，一日call五十個客，有三個會聽佢sales，有一個會成功，咁十日就會爆到數，所以佢用好多時間去打電話，但一個都call唔到。
第二，每次佢打電話佢都好想去講自己既產品，但佢根本唔知道個客係需要乜野，賣野，你先要聆聽，你先要知道客佢諗乜，從佢既心態去著手，而唔係不斷去想人買佢既野。
好似你係賣衫咁，個客佢想買藍色，但你最近係要sell紅色，你不斷去話紅色好紅色好，有用嗎？
但另一個sales yoyo佢就好肯定，就算跌市都好，佢知道客係想賺錢，佢將危機講到係機會，再加上佢知客人有存款，叫佢加碼去賺返，過程佢好淡定，無助既客人佢想要既就係一份肯定，一份信心，呢樣係何韻詩做唔到既事。
第三，佢唔知道自己優勢係乜，面對客人既質疑，佢無解釋到當中既分別，自己睇，同銀行睇，本質就已經唔同，正如你食常餐，所有料只係10蚊唔到，但係廚師煮出黎就會變成30蚊，係酒店食可能要80蚊，有時唔係睇料咁簡單，而係過程入面幫到你咩野，連咁基本既問答都做唔到，佢業績低可以話係好應該。
第四，盧海鵬呢個放數人，佢亦係一個成功既sales，因為佢好有自己想法，亦好識捉人心理，滿面笑容係sales既基本功，輕鬆自然面對一個想sell自己既人，成功派出一張卡片反sell佢之餘，仲唔止一次，而係幾次，佢知唔知？可能知，但派多一張無壞，你唔知一張卡片幾時會為你帶來財富，佢係壽宴入面，有個賣靈位既都敢叫人派卡片，壽宴講白事，係，你唔知幾時用得著，唔需要去到咁極端，但適量地推廣自己既業務係必須的。
奪命金，好睇在，原來人係有幾貪心，股市係有幾瘋狂，賺錢真係可以禁幾個制就賺到？有人蝕到喊，亦有人發過豬頭，好多野你都控制唔到，只有莊家可以贏，你做幾多功課，有幾多年經驗，睇到幾多陰陽燭都好，到頭來唔及劉青雲用百家樂睇紙大法去買既搵得多，可以係無原因，佢就係想話你聽同賭大細無分別，你話賭大細都只不過係運氣問題，而股市就係莊家可控既遊戲，即係你對一間出老千既賭場對賭，間唔中比你賺下又點，到你買大個下佢想你死你就要死。
今日睇新聞睇到有個女仔佢年紀細過我就成億身家，靠炒股，bitcoin去搵到咁多，我睇完，心諗唔係我財唔入我袋，我都係默默地做野好過，起碼成敗得失都係自己。
唔知大家有冇睇過呢套戲，我就對呢套戲好深刻。
戲入面，何韻詩作為一個賣基金既銀行職員，長期唔到數，先唔講銀行賣基金既道德問題，但作為一個sales，你可以用一個第三者角度睇到一個頂級sales同一個低級sales有咩分別。
第一，佢根本唔覺得自己賣既野係對客有利，投資有升有跌，坦白講，你唔呃人，佢贏同輸都只不過係貪心，但佢心態根本覺得自己唔會賣到，佢聽到另一個同事用大數法則，一日call五十個客，有三個會聽佢sales，有一個會成功，咁十日就會爆到數，所以佢用好多時間去打電話，但一個都call唔到。
第二，每次佢打電話佢都好想去講自己既產品，但佢根本唔知道個客係需要乜野，賣野，你先要聆聽，你先要知道客佢諗乜，從佢既心態去著手，而唔係不斷去想人買佢既野。
好似你係賣衫咁，個客佢想買藍色，但你最近係要sell紅色，你不斷去話紅色好紅色好，有用嗎？
但另一個sales yoyo佢就好肯定，就算跌市都好，佢知道客係想賺錢，佢將危機講到係機會，再加上佢知客人有存款，叫佢加碼去賺返，過程佢好淡定，無助既客人佢想要既就係一份肯定，一份信心，呢樣係何韻詩做唔到既事。
第三，佢唔知道自己優勢係乜，面對客人既質疑，佢無解釋到當中既分別，自己睇，同銀行睇，本質就已經唔同，正如你食常餐，所有料只係10蚊唔到，但係廚師煮出黎就會變成30蚊，係酒店食可能要80蚊，有時唔係睇料咁簡單，而係過程入面幫到你咩野，連咁基本既問答都做唔到，佢業績低可以話係好應該。
第四，盧海鵬呢個放數人，佢亦係一個成功既sales，因為佢好有自己想法，亦好識捉人心理，滿面笑容係sales既基本功，輕鬆自然面對一個想sell自己既人，成功派出一張卡片反sell佢之餘，仲唔止一次，而係幾次，佢知唔知？可能知，但派多一張無壞，你唔知一張卡片幾時會為你帶來財富，佢係壽宴入面，有個賣靈位既都敢叫人派卡片，壽宴講白事，係，你唔知幾時用得著，唔需要去到咁極端，但適量地推廣自己既業務係必須的。
奪命金，好睇在，原來人係有幾貪心，股市係有幾瘋狂，賺錢真係可以禁幾個制就賺到？有人蝕到喊，亦有人發過豬頭，好多野你都控制唔到，只有莊家可以贏，你做幾多功課，有幾多年經驗，睇到幾多陰陽燭都好，到頭來唔及劉青雲用百家樂睇紙大法去買既搵得多，可以係無原因，佢就係想話你聽同賭大細無分別，你話賭大細都只不過係運氣問題，而股市就係莊家可控既遊戲，即係你對一間出老千既賭場對賭，間唔中比你賺下又點，到你買大個下佢想你死你就要死。
今日睇新聞睇到有個女仔佢年紀細過我就成億身家，靠炒股，bitcoin去搵到咁多，我睇完，心諗唔係我財唔入我袋，我都係默默地做野好過，起碼成敗得失都係自己。
開左post咁耐, 九叔最近生活點, 有冇咩特別野
最近九嫂去旅行，要唱返首眼晴想旅行先得
去邊度玩
九叔說偷食
今日全城話題都係安心偷食，咁我都講下睇法啦。
講真，八卦野，聽下笑下知下無乜問題，不過我份人唔太喜歡網上屌，耶穌講過，邊個無罪既，就用石頭丟佢啦，我有罪，我唔係聖人，丟石呢d野我就唔做喇。
十個男人九個滾，仲有一個仲諗緊，真係事實，我身邊有九成朋友都已婚，一班男人坐低傾既都唔慌係好野，偷食？睇得太多，睇到麻木喇，有時候你覺得有個朋友好好仔，但我試過有一日發現佢都玩，仲玩得多過我，我就覺得呢個世界實在太可怕了。
安心事件，我第一個問題係問自己，如果有日黃心穎佢主動擒我，我會唔會做錯事？喂，我唔敢答啊法官大人！
幾十年感情，實會淡，實會悶，有個青春少艾主動投送秋波，話一定唔會出事既人先最虛偽。
男人只要有事業，有錢，有樣，有經歷，有女人送上門真係唔出奇，可以話係男人必修既課題，忠誠，只不過係唔夠誘惑而出現既暫時現象，唔到死個日，你都唔可以話自己係忠誠。
網上世界，無人知你係邊個，你可以處於一個絕對道德高地，坦白講，你日日偷食都可以扮晒野自己好高尚。偷食並唔係咩奇怪事，而係平常都不得了，每日每時每分每秒都發生緊既事。
當然，經常發生並不代表合理，但我唔想去討論道德問題，而係想講下當你遇到同一問題時你可以點做。
不如黎個角色扮演先，有個女仔叫你去飲野，而你都覺得佢對你有情感，你會唔會去？如果你同你老婆係感情好好既，你又點會去？係屋企同老婆睇下電視都可以好開心，又或者你叫埋你老婆去都仲得。
結完婚，所有事都係兩公婆既事，而唔係某一方仆街咁簡單，結婚當日你已經清楚表示左你同佢會同甘共苦，兩個人等於一個人，好多人自欺欺人覺得自己婚姻好美滿，但事實上只不過係好平淡，或者無發現咩慘劇。
婚姻就好似進食咁，飯係可以飽肚啊，所以有好多人日日都煮飯，進食左最低需求，滿足左你最基本情感，但足夠咩？有邊個唔想食米芝蓮？只係有好多人食唔起，當你食得起，而你要日日係屋企食白飯時，以心理學講係唔現實。
家家有本難念的經，外人睇許志安係偷食，但係佢同sammi既感情係唔係童話式既進展，每日過住幸福快樂既生活你又點會知，唔好講佢地，講返平常人，去到四五十歲兩夫妻感情可以有幾淡，睇下街上面既人你都會明白。
幾多對持續愛到幾多歲，係難嫁大佬！一生一世，好多人都概念錯晒，唔係你結婚就可以享有一生一世，而係你好努力，好堅持，好付出，到最後你先可能會擁有一生一世。如果一生一世係咁簡單，咁應份的話，又有咩咁珍貴？好好笑既係，好多人當呢樣咁珍貴既野係應份既，結果失去自己最睇重既野。
問下你自己，當有女主動挑逗你時，你第一時間會諗起咩？
A）我有老婆，佢知道既咪大獲
B）頂，個衰婆平時都唔會咁對我
C）我好似真係好耐無搞過野了
如果你既婚姻經營得唔好，以上三樣野都會致命，但如果你有一段好既感情，你有付出好多係另一半身上，你會諗既，係你同你老婆最好既回憶。
唔偷食既原因，從來都唔係道德、責任、義務，三者係外人比你既，就好似法律咁，係嚇你令你唔敢行差踏錯，但你係基於有代價而唔做，咁係真心咩？
如果你無手尾，無代價，無人知時你都會拒絕，而拒絕原因係因為你覺得同你老婆一齊係開心d既話，恭喜你，你生活應該好幸福。
今日全城話題都係安心偷食，咁我都講下睇法啦。
講真，八卦野，聽下笑下知下無乜問題，不過我份人唔太喜歡網上屌，耶穌講過，邊個無罪既，就用石頭丟佢啦，我有罪，我唔係聖人，丟石呢d野我就唔做喇。
十個男人九個滾，仲有一個仲諗緊，真係事實，我身邊有九成朋友都已婚，一班男人坐低傾既都唔慌係好野，偷食？睇得太多，睇到麻木喇，有時候你覺得有個朋友好好仔，但我試過有一日發現佢都玩，仲玩得多過我，我就覺得呢個世界實在太可怕了。
安心事件，我第一個問題係問自己，如果有日黃心穎佢主動擒我，我會唔會做錯事？喂，我唔敢答啊法官大人！
幾十年感情，實會淡，實會悶，有個青春少艾主動投送秋波，話一定唔會出事既人先最虛偽。
男人只要有事業，有錢，有樣，有經歷，有女人送上門真係唔出奇，可以話係男人必修既課題，忠誠，只不過係唔夠誘惑而出現既暫時現象，唔到死個日，你都唔可以話自己係忠誠。
網上世界，無人知你係邊個，你可以處於一個絕對道德高地，坦白講，你日日偷食都可以扮晒野自己好高尚。偷食並唔係咩奇怪事，而係平常都不得了，每日每時每分每秒都發生緊既事。
當然，經常發生並不代表合理，但我唔想去討論道德問題，而係想講下當你遇到同一問題時你可以點做。
不如黎個角色扮演先，有個女仔叫你去飲野，而你都覺得佢對你有情感，你會唔會去？如果你同你老婆係感情好好既，你又點會去？係屋企同老婆睇下電視都可以好開心，又或者你叫埋你老婆去都仲得。
結完婚，所有事都係兩公婆既事，而唔係某一方仆街咁簡單，結婚當日你已經清楚表示左你同佢會同甘共苦，兩個人等於一個人，好多人自欺欺人覺得自己婚姻好美滿，但事實上只不過係好平淡，或者無發現咩慘劇。
婚姻就好似進食咁，飯係可以飽肚啊，所以有好多人日日都煮飯，進食左最低需求，滿足左你最基本情感，但足夠咩？有邊個唔想食米芝蓮？只係有好多人食唔起，當你食得起，而你要日日係屋企食白飯時，以心理學講係唔現實。
家家有本難念的經，外人睇許志安係偷食，但係佢同sammi既感情係唔係童話式既進展，每日過住幸福快樂既生活你又點會知，唔好講佢地，講返平常人，去到四五十歲兩夫妻感情可以有幾淡，睇下街上面既人你都會明白。
幾多對持續愛到幾多歲，係難嫁大佬！一生一世，好多人都概念錯晒，唔係你結婚就可以享有一生一世，而係你好努力，好堅持，好付出，到最後你先可能會擁有一生一世。如果一生一世係咁簡單，咁應份的話，又有咩咁珍貴？好好笑既係，好多人當呢樣咁珍貴既野係應份既，結果失去自己最睇重既野。
問下你自己，當有女主動挑逗你時，你第一時間會諗起咩？
A）我有老婆，佢知道既咪大獲
B）頂，個衰婆平時都唔會咁對我
C）我好似真係好耐無搞過野了
如果你既婚姻經營得唔好，以上三樣野都會致命，但如果你有一段好既感情，你有付出好多係另一半身上，你會諗既，係你同你老婆最好既回憶。
唔偷食既原因，從來都唔係道德、責任、義務，三者係外人比你既，就好似法律咁，係嚇你令你唔敢行差踏錯，但你係基於有代價而唔做，咁係真心咩？
如果你無手尾，無代價，無人知時你都會拒絕，而拒絕原因係因為你覺得同你老婆一齊係開心d既話，恭喜你，你生活應該好幸福。
泡菜國，可能返黎唔認得佢了
10日後會發生咩事都唔知，巴打仲要有個十年目標，祝你馬到功成！我覺得大灣區未必要5千萬！
祝你成功！
佢都崇韓？
真心唔明泡菜有乜好玩, 野食又唔特別好食
真心唔明泡菜有乜好玩, 野食又唔特別好食Lm
要住大灣區我不如移民
有朋友叫佢去，佢都唔睇韓劇既，我同佢去左一次都唔想再去了