由零去到五千萬的奮鬥日記，我寫你睇

講起政治，九叔呢篇文真係講得好中，不論藍定黃都係唔鐘意聽同自己相反既意見。不過人天生既本能就係相信咗一樣野之後，只係會搵論據去不斷支持自己既想法，而好少會反思自己既立場本身有冇錯。

講起呢樣野，又諗起英國脫歐個時，全世界都以為今鋪實無野，一定留返低歐盟。點知結果一出大跌眼鏡。我諗同啲人自動ignore 同自己立場唔同既人都有啲關係。

我怕會引起罵戰添

估唔到有巴打你既認同

脫歐單野我都跌晒眼鏡，依家我覺得新聞同財演無分別，聽完唔好信晒，佢又無責任既

今晚唔小心睇左紅Van，真係用垃圾形容都侮辱左垃圾

電影版? 完全同小說版唔同樣, 簡直係亂咁黎
雖然小說都係爛尾, 但緊張好睇好多

留名

見巴打你咁俾心機每日一篇，我都想你寫嘅野可以多啲人睇到

啱啱畢業時自己都定左幾個目標
有啲提早完成，有啲仲係遙遙無期
我想住嘅樓都係大約一千萬（剛畢業時只係六百萬）
而家繼續為佢奮鬥緊

之前同你講過我份工嘅困難
其實我份工都好肯定冇得升
就算升左都冇做跑數咁好搵
所以走都係遲早嘅事

Lm

所以聽人講嘢好重要
無論客仔定敵人定唔同立場
所以平時盡量聽多啲人哋講嘅嘢
吸收哂佢d好嘢

當年好後悔入場睇咗
好記得睇完後班朋友你眼望我眼

放心，好易用
而加大學上堂有唔少professor 都拎來做electronic whiteboard

睇緊紅van小說，終於明網上既人話爛尾係咩原因，埋咁多條線我都唔知佢點收尾

承認自己有錯，難
承認自己有錯兼改善，更難

你點睇

認錯就睇個人修養
改善就睇知識智慧

網上世界令大家改變左溝通方式

唔喜歡唔睇唔理，又無責任可言，養成左壞習慣

推一下

生仔的前題

同九嫂一齊既時候，我地已經有共識唔會生仔，理由絕對唔係因為我樣衰佢怕小朋友似我，而係實在太困身同太大責任。

生仔，唔難，放入去，打個冷震，等中獎。

生仔唔難，養仔難、教仔難。

連登大把人會怨老豆老母比唔到好生活佢，又話不如唔好生佢地喇，先旨聲明，呢種咁既睇法真係垃圾到爆，係要有幾低劣既人先會講出窮人唔好生仔呢句野。

但唔認同還唔認同，我怕終有一日自己小朋友會學壞，會怨我，會恨我，所以我計左一條數。

供樓要萬五，平時起居飲食雜費萬五，家用一萬，旅行一萬，換屋基金一萬，保險買野五千，將來小朋友生活加讀書，一萬五，工人一萬，加埋已經九萬銀，減返稅，你唔一個月穩定搵十萬我唔會生仔。

一個月十萬，真係話多唔多話少唔少，依家我都叫做生活得唔錯，如果要為左小朋友而節衣縮食打消自己既生活質素有意思嗎？

坦白講，我都係公屋長大，屋企幾兄弟都係一個老豆搵錢養大，比上不足比下有餘，係平淡之中長大既我，唔阻止其他人生仔，只不過我唔想自己小朋友係同一個環境長大，因為我知道條路係有幾困難，點會比自己骨肉行條修羅路？

而且我見得太多人生完小朋友兩公婆關係就急轉直下，因為小朋友而鬧交，離婚等等，有唔少人生完之後就以夫妻轉變，阿仔老豆，阿仔老母，關係唔再係直接，而係間接。

我太愛九嫂，所以我唔想貧賤夫妻百事哀。

搵十萬，持續地搵，真係唔係一般努力做得出黎……有時我會諗，如果我搵到錢，我會買夢想既樓，定係生一個小朋友？我答唔到，理智上係前，情感上係後。

如果我有小朋友，我真心想有好多時間陪佢，教佢，將我一生所有既睇法都比佢知道，教佢打波，教佢睇人，教佢溝女……

不過，好似好遙遠，九嫂都唔後生，再等就未必生到或者好危險。

時間無多，夜晚諗起呢d就會好大壓力訓得唔好，唉。

推一推
但九嫂點諗先？

留名學嘢

除咗錢之外，時間都係問題
好多人晚晚做到7、8點先收工
呀B對住工人仲多過對住你
都係慘

非也

要幾多錢先可以生，係一個自我判斷

低劣係將自己一套套落其他人身上

窮人真係好睇你個標準去到邊，有人覺得搵一萬窮，有人覺得搵五萬都係窮，有人覺得搵十萬都係窮，標準呢？窮人唔好生仔呢句野從來都無共識，就算有，都可以過十年就被推翻，講真，有意思嗎？

我覺得考慮清楚先好生已經算係盡左責任

我都覺得係，小朋友成長真係好睇父母教育，而唔係學校教育

直心講，學校教既野真係普通同基本野，有好多野係父母教同比榜樣出黎

佢覺得唔生最好

依家佢成日玩佢姪女，係開心，但佢都話左唔想生

睇到我想喊

會過去的巴打