由零去到五千萬的奮鬥日記，我寫你睇

新客永遠最難，但亦係好大既市場，唔係你難在搵新客，而係你未知同未諗點去搵新客

Ok

lm

成Sales之路

有好多人都好關心點做一個好Sales，所以今日我地就講下點做Sales。

點解我會做？其實無佈署，真係一個緣份就入咗呢行，而我第一個月既老底係6000蚊，作為一個大學生，今日睇返絕對係侮辱性工資，但剛剛畢業又唔理得咁多，心諗咪做住先，點知一做就做左咁多年。

我想提出，好少人天生就係一個Sales，而銷售係大部份人都唔喜歡做既事，我都唔例外，如果你係天才Sales，可以Skip過，但如果你自問唔係天才，或者睇落去可以幫到你。

頭三個月試用期，我真係近乎零客，開既第一張單都係公司比，張單應該有三萬蚊數，而呢單野賺埋都唔夠我呢三個月既侮辱性工資，原來自己連一個侮辱都俾唔上，甚至係佔左便宜。

年少無知，又無一個好上司帶，幾年都係摸索，我會諗，人地平過我，我又係細公司，自己又無經驗，又無人脈，點搵單啊？所以我持續左幾年既佛系Sales生涯，成為一個地底泥，靠老底為生，每日返工都俾老闆捽數，好彩，公司唔係等我開飯，而真係無人入行，所以比我繼續做左落去。

三年來，我都未試過到數，但老底keep住上升，去到一個正常打工既水平，點解我唔轉工？因為夠自由，我出去見客就見客，無人理，只係要比人捽，所以我話捽係無用，因為有就有，無就無，如果捽到就有既，叫懶，因為你無做野，但你做左野都搵唔到，就係方法錯。

直到我好好彩，終於有一張單係超過一百萬，我正式到數，亦得到一份四萬幾蚊既佣，就係呢四萬蚊，改變左我既態度。

因為呢張單係one off的，所以下個月我就打回原形，而我就會諗，究竟我點先可以再搵到咁多既錢！

我問我自己，究竟我有咩優勝過人地？而得出黎既結果係，我後生，之前有提過呢個夕陽行業好少人入行，所以市面上老sales為主，而我真係細佢地十年廿年甚至三十年，年輕好咩？個客未必信你嘛！錯，年輕優勢係，客都係差唔多年紀，你可以同佢打好關係，老餅連whatsapp同facebook都唔用，而我就好喜歡約客食飯，傾下計，反正可以claim公司錢，傾下傾下，我地唔再係傾公事，我地會傾去旅行，會傾有咩夢想，會關心佢無得升職好煩惱，最後，由一個客變成一個朋友，結婚仲請左佢地黎飲。

我再問，點解我會有單？點解要係我做？作為一個B2B Sales，你唔係市場獨有，更多既係客眾多供應商之一，其實大家都賣緊同樣既野，最後睇價錢的話，咩關係都假，你同佢再好傾，佢老闆問到點解要比一間貴既做，佢都唔可以決定。所以我決定唔再做普通既一個19sales，我開始將自己變成一個consultant。

舉個例，干炒牛河，周街都係，如果個客想order一個牛河，會睇幾點，邊間平、邊間快、邊間好食，好唔好食呢樣野真係食個返尋味，如果佢以好食完勝，咁你已經無機會再去比試，因為佢會直接order一間，你連報價機會都無，更唔知佢食完牛河，所以你要假設大家差唔多味，而佢亦唔係一個完美主義者。

點解我會叫自己consultant，因為我唔係客要牛河我就比牛河佢，牛河只係一個佢諗出黎既結果，而佢叫牛河既原因可以係，佢肚餓、佢想食牛、佢想要鑊氣、佢想快，總之佢有一系列既原因去做出一個牛河既決定，當我聽佢要食牛河時，我會了解佢深層既需要，搵出一個符合佢要求之餘，又有新元素既建議，例如瑞士汁牛河、慢煮和牛牛河、無味精牛河，而你亦唔再係企上一個擂台圍抽，而係將對手拉入自己領域比你打既開始。

好，試完我會上黎同巴打講
唔阻你打文啦，我諗好多巴打等緊睇你既日記

成功必有佢成功之處，唔好相信好彩論，你要相信任何野發生都總有原因，你需要去發掘出係咩原因。

市面上有唔少類型既sales，我可以概括一下：

1）關係sales，我世叔伯係某某上市公司主席，佢益下世侄有幾閒？好多保險佬都係靠關係單，你有幾個有錢大陸親戚，你幫佢資產轉移黎香港，你都可以賺到首期有突，而關係，有就有，無就無，我教你唔到，就此停筆。

2）努力sales，努力有冇用？一定有，因為只要你個pool夠大，你條件再差都總會碰到有人鬼掩眼，呢類sales堅信努力有用，以概率去行事，即係以往經驗係10％做到，你每搵100個就會有10個中，其餘90個？who fucking care？但我想講，做生意唔係講機率，而係講原因，呢種sales唔會進步，因為佢時間係咁多，一日10個鐘打cold call你可以打到幾多個？一定有盡頭，而呢種做法，客會來去如風，因為你只不過係佢生命中一時唔覺意失算既一個，當一比較，你就係第一個byebye既人。

3）大客sales，有人天生係sales，佢地只做大單，無寶不落，聞到個客有冇潛力，呢種sales其實效率最高，因為佢地花好多時間去分析個客，每個人總有弱點，再大既客，你日日煩佢、送禮、扮慘、講專業、誠意真係可以打動人，好似拍拖咁，條女好靚，但你誠意打動佢，佢咪同你試試囉，好過一個有條件但好似唔多志在你既男朋友。

4）減價sales，價錢就係一切，係呢種人既信念，而佢肯定無讀過張五常既交易費用，人係有唔同既資訊代價，你格晒全世界既價，一定搵到個最抵，就好似TXXXXXXX咁，但你又知唔知原來TXXXXXXX唔係最抵，佢只係水你？因為無人知咩價最平，所以你自己送上門減價永遠都係下等，亦即係所謂既做爛市，你每張單賺唔多，咁肯定無錢賺，對客既態度亦唔會好，做出黎既野都唔慌正，所以係客心目中你已經被標籤左係平但廢，好難翻身，而佢地更唔會知自己既方法係錯。

5）黑暗sales，香港勝在有ICAC，但你一萬幾千，ICAC係唔會幫你開file，有好多sales都會回水，個人唔會建議咁做，因為你犯法只需要一獲你就一世玩完。

俾個討論位大家，如果你係一個sales，你會係一個點既sales？

稍後我會有條理地講，我究竟係一個咩類型既sales，而咁會有咩改變

負責做報價咋 無跟客
就咁入excel 問大陸拎價
mark up完send比上司
手板眼見功夫

難怪，咁巴打依家做邊行？

睇完燃燒左搵錢既鬥志

Lm

好岩聽，特別係政府工果到
唔明點解要吹奏政府工

做生意印象最深刻嘅係要自己承擔風險，呢樣係一個好好嘅磨練，打工係比唔到我

灰色野應該係不道德而合法
犯法野

借個位來呻下
岩岩返屋企食飯屋企人又屌我 又比俾說話我聽，其實我好唔撚想返屋企食飯

佢哋話當初好後悔俾我開舖
又話如果邊個邊個個仔來做生意一定係好勁好勁…
話我口才唔得搵唔到客
話擔心我30歲啦唔知條路點行有冇後出返嚟打工啊…

我朋友好支持我做生意
但我完全唔明屋企人狂踩我完全唔睇好我


其實佢知唔知我每月搵緊幾多

有冇人好似我咁？

我想快d搬走

點解睇你唔起
做咩生意?

唔行動既話好快燒完

教育中心

因為好多人都唔求變，亦唔敢變，其實各花入各眼，可能政府工先適合呢類人，但政府工穩係穩，穩到你無可能有得高人工

基本上個個一開始都覺得好少事，覺得自己可以，但真係面對無盡困難時就會慌。

做生意唔係你練到一身好武藝入去殺，而係入去一路比人打一路行

犯法野大把，特別係做b2b sales同做生意

搵唔到錢咩? 做左幾耐?

屋企人既相處，其實你都要話清楚比佢地知你情況係點，例如今個月好唔好生意，有咩計劃，將來諗住點

對於未知，好多人都會抗拒，屋企人都係咁，佢唔知一定會諗左負面野先，所以你要比佢地了解下

搬係好事，自立左你會更多動力／壓力做野

你個目標仲大過我難過我，加油！

巴打你自己開咩？大家交流下