[巴打入] 有咩舉止反映到你地想娶一個女仔/想結婚 ?

我同佢的確係開始愈來愈唔同
我愈來愈穩定、節儉，可以旅行都唔去為儲錢
但佢就覺得返工咁辛苦，旅行都唔去得、買自己鐘意既野都唔得，咁樣人生無意義
佢對我係好，但我心底知道佢仲係個小朋友咁，唔成熟，唔安定，只顧自己開心同自由
佢呢刻係無資格做爸爸，佢個人唔定、又無耐性，但佢覺得點都要生小朋友既，咁先似個家　
但真係好愛佢，愛到一次又一次佢令我失望，我都無離開既勇氣
我又覺得佢好似好愛我，但就唔知點解唔會主動提結婚咁

背住佢識第二個，事成之後飛左呢條友

如果佢都講到呢幾年俾你搞到好大壓力
又表明年尾會求婚
我諗你可以直接用年尾做一個界線
到時佢都冇表示你未知佢係咪拖你
但係男人真係會下意識逃避壓力來源
呢個case就係結婚同埋你
我相信可以俾多少少耐性等埋今年
唔好再chur佢喇

同埋佢平時對你好唔好你應該知
無謂轉牛角尖諗到佢只係為有個長期性伴侶而娶你
真係只為扑野唔洗咁大壓力都應承你年尾求婚
直接分手揾第二個就得

同埋佢26歲仲有讀書
即係呢幾年學費都用咗佢一部分收入
未必好儲到錢
佢一諗到過多兩年要結婚壓力會更大

而你眼中嗰啲無謂嘢
會唔會係佢減壓嘅興趣來源？
男人其實好簡單
唔計成日去蒲去玩嗰啲
佢哋份人工除左食飯搭車拍拖
就係花喺自己興趣上面

雖然佢冇儲錢令你好擔心
不過佢呢幾年壓力咁大
你又提住想結婚
佢內心只會更想逃避
花嘅錢只會更多喺自己興趣上面
會係一個惡性循環

你講得好岩
佢就係話呢幾年壓力好大
上年開始佢好想發洩 去咗叫雞 被我發現後
佢話覺得讀書、返工壓力已經好大
我仲成日逼佢 又唔聆聽佢 淨係識逼佢結婚
最近復合返 我覺得好唔開心 佢背叛我 但覺得自己都有份做成
所以唔敢再逼佢結婚 好怕又有反後果

[而你眼中嗰啲無謂嘢
會唔會係佢減壓嘅興趣來源？]
我地上年年頭開了聯名儲錢
唔係係咪因為儲錢壓力、讀書壓力、返工壓力、我俾既壓力
令佢去叫雞發洩
反正我而家就係原諒咗佢
我都唔知佢係藉口 定係真
但我真係好愛好愛佢

佢係咪諗得太簡單 唔知搞個wedding 要年幾
可能佢係expect到你27 先黎求婚咁 簽個紙就算

你同佢係咪差唔多年紀
香港男人未到3字頭都未想結婚
勸你一係調整心態
一係飛左佢搵個大幾年

叫過雞都原諒⋯
趁而家仲係廿中 搵過第二個喇

我唔介意唔擺酒 擺酒都麻煩
只想簽個紙 去個蜜月旅行 兩個人一齊生活就夠

我覺得係自己逼成佢咁
我計返時序 係我發癲果排佢先開始叫

我諗調整自己心態 令自己無咁恨結婚 可能會最開心

好愛佢咪比d時間佢
要係27-28歲或之前結婚係咪咁重要？ 重要到好愛佢又要分佢手？ 係你要分佢手，我覺得拍咗咁多年拖都係差張紙啫，一張紙真係重要到冇哂安全感？
換個角度黎睇，男方仲讀緊書，連儲錢都難，結婚又要駛一大筆錢，或者唔係佢唔想同你結婚，係暫時冇能力啫。

可能係我問題啦，唔認同男方唔提結婚就係拖住女方時間/青春... 佢係咪真係愛你，你自己心照啦

都係個句： 結婚唔係一段感情既終點

絲打你真係好愛佢...
比我我接受唔到男友去叫雞
就算你發癲 佢尊重你 就唔會去叫雞

咁我覺得係兩回事
你係有俾好大壓力
但叫雞係個人選擇
有好多可以減壓嘅興趣
佢偏偏揀叫雞

我係你會認真思考對方係咪能夠行落去
當然你施加壓力呢一點係需要改善
至少同咩人一齊都要體諒同尊重佢興趣
但如果對方興趣係叫雞就

當你準備好生小朋友同有心理準備個小朋友同你發幾粒鐘脾氣，夜晚一兩個鐘就要起身一次餵奶時。

你講得好岩 我有時都諗 點解我會因為佢唔儲錢唔計劃結婚而嘈分手
明明自己好愛佢 咁點解要分手 搞到自己都懷疑自己係為結婚而結婚
直到佢叫雞 我本來真係決定分心 諗過等下一個對象算數
但我又諗 如果真係有個男仔話娶我 但佢唔係我最愛既人 咁樣結婚有意思咩
唔係同自己最愛既人結婚 係無意思 唔係我想要
於是我而家就同佢復合返
但復合返 我又諗起同佢結婚既問題 ......

我有問過佢係咪平時上得FB IG多 潛移物化咗
睇得多 就想試其他女仔 就會不自覺用叫雞黎發洩
佢後來都承應係 話會改 睇少啲 俾多D安全感我
最近見到佢有改好 暫時信佢會變

我睇返自己同佢既對話 覺得自己以前好似怨婦 癲婆
自己都覺得自己癲咗
有少少體諒佢點解叫雞

有諗過簽紙、大家輪住去對方屋企住就算

暫時又未想生住既
婚都未結到 要儲多幾年錢先生到小朋友

咁你就咪諗啦

買唔到其實可以租啫
同埋我地好耐之前已經有個唔郁得既戶口一齊儲錢 用黎結婚同應付突發野
你可以鼓勵下佢一齊儲下錢先 等佢有個責任心