[巴打入] 有咩舉止反映到你地想娶一個女仔/想結婚 ?

想問下巴打 ，你地想娶女朋友/想結婚時，
大概會有D咩行為？

我同男朋友拍咗好多年拖，佢成日話27歲會同我結婚，
而我而家都25歲 ，得返兩年時間，
佢又成日好大洗，唔多儲錢，完全唔似真係有計劃想同我結婚咁......
但雙方家人朋友一早識哂，佢所有家庭聚會都會帶我出席。
我間中都問佢，打算幾時同我結，
佢次次都話27/28歲，但佢又好似無咩儲錢、無計劃、無準備，
其實佢係咪哄我咋？

除咗儲錢，仲有咩行動可以證明佢係有心想結婚？

睇吓佢有冇留意吓日常嘅野
例如有冇plan婚禮 婚後住邊 生小朋友計劃嗰啲好現實嘅問題
問吓呢啲 睇佢點答
會唔會答到你定答唔知

就咁聽覺得唔好再探佢口風啦
問多幾次佢又話逼婚
勸你早日做好心理調整算啦
27/28結婚 起碼都26就求婚啦
唔係話你結就即日結架嘛
事前準備都要一年
佢仲係咁嘅款你都唔駛咁大期望
適當時候止蝕離場算

佢有既 有時會講起第日租樓 想租返我地而家住果區咁
又會話第日想生個女 有次話如果我大肚佢會好擔心我 因為我好輪盡 之類
咁既話 係咪都代表佢有心同我結婚??

佢每次都會答既 但係我覺得好似得個吹水多 唔覺佢有咩行動 令我有安全感覺得想結婚

前排佢話我逼到佢壓力好大
我呢幾年黎的確成日提起結婚既....唉
佢有講過今年年尾旅行會求婚
但係我覺得都係得個講

會唔會你男朋友覺得簽張紙=結左婚？

簽左紙仲唔叫結左婚

咁就直接放棄呢段關係？人一定要結婚架咩

我地略略講過唔想擺酒
簽紙 兩個人去旅行 就算
但係多數都係我提起呢個話題先
我唔講佢就唔提
我又唔敢成日提 怕佢煩 但又好無安全感 覺得好唔實在咁

我都咁諗 我呢兩年有個感覺
覺得佢好似一年拖我一年咁
每年都期待佢有改變

佢講過結咗婚無地方住既話就分開住
但我覺得咁樣結婚無咩意思
寧願租

我係個家庭觀念好重既人 好媽媽性格 所以好想結婚

我地買唔起私樓
次次抽居屋都係我提起先

但佢話我係佢想結婚既對象
我覺未玩過係真既
結婚係大責任既 仲多個人管佢衣食住行掛⋯⋯