[威士忌14] 一年一度香港威士忌節又黎啦

汝亦知射乎 · 2019-02-18T19:08:59+08:00

個格式係沿用久米仙巴打開既上個post 冇申報番唔好意思我唔打算自己整一個會將久米仙巴打既格式間唔中改一改下完全未飲過Whisky ，唔明有咩咁令人著迷既可以睇下小弟既文章：點解唔試下威士忌？ https://is.gd/MsHdou Basic knowledge基本野 1. 威士忌達人的威士忌學苑 https://is.gd/OeByyc 2. 關於威士忌書上沒教你的事 https://is.gd/M6C8VQ 3. Maltmadness Beginners’Guide https://is.gd/xouIeM 4. 關於威士忌不可不知的十件事 https://is.gd/ydAjAs 5. 漫談威士忌品酒技巧 https://is.gd/1O3Fvy 6. THE MURRAY METHOD http://thewhiskeyscout.com/?page_id=453 7. Whisky Q https://www.facebook.com/whiskyQ/ 8. 威士忌從零開始 https://www.facebook.com/startfromzerotowhisky/ 小弟 (久米仙巴打) 開既Page，自己都係新手慢慢學緊，好明白新手係好需要幫助先入到門，就將自己學既野寫出黎比人睇，循序漸進咁一齊學野，亦都會整合人地既資料同文章去比讀者。 Q and A答問大會 Q : 新手入門，想識多D又無從入手? A : 個人建議幾個方法: 1.搵朋友痴酒一開始唔知自己鍾意飲咩口味既朋友，可以去朋友到痴酒飲下，等朋友Guide住你飲。 2.成本論: 去Whisky Bar 叫1 shot 試酒冇朋友咁點算？可以自己去Ginger(Whisky Bar)試Beginner Set，連埋加一都係接近$200就試到3杯入門級酒，講緊係8-12年左右既貨色。咁樣自然唔洗買完一支先發覺飲完一啖唔岩，要棄成支啦。 3.酒舖試酒去酒鋪試酒，好多酒鋪都有開左幾支酒係到比人試，唔洗錢試，如the good spirits、鴻源、億升、the raremalt等。一開始對比唔同風味既酒黎試最好，一杯Sherry風味，一杯泥媒風味，好易就聞到個分別。當然自己買左幾支係屋企飲既朋友，一定要買一對聞香杯，對比自己既酒黎感受個分別。 Q : 新手入門飲邊隻好? A : 以下係樓主個人推薦，先試多D唔同風味去搵自己岩飲咩味偏波本桶向(bourbon casky): Omar Bourbon cask, Glenfiddich 12, AnCnoc 12, Dalwhinnie 15 偏雪莉桶向(Sherry cask): GlenDronach 18、GlenDronach 21 (Macallan 普款太差暫不推薦) 另外推介但因為sherry cask+ bourbon cask 混桶，不能分類額外推介款式有 Benromach 10 /10 100proof(留意番酒精度比較高) ,Clynelish 14 要特別d，可以試下d煙味威，海風┼煙燻味: Talisker 10 ,另外要溫和少少的話 Talisker 18 都不錯下面就再重口味小小，有正露丸，醫院味，煙味同碘酒味，一開始唔建議試第一次試我就建議唔好成支買，搵朋友或者去Bar 小試1shot 係點樣，接唔接受到: 煙燻泥煤: Lagavulin 16, Ardbeg10, Laphroaig 10 再進階D 追唔同廠既味既話依個表岩你 Q : Single Malt Whisky同Blended Whisky有咩分別? A : Single Malt Whisky係指用一間酒廠出產既麥芽威士忌裝入樽既威士忌，並唔係指用同一種麥芽製成既威士忌，代表之一: Macallan 12。Blended Whisky係用唔同酒廠出產既威士忌調合而成，而用於調合既威士忌原材料可以係唔同穀物，如大麥(barley)、裸麥(rye)、小麥(wheat)、玉米(corn)。代表之一: Johnnie Walker