[威士忌14] 一年一度香港威士忌節又黎啦

咁講啦，威士忌本身係一門學問甚至係藝術，如果你唔會為方便為平淘寶威士忌嘅，同樣道理威士忌杯都應該認真對待。假酒同真酒個樣都係差唔多㗎咋

你買多納21入門 竟然慳隻杯

隻杯原價差唔多300蚊喎，而且你估我可以成日買貴酒咩

咁我都想睇下兩者分別大唔大，始終兩隻杯外形真係差唔多。我想先同glencairn對比，睇下自己聞唔聞到分別，如果有好大分別先買正版

講唔通㗎喎 你想睇真假杯分別大唔大，但係買真杯嘅前設係glencairn 同 假杯爭好遠 如果假杯太垃圾聞香效果同glencairn 差唔多，咁照你個邏輯係永世唔使用真嘢

其實巴打咁講既話 買支酒溝到同glendronach 21 差唔多味就得啦...試完先買glendronach 21


咁既邏輯好似唔成立...

都係o個句la
就算個樣差唔多
個shape 差少少
performance 都可以唔同
搵個假杯試不切實際
另外波波杯本身唔係for 飲普款用
有效果 但唔算岩用

我頭一頁冇打效果係點係因為唔係for 新手用

又歧視淘寶

唔歧視淘寶嘅人應當被歧視

我就唔太同意你嘅類比
第一，如果你真係用其他酒溝到同glendronach 21 差唔多味，我係會好好奇去試，同埋紀錄落黎。因為我覺得飲whisky就係好似探險家咁，不斷探索新的味道同可能性，無必要因為支酒並唔係"名門正統"就睇低佢。
可能你用買假酒做例子會適合d

OK你啱，其實咁係反映咗我心入面有幾唔捨得買真杯
當我冇講過果句黎講，究竟有冇咩人試過真/假波波杯的分別？
我都係唔想可能因為商家marketing而用幾倍價錢買差唔多嘅野

個人覺得如果巴打你用呢個心態去思考 威士忌應該唔啱你玩 廣義黎睇其實全部威士忌都差唔多

何以見得廣義黎睇其實全部威士忌都差唔多？

幾百蚊隻杯都嫌貴用淘寶野
條友手機係咪用小米，波鞋著newbalan?

穀物蒸餾桶存溝水 個價值都係商家同市場俾佢 原料一文不值 咁未唔配合你個"我都係唔想可能因為商家marketing而用幾倍價錢買差唔多嘅野"嘅思考方式囉

你開心就好

你唔講都未必識分真假啦 個個玻璃大師咩
而且老翻都未必用差材料
當然明知你用老翻自己用老正實飲得爽d

咁係你用原料角度去諗佢姐 你飲whisky都唔會淨係睇用咩原料去買啦
我見你咁講，究竟有冇人可以無視其他一切宣傳，只鍾於自己對味道嘅追求而願意付出所謂"用幾倍價錢買差唔多嘅野"
利申，上面我只係9諗出黎，並唔代表本人有咁嘅程度。你可以睇為一種思想實驗

其實講到尾大家對點樣用錢係威士忌身上嘅價值觀有好大分歧
討論咗咁耐，大家都冇發火，或明顯覺得受侵犯，已經好高質。比起出面其他區可能已經一發不可收拾

same to you，大家價值觀唔同，只係作為威士忌飲家覺得慳錢滿足感大過享受質素嘅話，威士忌未必係最合適嘅興趣

我個人覺得威士忌就係咁
鍾意嘅過千1shot照飲 唔鍾意嘅二百都嫌多
但係第個人可能覺得其實兩杯都係差唔多 未又係威士忌
威士忌我覺得係唔應該套用"性價比"去飲

首先波波杯本身個use case都已經窄d
好多時都係飲d舊酒/低abv嘢 拎佢來飲新果d cs嘢好多時都會出事
而大部份人都係拎來飲d貴d嘅舊酒
所以我諗果200-300差價都唔係好care

如果你要對比真假波杯
要搵隻岩嘅酒都唔係易事
拎來飲105嘅
我拎番隻glencairn算

波杯105會出事

人地飲得開心就得啦 仲要管埋人係唔係最合適
一係你提議下慳錢爽要有乜興趣呢

即使買左隻波杯
但大部份時間窮撚都係用番glencairn