【互動故】追女仔﹝２０﹞

b

我們在大帽山入口經過扶輪公園及營地，走入這裡唯一燈火通明的士多鋪。

店外正有長長的人龍，排隊等待購買燒賣、魚蛋等小吃。

電視機亦正播放著，關於大帽山的一則新聞：「一股嚟自俄羅斯西伯利亞非常強烈嘅寒潮已抵達香港，預計大帽山氣溫由中午約攝氏16度暴跌至23日清晨零下2至3度、會有結霜及結冰現象，專家表示山頂有機會落雪⋯⋯」

「咁啱揀今日上山，個溫度就嚟料⋯⋯」我望望旁邊：「唔怪知得夜媽媽都咁多人上山。」

「你覺唔覺得，係上天嘅考驗？」JoJo盯住山頂。

「唔覺⋯」我走入士多，輕笑：「但既然嚟咗，就睇下有咩買有咩食，一陣再上去。」
－－－－－－－－－－－－－－－－－－－－
A：購買食物
B：購買小型收音機
C：跟士多職員閒聊
D：離開士多


２票

C

C

A

唔會又係飛行掛

轉個頭墨巴話可以借點數 但要扣多啲都咪話唔過癮

「請問有冇店員？」我走到收銀檯問。

一把相熟的聲音悠悠而出：「喺到，等等⋯⋯」那個人從櫃檯下站起。

「飛行！？」我驚嘆。

「呃⋯又係你？」飛行也很驚訝。

「你喺到做乜？唔好玩啦，做咩無啦啦行入人哋收銀檯到。」我說。

「我喺到番緊散工啊。」

「又返工！！？」

「今日散工group話，大帽山士多急需要人手，因為好多人想上山睇雪喎。」飛行續說：「我就睇錢嫁啫，見時薪唔錯咪返囉。」

「喔⋯」

「估唔到你都今日閒情夜媽媽上去，你入嚟想買咩？」
－－－－－－－－－－－－－－－－－－－－
【根據選項，將有不同的劇情發生】

A：購買燒賣魚蛋串串杯（＄１０）
B：購買小型收音機（＄１２０）
C：購買鹽粉（＄８０）
D：購買燒烤爐（＄２００）

３票

C

B

Sor ah唔小心quote埋

D

D

C

D

鹽粉好奇特應該有啲嘢

買燒烤爐做乜勁

「有咩推薦我買下。」我問。

「燒烤爐囉。」飛行將一直當椅子坐的燒烤爐，捧到收銀檯上：「我喺將軍燒肉店偷返嚟⋯⋯啊⋯唔係⋯係本身宜間鋪頭有，你要唔要一個？」

「有咩用啊？」

「上去燒下嘢食、望下風景、取下暖，幾寫意啊。」

「咁⋯我要個燒烤爐。」決定了。

【＄５９４０－＄２００＝＄５７４０元】

我捧住燒烤爐行出士多，引來眾多異光⋯⋯

「喂⋯你⋯你做咩偷人咃個爐出嚟。」JoJo問。

「我買嫁。」我放下，喘喘氣。

JoJo聽到之後，只餘一陣發笑，完全笑過不停。

「我哋繼續上山吧。」望見長長遠路，我不禁嘆氣。
－－－－－－－－－－－－－－－－－－－－

萬一受左傷就可以用

到時無雪落，用鹽粉扮雪，氹JoJo

接續的上山之旅，是恆久的。

長長的山坡斜路，我們走了許久。

JoJo指向天空，叫我望望冰冷夜空上一顆顆閃爍的星。沒了平日的高樓大廈，仰望這無盡的天際，駭覺天空原來這麼大。

「靚唔靚啊⋯？」JoJo特地轉頭，問。

「係⋯」這天、這境，使我思憶父親經常帶我去看星。

公園、樹林、街口、車上、家，每每天上有顆星，他就會指給我看，叫我別因為燈飾的美艷，而忘記自然的星空。

看著JoJo的背影，我把她聯同星空想像。

如果阿澧，是我人生中的一場初雪。

那JoJo⋯⋯

也許，會是我抬頭就能望見的星。

上到某個高度，已經有不少登山者逆行下山，更有不少人因地面的結霜，而步伐滑倒⋯⋯

「塊地好滑！」JoJo捉住牆邊。

「塊地結咗霜⋯⋯」我正分析：「我哋又冇釘鞋，再上去會好易仆低。」

「但上到宜到啦喎⋯⋯」JoJo不捨地凝望前方。

「我建議折返。」

「折咩返⋯都未上到去。」JoJo彎住身子扶牆邊而行。

我望望自己被凍得沒了一半感覺的手，只得硬著頭皮繼續前進。如果JoJo也未放棄，我憑什麼放棄。


海拔７３０度。

「好似有雨⋯」JoJo戴下防風眼鏡。

「⋯⋯」我只能用手擋雨，免得被如針細的雨水打到。

「啊⋯！」JoJo雙腳忽然失去平衡，一副要跌倒的樣子。
－－－－－－－－－－－－－－－－－－－－
【一分三十秒內，輸入：「捉實！」】

文字大小為「６size」

判定結束