妙奶夾撚傑
2019-02-18 21:29:09
「喂!,山長水遠入到嚟點可以半途而廢?」司機阻止我離開。
「...」
「喂!又係你話要搵到為止!」司機激動地晃動我的身體。
「點解你好似仲緊張過我?」
「因為...我唔想你重蹈覆轍!」
「吓?」由司機在石澳的遭遇,我早已看出他是個有故事的人。
「不如...我幫你手搵?」
沒有對待我的回覆,司機已轉身走向沙灘。
「喂!你都唔知我女朋友咩樣!點搵?」我嘗試把司機叫住。
他卻轉身邊走著,邊背對著我揮手。
現在只剩下自己一人...
-----------------------------------------------------------------------
A:回到士多找阿叔說話
B:在AE86旁等候
C:再到沙灘走走
妙奶夾撚傑
2019-02-18 22:02:04
不經不覺已為日落時份,看著天空的雲霞,不禁令人想起李商隱《登樂遊原》的一句:
「夕陽無限好,只是近黃昏。」
此刻的美景,多想身邊有她陪伴,一同分享。
「喂,又入嚟石澳嘅?」沉醉在日落美景的我,被一把女聲拉回來。
「係妳!?」聲音由Eunice發出。
她禮貌地微笑一下:「點啊?上次俾你啲藥好唔好用?」
「多得妳,我家陣已經好返好多。」我也禮貌地笑笑。
「今日個夕陽好靚...如果佢都喺度陪我睇就好...」Eunice忽然感性起來。
-----------------------------------------------------------------------
A:「佢係邊個?」
B:「佢喺度!」
C:「我陪妳睇!」