妙奶夾撚傑
2019-02-12 00:42:58
Vber是昂貴的選項,不過為了Ella,少少的金錢又算甚麼。
我隨意輸入一個目的地,但求盡快找到司機,其他事留待車上再議。
「新年流流去和記咁過癮?」Vber司機到達上車地點後問。
「吓...係掛...」我顯得神不守舍,經司機一問,方才知道原來剛才誤打誤撞下把目的地設為了和合石。
罷了,先上車再說。
「我睇,你目的地應該唔係和記?」司機眼看我憂心忡忡上車,也許略猜到一二。
「其實...」我帶著忐忑的心情準備開口說明。
「激嬲囡囡咧?」司機卻像早已看穿一切。
「你點知?」我驚訝。
「大家都係男人,擔心嘅嘢離不開兩樣,錢或者女人。你叫得Vber,可見你唔係擔心錢,所以即係女人。」司機信心十足地講解他的推論。
「嗯...我同佢本身好地地,雙方一直都好講得笑。不過唔知點解今日同佢講笑,佢就嬲咗我。」我苦笑。
「唉,女人就係咁。心情好似過山車咁,要好可以好好,一秒後可以突然變得好差。唔怕老實講,我都激嬲咗女朋友。」
「我哋算唔算同是天涯羅樂林?」我問。
「嗯,不過睇你咁急追出去,即係仲有機會掹。我就無咁好彩...散咗嚕...」司機也一起苦笑。
「勾起你傷心回憶添,唔好意思...」
「唔緊要...係呢,見你有啲瘀傷,俾份膏藥你敷敷佢,好有效架!」司機襯著停燈時,在坐位前方的空間取出一份膏藥。
「唔駛啦。」我禮貌地婉拒。
「攞去啦!其實呢份膏藥係我前度留低嘅...擺喺度又怕睹物思人,掉咗佢又怕浪費...咁啱遇見你,你又咁啱受傷,我哋又算啱傾,所以你拎去啦!」司機一再要求我接受膏藥。
「咁好啦,多謝!」我也不好意思再拒絕。
接過膏藥後,我才驚覺...
為何這膏藥跟我昨晚敷的一樣...?
-----------------------------------------------------------------------
[本次沒有選項]