【有圖有字】7日英國阿仙奴之旅

繼上次嘅曼谷之旅後，會係第二次打遊記，多多指教！

今次嘅阿仙奴之旅為期七日，比大家略略了解一下我哋的行程先。

DAY 1 : 倫敦中心逛逛，柯芬園
DAY 2 : 大英博物館，Tower Bridge ，Borough Market
DAY 3 : 比利時布魯塞爾
DAY 4 : 白禮頓 (七姐妹崖 Seven sister cliff)
DAY 5 : 荷蘭 阿姆斯特丹
DAY 6 : 酋長球場TOUR
DAY 7 : 阿仙奴 對 般尼 MATCH DAY !
DAY 8 : 走人

今次呢趟旅行，係我女朋友比我嘅一個驚喜！早喺七月我生日時，佢就買咗波飛、機票等送比我，促成咗呢次嘅旅行 令我終於可以喺現場睇波

言歸正傳，我哋喺12月15號下午5點55分在香港機場出發，先前往杜拜



身為阿狗，坐返心口贊助商嘅阿聯酋A380




呢程機要飛9個鐘左右，除咗食飛機餐外，每人都飲咗杯酒希望有助入睡，不過效果麻麻，唔係幾瞓到



燈火通明，準備抵達杜拜了

到達杜拜機場已經係當地嘅晚上11點，不過依然有好多餐廳比你幫襯！

我哋唔太肚餓，只係喺M記飲咗杯嘢

忽然醒起香港張卡夠印仔可以換嘢飲，但人在杜拜當然係無用

逗留約兩個多小時，就可以上機前往英國了！



小朋友都等到好眼瞓



繼續旅程！今次有影到餐牌了！！！


不過不失，未至於食豆食著屎


今程機個包鬆軟過上程，無話硬過舊石咁


呢個雞飯要推介！好好食！啲飯軟硬適中，雞又有味


呢個賣相咁伏，就知麻麻

長途機都係睇吓戲又恰吓咁，然後又肚餓，嗌杯麵食嘅時候都無比空姐閪面，感覺良好！

再飛多7個鐘，我哋就到達Gatwick機場！可以入境英國！！！！！！

Lm

阿9
今年又做5弟啦

今次呢趟旅行，係我女朋友比我嘅一個驚喜！

負評 上一頁

幾經辛苦搭咗咁耐飛機終於到埗，但我差啲入唔到境！

過關嘅時候，入境職員不斷翻查我本護照，然後不斷問我問題，包括嚟英國嘅目的、會去邊呀、睇邊場波等等。答晒都唔肯比我入境住，因為護照張相同依家差別有啲大，佢質疑我係咪同一個人

之後嗰位職員仲叫咗個高級啲嘅人嚟協助佢，又叫我拎埋idcard睇吓 但奈何都唔係好似樣，佢就叫我試吓擺返影身份證張相嗰陣嘅笑容。我聽到當堂嚇咗跳，然後得啖笑。點知佢好認真叫我照做，如果唔係就遣返我

終於成個過程長達約10分鐘，先至成功入境！佢仲話係身份證張相救咗我

然後我哋就搭火車，出發前往airbnb


我哋住喺zone3嘅Dollis Hill，附近大多數係民居，連食店或咖啡店都好少





間屋距離個地鐵站只係5分鐘左右，搭車出返啲中心位都係半個鐘內



一間幾乾淨企理嘅房

點樣一日去比利時，跟住又番倫敦，跟住又去到荷蘭？

即日火車/飛機來回

布魯塞爾同倫敦有歐洲之星，大概兩個鐘火車

荷蘭就一個鐘機程

留名先

我都有睇你個post

我重有幾日先寫到酋長球場，酋長真係好靚，係我去過4個球場最正

巴打有冇去過魯營先？

偷偷推一下

未去過

ＥＫ餐飲果然係地雷。

支持阿狗手足

我同你同一日出發去倫敦
不過全程住酒店

咁豪

之後事不宜遲，出去逛逛順便食啲嘢！



出咗去London eye 嗰頭行吓，沿住行有好多人擺啲類似賭檔嘅嘢，3個杯左調右調，叫你估吓粒波喺邊咁



維修中的大笨鐘

之後就決定行去柯芬園 Covent Garden睇吓



未入黑係無咁靚，入黑之後就截然不同，周圍都好有氣氛



咁Covent Garden入面其實都係各類商店，有啲出名牌子賣茶葉等等，仲有市集有啲賣吓手作嘢咁，但質素都唔係特別高，加上只係第一日到埗，所以無乜購物意欲

不過由於係遊客區，附近都有好多出名嘅餐廳，所以往後嘅旅程都不時會途經呢面

我係倫敦咁多日差不多每一日都經過柯芬園一次

真係經常會經過

London is RED