【有圖有字】7日英國阿仙奴之旅

原來係咁，誤會晒

停左既？
利申 阿狗 上次6月去無波睇 得stadium tour

睇咗阿狗對車仔留名

上水喇樓主

唔巧意思，由於好忙加好懶，再加上阿仙奴輸比巴迪所以好耐都無更新我會繼續完成呢篇遊記

坐咗大概半小時有多uber，終於到達風車村Zaanse Schans呢度比我的感覺係商業味都幾重，倒如一入去就會有個職員拎住大大部相機幫你影相，搏你買

入面亦都有好多商店係賣芝士之類，都係主力sell遊客啦，不過如果你唔買，基本上呢度係個免費景點，睇吓風車影吓相幾好呀


風車風車風車


啲路好窄，好多人


沿途見到唔少可愛嘅動物


「唔好亂餵，死畀你睇」



有部份風車係可以比錢就比你上去，不過上到去好似都無咩嘢好睇，所以就無上去，而佢地同常都有賣飲品，咁岩當日好大風，我喺佢門前塊鏡整緊個頭，點知佢問我：要唔要畀把梳你



行到差唔多，準備走時呢個位仲正

i am so sorry

終於上水！！

終於有文
推到matchday先
加速
前2日輸波真係

由於我哋時間有限，喺風車村離開時都係選擇咗call uber，不過今程車就有意外收獲



司機好健談，同我哋好多偈傾，言談間問起我哋嚟自邊度，我哋答Hong Kong，估唔到佢好清楚香港嘅存在，佢話：Hong Kong is from China, but it’s different，老實說好多外國人都唔知，全部都當你Chinese

佢仲話最近請咗個來自香港嘅工人見佢咁好傾加上佢英文都好好，又請工人好似非富則貴咁，就問吓佢有乜餐廳推介。佢就話自己平時都好識嘆，有時都會食啲好好嘅餐廳，最後推介咗間餐廳比我哋



之後又講起我哋係嚟英國睇波，順便過嚟玩一日，佢就講起阿積士Ajax 歐聯要打皇馬，一定好難打

求推介 黎緊4月去朝聖

落車後出發去uber司機推介的餐廳，由於阿姆斯特丹係比運河圍住，所以一度行都可以見到呢個景色



行咗十幾分鐘後終於都到！





去到仲有得食lunch set


荷蘭最出名喜力，但估唔到餐廳嘅生啤，真係得喜力一款



starter分別叫咗個牛肉他他，同一個三文魚紅菜頭魚子醬沙律

兩樣都好出色，特別係個三文魚紅菜頭乜乜，成個配搭都好特別，每樣嘢嘅味夾埋一齊都好配合，食到我齒頰留香，好回味呀



主菜分別係魚同牛，由於前菜太出色，主菜反而無咁大驚喜，不過不失，不過呢餐我都係比好高分

好正，好想去荷蘭

醫完肚之後，我哋就前往第二個重要景點，就係參觀喜力啤酒廠，呢個環節可以講話係非常特別，點解咁講呢？睇埋落去就會知



喜力啤酒廠好大，離遠都好容易就會見到


去到現場都可以買飛，不過我哋一早上網卜咗


scan完qr code，入場前會先每人畀一條手帶你先，好重要，因為手帶上面有兩個tokens，係可以換啤酒飲的




開頭會有人輕輕迎接大家來到參觀，之後就叫你睇吓身後寫嘅呢段字，總之唔理你係窮撚又好、有錢仔又好、基又好、直又好，總之來到就have fun

喜力算係半自助式參觀，佢去到某d位就會有人講解，但後段就好自由


呢個就係成立喜力啤酒的喜力先生


其中一枝1990年的啤酒樽



之後有歷來喜力啤酒樽的演變



之後可以試吓啤酒非常初段的味道，即係大麥加水的味，就係少少甜味


「see you on YouTube!!!!」

之後經過一堆好迷幻的動畫，就會飲到今日第一杯喜力




聽完呢個哥哥解說後，大家就會一齊講聲「PROOST!!!」即係乾杯的荷蘭話，就成班人一齊咕嚕咕嚕清咗佢

我就真係無咩飲過喜力，係香港飲親你都點揀都唔會揀到喜力，不過喺度一飲落喉嚨就覺得好舒服飲啤酒真係好爽呀！！！！

之後沿途都有好多唔同裝飾比大家打下卡，影吓相咁

不外乎都係大量啤酒樽


去到尾聲，亦都係高潮所在，就係用粒豆潤咁細的tokens去換啤酒飲


之後就要講返今次有乜咁特別，就係遇到呢個好正嘅哥仔

起初佢見我全副武裝（其實都係一部好舊的單反加個咪），就主動上來R水吹，問我set嘢幾錢RMB，當我哋表達我用HKD的時候，佢就突然自己都喺香港讀過書

機票（阿聯酋，杜拜轉機到Gatwick）- $6,708
Airbnb（七晚，獨立房，廁所共用）- $2,780
波飛（Club Level with Half time complimentary bar, beers, wines, soft drinks match programme, museum and Stadium Tour
PAPER TICKETS）- $1,575 /1

兩個人在英國的洗費（包括食嘢買手信增值oyster card等等）- $10,000至$12,000左右，因為中途有部分都選擇咗碌卡。

酒店我唔太清楚

可以考慮吓ibis？照道理都乾淨企理，不過倫敦酒店普遍都唔會太平㗎啦～

London 我會推介 Point A Hotel，係市中心入面兩個人住又唔係太貴