［布洛尼2月28香港+漫畫新篇］龍珠-超 Dragon Ball Super 集中討論 (2)

撚左兩三下所以唔計

我睇完已經唔係好記得，維斯係撚最終form嘅broly?

金菲比大波打緊個時 算唔算最後 係既話就係

印象中唔係，嗰陣未算好大波
佢係同格比達打咗陣先越嚟越大波，好似係

格比達黎到叫維斯走開
跟住就全部都係格比達同大波打

係咪得我一個覺得唔好睇

其實新呢套絕對唔係差
只係如果搵以前嘅布洛尼三步曲嚟比較 （第三集唔計）
新呢套會比下去

作為布洛尼嘅fans，對於前作我認為比較好嘅地方有：
1） 以前嘅布洛尼有霸氣好多，最記得佢係一野捉實人個頭，然後係手心出波 同埋捉實人個頭隊落牆度跑

2）劇情合理解釋同表現到超級撒亞人嘅存在。根本傳說中超級撒亞人係一千年先應該出現一次，但點解到最後人人都變到，前作就解釋到，原來布洛尼先係真正嘅超級撒亞人，就算悟空比達之後靠自己變到，實力上都有好大差異。

3）前作有太多經典場面。前作第一集就表現到布洛尼有幾個形態，由黑髮額頭有控制器瘦瘦地鋼條型，到到變仲有眼珠嘅超級撒亞人型態，到之後額頭控制器爆左，力量真正釋放出嚟，變身嗰下個場面我都仲歷歷在目，同埋佢出波嗰陣係會成個天變色，再慢慢收d綠光去佢隻手度，呢d咁霸氣嘅招只會出現係布洛尼身上。
然後去到前作第二集，由悟飯同悟天去打佢，中間無限扮魔童救悟飯，杜拉格斯係布洛尼頭頂瀨尿到到最後悟空靈魂落嚟幫拖，三父子出波，太多太多經典場面係取代唔到。

而前作認為唔好嘅地方有：
1）布洛尼對悟空點解咁憎恨好似解釋得唔夠清楚係咪只係悟空細個嘈住佢瞓覺。
2）死唔斷氣出到第三集變左生化危機，玩爛左


另外，今集其實都有可取之處：
1）畫風好靚，尤其是比達打鬥嗰幾幕，撒亞王子嘅感覺返晒嚟，再唔係柒達

2）係布洛尼身世著墨多左，同埋唔只淨係識得鳩叫格古洛，但結果是好是壞就係未知之數，只係覺得佢地好明顯為布洛尼洗底，由奸角變好人

而唔好嘅地方有：
1）其實真係厭倦左下下都一級級咁變身去打，尤其是紅髮而家根本變左雞肋，可有可無咁，其實大家都知點都會變藍髮架啦唔洗晒咁多時間

2）傳說中嘅超級撒亞人變到好似已經唔係好傳說，一開始都係比比達屌打

3）布洛尼點解要打鳩悟空佢地個動機變得更加唔清晰，以前都仲話佢地細個瞓埋係格嚟，加上布個老豆要復仇，所以布洛尼先要追住悟空佢地嚟打，但今集其實布同悟空佢地冇乜私人恩怨。

4）其實係咪有必要一場交打足大半個鐘，雖然打鬥場面係好爽，但我覺得其實可以分幾場嚟打，將幾段變身分開嚟用，咁就唔洗一場交，一段段變身咁上咁鳩。



打左好多字
總括而言，我都仲係鍾意以前嘅布洛尼
無論服裝定人設係我心目中都係取代唔到

Sorry，我講得唔清楚，我講嘅大波係指Broly越打越大隻

格比達同Broly打緊嘅時候，其實Broly都升咗幾班

咁我就真係冇留意有冇大隻到

首先第一點 係悟空比達的習慣 應該係撒亞人的習性 鐘意一級級咁上(當然你可以話係動畫組為左演出效果隔硬整出黎) 唔記得超邊集有吐糟過

第二點 好似無明確講過今次布仔係傳超(有錯請指正)

第三點 動機有咩唔清晰，咪老豆叫佢上，佢咪打囉，成套前半有鋪過布仔係勁服從佢老豆

第四點 唔覺有咩問題

當年d劇場版比達出場都係出黎柒
由其布洛尼第一集，作到佢淆底

今集比達冇柒過 反而悟空俾人糟質左幾分鐘 好似洛基咁俾人fing

最後紅毛瞓地個眼神

如果係以前d製作組 俾人fing個個一定係比達 然後直接暈埋變黑髮

紅髮比達好撚型

我都明今集好多人都覺得好好睇
如果對比埋對上嗰兩三套劇場版
呢套直程係神作添

但可能我都係有d老屎忽性格
覺得舊嘅始終有浸除
新嘅始終無咁好

其實而家布洛尼呢個角色可以延續落去，對fans嚟講都一定係好事
不過如果講成套龍珠咁樣發展落去，可能真係未必係好事

鳥山明當初係布歐篇初段將火棒由悟空傳比悟飯我覺得係一個好正確嘅決定

雖然去到後來都因為觀眾壓力，要佢變返悟空做主角，但佢去到最後都可以完成個故仔，我認為佢已經交足功課，而悟空呢條線亦都好應該暫停落嚟，繼續發展悟飯悟天杜拉格斯

其實我唔知點解佢而家要出一套繼續以悟空為中心嘅龍珠超，龍珠呢個故仔個力量層面已經由地球人，打到去外星人，再打到去神，而家仲要打埋多重宇宙，我都唔知佢仲可以點作落去

而佢個變身系統又已經由超123，變到超紅超藍極意功，唔通真係以後睇佢地打交都要重複睇佢地一級級咁變身如果你話一級級咁上係悟空比達嘅習慣，咁點解套戲中間又唔變超3？說穿了就係因為已經太多變身而要取捨

以前睇悟空變到超3已經覺得好震撼好終極，而又知道變超3會好消耗能量所以佢唔會可以長期變超3咁屈機，所以同奸角嘅力量會有返個平衡

但而家佢地根本就無限突破界限，而只好又將對手嘅力量大幅提升，其實咁樣真係有必要咩？

點解唔好好地將套動畫重心放返係其他角色，其他角色一樣咁多人鍾意，而悟空又可以久唔久出嚟英雄救美屈下機，咁樣對於成個龍珠世界發展唔係仲好咩？

回返上面一d問題：
維斯同博羅連打時未係最終型態
只係計今次劇場版博
可以分做4個型態
1）黑髮常態
2）黑髮綠氣(電影入面話人型大猩猩力量）
3）金髮超西（老豆死後變）
4）爆衫真大波綠髮 (打格古達中途變）
維斯撚既係第三嗰個，但唔洗懷疑維斯打唔打得贏最終型態呀馬？超藍格古達都唔會夠維斯打

大家覺唔覺拿迪斯細個時好可愛

大王捱打一個鐘先係bug,耐打力勁過悟空比達

佢老母可愛啲

悟空老豆出波嗰下幾型，但太短

嗰代撒亞人咁啱全部都係垃圾
Broly早廿年出世都贏到嗰陣時嘅菲利，龍珠劇終

1） 以前嘅布洛尼有霸氣好多
霸唔霸氣人人睇法都唔同，起碼新布嗰種性格都吸引到人，唔係你覺得以前好就真係好啲

2）劇情合理解釋同表現到超級撒亞人嘅存在。
本身原作既超級撒亞人就真係傳說入面嗰個
舊劇場強行話唔係再加個傳超，呢種做法都唔係個個認同

3）前作有太多經典場面
首先想問你咩係經典？
一套舊電影比回想有經典既情節係好正常
而最新電影都唔會稱為經典
唔通舊布一出就係經典？新布30年後都唔會係經典？

前面其實可以up多10分鐘
減後面10分鐘打
有咩理由悟空由常態開始打唔make sense，比達果時已經變紅色打

其實2面都加多十分鐘都仲得，大把野可以講!所以我覺得一定會出TV版