［布洛尼2月28香港+漫畫新篇］龍珠-超 Dragon Ball Super 集中討論 (2)

聽日去睇

動畫係結尾嗰段正過漫畫

啱啱睇完4D
覺得布羅尼冇左以前果種霸氣
作畫係好 打足半個鐘冇停過
但睇完我都係覺得冇Z 果陣咁拳拳到肉咁好睇
劇情又冇乜 純粹係帶左布羅尼呢個角色出黎
只係話佢一出世戰鬥力高於比達
根本都冇乜點講到佢究竟有幾勁
打鬥途中就係邊打邊變身
唔會有對白或者其他畫面去描述佢究竟勁到咩level
總結黎講我自己覺得算係失望

我都覺得係，就係差哂好嘅BGM,所以無起雞皮
反而神與神我有

其實已經描到佢好撚勁喇喎
2隻超籃都唔夠打

武天老師那part都係動畫感動d

係睇到佢由常態->超西->超西神->超藍->超西格比達咁進步
但畫面 氣氛冇令我感受到呢樣野
我唔識點講
姐係冇以前菲利/斯路每一段變身所帶黎果陣衝擊
類似係咁

最好睇反而係一開頭悟空老豆老母啲劇情

好有氣氛wo
由其你睇4dx 有幾下係第一身你係大波視角打爆兩隻撒亞人 絕對feel到果種power

前面講比達星果度其實幾沉重
BTW連悟空阿媽都有出場,身為王后既比達阿媽去咗邊?

悟空亞媽之前銀河巡警漫畫出過

我知,果本書我有買,就係王后一直冇出現有D好奇
另外仲有既係覺得堀川亮今次配音把聲清脆返,後生咗

啱啱睇完4D
好撚癲，睇到出汗

雖然話設定上比古洛勁過格比達
但睇之前超藍比古洛同今次超藍格比達嘅戰績又唔覺得係咁
超藍比古洛同合扎打都係55或者64波啊，出大絕重要話能量過大要分體
布洛尼第一次變超西已經打贏兩個超藍
但格比達變超西又打贏返
到布洛尼變full power（黃綠髮）又佔返上風
但最後出埋超藍就直頭屌打埋full power嘅布洛尼
就咁睇真係跳舞合體勁啲

今次合體係力之大會後.....悟空柒達實力勁過未來篇多多聲啦

唔拎動畫做設定,會舒服好多
漫畫係屌打合扎

老豆自己一個沖上去同菲利對波

其實好似Z SP咁
巴達古再自己出一套劇場擔正都得啦

動畫先係正常速度
但係問題係劇情又真係塞咗好多另一煩厭既嘢，鋪排得唔好
觀眾又唔想睇啲垃圾位 就會覺得好似拖住做咁
其實如果鋪排好啲，動畫既長度好正常
漫畫嗰啲完全唔係叫流暢，而係過份飛快，
只係少咁啲唔好睇既嘢
所以兩邊都有人buy好正常
但係兩邊都可以再做得好啲咁解啫
而漫畫明顯要追進度先搞到咁，其實幾可惜

成日係度諗佢可唔可以配返星矢入面阿瞬

睇完4DX
最後動作太快同係咁震，想睇多次睇清楚d

啲BGM好正 broly go go

劇場版時間所限成個故事好似好急！
我覺得東映9成會好似神與神同復活之F咁重畫TV版