其實保羅應該都唔否認人類未必有樓主講果種自由意志
如羅馬書第七章提到:「事實上,我知道在我裡面,就是在我肉體中,沒有良善;因為行善的意願在我裡面,卻行不出來。 這樣,我願意行的善,我沒有去行;我不願意做的惡,我反而去做。 那麼,如果我做我不願意做的事,這事就不再是我所做的,而是住在我裡面的罪所做的。」
從基督教角度,由於原罪、肉體、慾望等因素,人唔可以靠自己得到自由/救贖/解放,一定要靠信仰先得。
至於點解基督教認為信上帝先等於自由,其實我唔太熟,不過可以鳩up下
大概係因為古典時代哲學家認為肉體同靈魂係對立既(唔止希臘,中國印度都有類似觀念)
真正既自由係克服/擺脫肉體慾望(就係你講既基因加環境控制)(點解要擺脫,睇下平時諸多希望又一事無成既自己多少能明白),可以觀照真理,與真理/天地合一,如莊子既「物物而不物於物(利用外物,而不被外物所役使)」、孔子果種「從心所欲不逾矩」
對於如何獲得依類自由,基督教十分樂觀,覺得信上帝就可以享有
而其他思想、宗教,依種自由只能由少數精英享有,而且要透過艱辛既修行先可以獲得
好似佛教講「眾生可以成佛」,其實係話眾生都有成佛既可能。但唔係人人成佛既可能性都一樣。你係女人,係六蓄,作過業,成佛就係會難D,可能要修幾千世甚至幾千劫
依點引申到另一個問題:人既意志既然有諸多限制,咁人有無可能係一定程度、一定範圍下改變自己呢?
我會答有
我唔可能靠自己意志絕食一年,但我可以決定自己夜D訓黎打依篇文
樓主講果種超理想超完美、一定要無任何外物影響到既自由意志,大概要上帝先有。既然我地都係凡人,唔完美唔係好正常咩
(現代哲學開始否定有絕對真理/價值依回事,提出一種「既然無真理/標準/價值我就做咩都得既自由」。依個係另一個題目,依度唔討論
)