否定自由意志的兩個驚人實驗

根本樓主提出既真正自由意志又係笑死人
話唔服從慾望就係自由，擺明就係睇完「正義」本書就現學現賣
根據樓主邏輯，你控制唔到自己意識流動，咁人類只要活著就無自由意志，超越慾望，可以話其實係比更高層既慾望主宰緊

樓主有講過，如果人有自由意志，就會無毒品，但如果我地睇到wiki既相關解釋

自由意志的結構 編輯
在"Freedom of the Will and the Concept of a Person"一文中，富蘭克福特指出人的意志是有結構的，並且我們可以通過理解意志的結構來理解在哪種情況下人的意志是自由的。[6] 富蘭克福特認為人的欲望（desire）有多階：一階欲望（first-order desires）的目的為世界，而二階欲望（second-order desires）的目的為一階欲望，並以此類推。舉例來說，假如我現在非常口渴且想喝水。我的一階欲望是去喝水。但假如醫生吩咐我短時間內不能飲水，那麼如果我是一個理智的人，我的二階欲望會是去節制或者抵抗我的一階欲望。

一層推一層，就算如來佛祖，可能都係比槃盤既欲望主宰緊，都係慾望既奴隸
但諗深一層，呢啲咁小學雞式既絕對主義，唔通幾百年黎就係得一個哈拉瑞諗到，得樓主接收到？點解關於自由意志既辯論到依家都無停止過？

其實都唔駛好高深地拋書包，睇下wiki就得https://zh.m.wikipedia.org/zh-tw/相容论

問題就係，依家科學對人類既理解係好少，根本就無辦法肯定或者否定隨機性，

同埋樓主首先要知道，哈拉瑞係以色列人，佢寫呢兩個實驗，最主要係喺猶太人同新教世界投下一粒令人耳目一新既炸彈，批判傳統新教自由意志觀。對以色列人黎講，呢個係好新鮮既觀點，但唔係比你呢個活喺無神論/泛神論既香港人當金科玉律的

冇話絕對真理所以係討論區大家討下，
我好似冇發表咩學術研究，我覺得係我講嘢唔圓滑，但冇誤導係世界真理呀

驚人實驗講緊嗰兩個實驗，
唔係我之後講嗰啲，
其實無可能誤會喎

可以有靈魂㗎

你話無可能誤會
但呢個post九成巴打追住你黎駁，話你絕對主義，非黑即白
一定唔係你表達得衰，一定係物理世界一早就決定左你開呢個post然後大家誤解你
畢竟大家都無自由意志，啱唔啱？

有自由意志嘅人
基本只會食健康食物，並會因為咁而開心，
會隨知識改變，改變對事物慾望睇法，

呢個回覆一定係屬於「頭兩個」回覆之一
同埋一定唔係宇宙無敵肯定句
當中一定表達左「懷疑」、「相信」得容許走盞既空間

我清楚啲寫多次，
我唔覺有幾小學雞，
好合理下喎


“所有事物大腦都會定下一個價值，
例如開心傷心咁，
而人類只會選擇最高價值嘅一個選擇，
即正面情緒極大化同負面情緒極小化，
並不會從事物本身價值去作決擇，
即人類並非有自由意志”



咁我又請教下你隨機性同自由意志關係係邊？
正常諗法量子力學隨機影響都唔係人類本身影響，仍然都係基因同隨機兩部份，冇自由意志嘅部份

明顯我表達得衰，
真係我第七十六個回覆已經用書中觀點
但一樣六個負皮，冇人討論

跟住個個入嚟屌否定兩粒字
所以燥咗

駛乜扯到咁遠
100 年前咪有佛洛伊德囉，咪有精神分析學派囉
人受潛意識主宰，加害者必定同時係一個受害者
咪改變左西方世界對待囚犯既態度囉，咪加入左更新同輔導既概念囉

你講既野個個都明，好多百年前已經個個都明，但點解關於自由意志既聲音到依家都未消滅呀？

因為大家都接受左，係wor人類有好多地方都係受到物理世界主宰，噢但係當中有無一定部分都係有自覺呢？自由意志係點定義呢？所以就出現左我上面quote既相容論囉，人類喺能力同意志上受外力主宰，但係最終佢仍然有做同唔做既權力，喺受限既條件之下有一定既自主

點解要咁樣諗呀？因為好囉，對社會有益囉，人類既行為有一部份係自主wor, 咁所以人咪要對自己行為負責囉。咁科學依家斥解哂人類所有行為同意識活動既因果未？未吖嘛，咁中間咪有哲學詮釋既空間囉

你覺得哲學家care人類係咪絕對自由？你只不過係拎一啲大家已經唔再care既框架當係宇宙大發現。我唔駛去反駁你科學有無辦法證明人類有能力自主控制意識嫁wor, 因為呢舊只係一舊無結論既灰色地帶

再講，人類唔賦與事物價值，事物本身點會無啦啦有價值，你話人類唔理會事物本身價值而選擇自己決定既價值，呢句說話本身就有病。點解健康就係好，病就係唔好，你成個推論只不過係一堆矛盾既說話

其實我只係覺得呢個post好on9
哈拉瑞喺篤信人類既原罪同救贖係建基於自由意志既以色列猶太社區同新教世界講呢啲，梗係會覺得bomb ! mind blow ! 啦

但你一個活喺無神論同道德相對甚至虛無主義既香港人面前講，根本佢既人文認知就偏向左翼地相信人既能力同行為係極大程度受外力主宰，你除左得到一個「哦，咁就叫推翻左自由意志？」既回覆之外，仲想點？

再講得簡單啲
無人會話「香港人唔可以自由喺四次元既洪流穿梭，所以香港人係唔自由」
如果有人好似樓主你咁跳出黎好似發現新大陸咁話：「香港人始終都要受到重力束縛，點可能係自由？」

會回你「哦，咁就叫香港人無自由？」嗰啲先係正常人

私唔知你講得啱，啱到無得到啱添
但仍然係好on9

你唔care我好care
好似好多人聽到抑鬱症叫你唔好諗埋一邊咁，
根本唔係真心對社會好，
只係方便權威人仕管理咁咋嘛
知道人冇自由意志真係鬆一口氣因為知道好多嘢唔係自己揀


仲有誤會咗啦人類當然可以賦予事物價值啦嚟體現自由意志，
但我指嘅大腦其實係基因，非人類本身

我想大家討論下

好多宗教撚努力撚好撚煩，
唔信佢就落地獄
你唔得因為你唔夠努力
好惡㗎

繼續問自己落去。
係基因，非人類本身，所以呢？

即係咁既，我覺得啦，真正既freewill係社會束縛之下根本就難以實踐
ie家庭/social norms/religious/social status /reputation 已經綁死左你，再rational thinking 之下，根本好難放棄上面既野

哦
所以你捱窮就會鬆一口氣
溝唔到女就會諗：「其實都係整定既，我都唔應該唔開心吖」
係咪咁？

戒j算唔算自由意志 對自己既內在慾望作出抗衡

用動畫做實驗就話係人真係無知到一個點

基本上人只要有意識，佢就會「相信」自己既選擇係自由，喜係由心而喜，怒係由心而怒
完全既決定論，只不過係究極既虛無主義，係唔可能有一個完全「相信」決定論既人存在
能夠做到既，就唔再係人，而只係一隻哲學殭屍
因為人類永遠無可能自覺「完全」不自由，咁其實已經體現左自由意志

所以咪話我諗到人有靈魂可以跳出呢個框架

下面嗰句
點解有因果就係唔自由呢？
因為人類用大腦思考，所以一粒電子由神經元A跳去神經元B就叫決定好？
或者換個講法，因為手臂係連住膊頭，所以手臂有活動範圍既限制就叫我地唔可以自由郁動手臂？
咁已經唔係有無答案
係單純地古怪，怪到變左廢話

靈魂一樣可以有靈魂世界既規則
最後只係需要計算既因素多左，唔係推翻左你嗰種絕對主義