民族都係一個好有趣既討論
剩係定義已經可以有排拗
近代民族主義好多時係同資本主義興起有關
為左爭奪市場及增加生產效率
舊既君主皇權制國家都開始轉化做民族國家
因為有共同文同書有助減低交易成本
但單係同文同書係唔夠競爭,仲要國民有身份/共同體認同,等d人出盡奶力"為國效忠",自甘被剝削
所以19/20世紀民族主義又發展左兩個大方向
一種係國家主義類別,呢類通常會強調民族優越性,對內會鼓吹種族主義,納粹主義/法西斯主義就係呢類代表
另一種係強調代議政制,俾公民一定程度參與政治,等d人覺得國家自己都有份,英美法係呢類代表
老馬既觀點,係覺得上述兩種以資本主義國家政權為最終效忠對象既野,係資產階級用黎昆9工人既野,方便加大剝削。所以一開波馬克思主義者已經對民族重新定義,佢地既"民族"係以階級做劃分,係跨國度既工人階級民族對抗全球資產階級。
所以當第一次世界大戰,左翼係各國裡面都鼓吹反戰,將國外戰爭轉化為國內既無產階級革命,俄國革命就係咁成功左,但德國就失敗左...
咁有人問,蘇聯呢?
佢地反對民族主義,但係同時自己又倒退返去"一國社會主義",一聽到"國"呢個字就知乜事啦,又係昆9工人
stalinism 唔係真正社會主義呢點左翼內已有共識,但係乜都仲拗緊,有人話係官僚社會主義(托派觀點),有人話係官僚帝國主義(毛派觀點)。但毫無疑問,蘇聯都係國家主義既一種,由於對內連代議民主都冇,所以蘇聯/老毛中國係更似法西斯主義既mode,連殺領導層互相撕殺呢d mode都好似
至於21世紀既民族主義,又同20世紀好唔同
種族區分既國家主義已經out晒,因為資產階級已經全球化,唔會再單係一國內剝削。
通常都係用公民民族主義,對內包融多民族,對外就抗拒新帝國主義(資本主義全球化)壓迫
另外is算係異數,變左宗教帝國主義