[新手][ 愛情][排球]那天成為女之後，我的人生不再一樣

好睇

幾時變返男主

邊有咁快呀 變返就完故架喇喎

多謝你 黎緊星期六都有

仲以為你的名字咁

唔係呀你睇埋落去就知

48. Michael的分析

「你真係想知？」我問

「當然！」Michael講

咁我見佢咁想知，就講曬學界既野比佢知。

「下，咁其實輸波都唔會係一個人既責任黎架喎，點可以怪曬你架？」Michael講

「算啦，佢地係咁架喇，依加我都成為左眾矢之的啦。」我感歎咁講

「其實我唔知點解佢地會咁樣杯你啦，但你唔覺件事好怪架咩？」Michael反問我

「怪？」我不解咁問

「當然，你唔覺咩，就算Ｄ人點唔中意你，都唔會因為只係一件事而唔中意你，我唔信個個都咁膚淺，人地講咩佢地就信。」Michael講

「算啦，但事實依加個個都係嘛。你諗下，如果佢地真係唔係咁膚淺既，就唔會個個都杯我啦，至少我諗依form既女係杯緊我囉。真心講句，依加杯緊我既，有邊個唔係因為聽人地咁講而杯我呢？」我講

「……」Michael冇出聲

「你都覺得係呢。」我問Michael

「你都冇錯既。」Michael講

「其實都係做左女仔先知，原來女仔之間既感情係咁煩。」我感歎咁講

「下？做左女仔？」Michael不解咁問，被Michael咁問我都嚇左嚇，差Ｄ講錯野

「呀…..姐係我既意思係話，做女仔唔及做男仔咁。其實你都有女埋身，唔知你feel唔feel到姐，佢地個個明爭暗鬥架啦。其實我依加同你食飯，都會引黎唔小本身對我冇敵意既女想攻擊我架。」我講

「下，咩你地做女既咁複雜架咩？」Michael問

「唔係你估。等你地個個想做靚女咩？！靚女先煩呀！」我講

「拿，我就唔太同意喇，你拎福利時你唔覺姐。」Michael講

「咁睇黎你都對我有好多不滿喎。」我翹手陰陰嘴笑咁望住Michael

「唔係呀唔係呀，我唔係咁既意思呀。」Michael好緊張咁講

「唔……哈哈哈哈。」我忍唔住笑左出黎

「玩你咋。」我拍拍佢膊頭講

「哈哈，咁我都係澄清返姐，費事有咩誤會嘛。」Michael好緊張咁講

「有咩誤會….唔……」我手托下巴講

「………」Michael又再無言

「你有冇發覺你今日講既野，好似會愈描愈黑？」我笑笑口講

「哈哈，係囉，點解既。」Michael笑一笑講

「多謝你，Michael。」我講

「做咩又多謝我？」Michael問

「冇，只係……其實本身同你又唔太熟咁，依加又同你食，你唔覺我好似拎左你黎做水泡？」我問

「所以呢？」Michael問

「下？姐係….？」我問

「姐係其實幫到你咪得囉，又洗咩介意咁多野？」Michael講

「所以咪多謝你，其實你又唔太清楚我既野，你都咁幫我。」我講

「邊有得計，作為普通朋友都應該做啦。」Michael講

「呀潔。」Michael再講

「做咩呀？」我問

「老實講句，我真係覺得成件事，未必係單一個人係度加鹽加醋，令件事變得咁Worst。」Michael講

「你覺得……」我未講完，走廊就傳黎一Ｄ聲音

我同Michael就向發出聲音既方向望去，見到有個男既係間房度行出黎，佢個背影好熟悉……係邊度見過呢…..果個人行到走廊尾位轉彎時，我見到佢側面！

「下！Joe？！」我講

「你識陳祖康？」Michael問

「係呀，同Elective架。」我講

「佢係度做咩呢？」Michael講

然後無耐，同一道門再次打開，今次係一個女既身影行左出黎……我望到依位女既身影……我唔單止好驚訝，而且我真係成頭都問號，究竟發生咩事？問解果一位身帶氣質，學識，平易近人，散發住陽光少女既味道既佢，點解會係度出現，仲要同Joe係同一間房出返黎……

「你覺得件事係點？」Michael問我

「睇黎我比人杯既事，由似乎由一開始…..就真係好似你咁講，有古怪。」我講

「姐係你覺得成件事同佢地兩個有關？」Michael問

「成件事好似係成立。」我講

「我諗你慢慢查清楚好Ｄ，一黎唔好誤會好人，二黎，果間房係一個儲物室，其實係度租房，或者識人，都好容易租到，而且又冇證據證明到佢地係入面做過Ｄ咩，我諗你小心Ｄ先會好Ｄ。」Michael提我

「我會。」我講

樓主quote乜撚嘢

咩quote咩野？邊個位？

打錯sor
諗住打樓上

嚇親我

做咩事呢依位Ching

48. Michael的分析

做咩事呢依位Ching

sor

第四章：始末
49.疑惑

當我想行前跟上去既時候，Michael就拉住我

「你想去邊呀？」

「緊係跟住佢啦，睇下係唔係去搵Joe嘛。」我講

「都唔係依個時候啦，同埋依條巷一條直路，又靜，你咁樣跟上去，係人都知你吊住佢尾啦。」Michael講

「咁但依加唔跟去睇，就錯失左個機會架喇喎！」我好緊張咁講

「如果真係佢地搞鬼，你覺得唔會再有機會比你捉到佢地既痛腳咩？」Michael講

「但…..」我講

「信我啦，如果真係佢地唱你既，你遲早都會搵到證據既。」Michael講

「……」我冇出聲

「你好想知道件事係點？」Michael問

「我係想知係唔係佢地夾埋唱我，搞到我依加神憎鬼厭，我只係想知係唔係同點解……」我講講下視線不自覺咁望向地下

「之後，我再同你一齊查返件事係點，好唔好？」Michael輕輕捉住我雙手咁問

我輕輕咁係佢雙手入面抽左對手出黎

「嗯，都可以既，多謝你先。但呢……我未Ready好，係我既問題，比Ｄ時間大家啦。」我講

「好…」Michael面色一沉，但又好快咁笑返

「明既，比Ｄ時間大家啦。但你應承過我既野……」Michael欲言又止咁講

「咁我又唔會反口既。」我笑一笑講

「拿，你講架。」Michael笑笑口講

「係呀，食飯嘛，嘻嘻。」我講

「當然。」Michael笑得好開心講

「咁……不如上返去？」Michael問我

「嗯……」我講

然後我地就慢慢行返上去，我望住Michael既背影，感覺上佢都算係可靠，唔知識落，佢仲會唔會係咁呢？

行到返上去時，Michael講聲叫我等陣，就自己行一行開左。咁我係度等Michael既同時，我就係度諗，究竟點解…點解佢地會一齊同時咁係間儲物室既…..佢地識既……正常都識既，同form的話識係唔出奇……

「呀潔……呀潔……」Michael叫

「？！」

「你做咩呀？仲諗緊頭先既事呀？諗到入曬神。」Michael講

「呀……Sorry。」我講

「咁你仲有冇心情，同我去食餐飯咁呀？」Michael問

「可以既。」我講

「吉野家岩唔岩？」Michael問

「可以呀，行？」我問

Michael之後擺一擺頭，示意我出發，咁我就跟住Michael行過去吉野家。咁我同佢行過去既路程都好短，因為轉個弩其實都到。

「想食咩呀，我去買丫。」Michael問

「唔……三文魚飯，凍檸茶，唔該。」我講完然後就係銀包度拎50蚊出黎

「咁我買喇。」Michael扮望唔到我拎住果50蚊，之後講完就去左買

好快Michael就買完返左黎，佢放低左之後，我就放低果50蚊係佢面前

「唔洗啦，今餐我請你啦。」Michael講

「又係你請，其實我真係唔中意咁樣食人一餐。」我講

「就當因為你今日唔開心，我令你笑返囉。」Michael講

「其實…你唔好咁講先啦，我依加又唔係你邊個。」我講

「好啦好啦，都係想你開心Ｄ姐。」Michael講

「嗯……」我講

「又係度諗緊Joe佢地？」Michael問

「係…老實講，唔係佢，可能我都未必令到Ada咁唔開心。」我講

「關佢咩事呀？」Michael問

「冇…..Antonia叫我係時候識下男仔姐……」我講

「哦……其實Antonia都係為你好姐。」Michael講

「嗯……」我敷衍咁答

老實講，我真係唔相信，頭先我見到既，同Joe係同一個儲物室出黎既人，居然係Antonia，點解Joe同Antonia會係同一間儲物室出黎……我真係唔明，唔通我既事同佢兩個有關？我比人杯都係因為Antonia一直叫我收兵，所以我先會去試，唔係佢我都唔會咁，但我依加反佢面，佢都係會唔認；一係就會話係我白痴，佢點都立於不敗之地，而大家亦都係會信我……

如果係咁，咁的確，如果我扮住咩都唔知，慢慢查返件事，我唔奢求世人既理解，只求自己還自己一個清白。似乎，Joe都係醜人之一，我冇估錯，Antonia應該係隻將軍，但都係單憑我估，我都係要真憑實據先會信係Antonia搞鬼！

突然查案

Michael都幾好仔

你比人屈完 見到d咁既野 會唔會想知咩事先😉

都係架 睇埋落去啦

咪又係呃蝦條

睇落去咪知不過講真 邊個唔想 仲要靚女

今個星期既文未有定案住 請見諒

難得追到live
竟然無文幾日
加油

公司多野做呀唉 冇計啦

呢個故係週記嚟 俾啲耐性