[新手][ 愛情][排球]那天成為女之後，我的人生不再一樣

各位 我係度say個sorry先 之前都有提過話我今個月比較忙 咁今晚同黎緊星期四晚(11/12/2018, 13/12/2018) 依兩日我都會係度同紙言準時update新文
而黎緊星期四打後到聖誕(13/12/2018-26/12/2018) 因為身在外地 未必咁方便同準時係連登出文 所以如果想睇既ching 可以去紙言search我篇文 咁我最後幾篇貨仔有upload上去 都會準時2200出文 若果紙言都未有文出的話 我係度向咁多位道個歉先 要走走大家數 咁文會係之後出返比大家
而果一段時間係紙言出既文 我會係稍後時間一次過upload返係連登app
不更之處 細力d插

紙言： https://www.shikoto.com/articles/170185.html

第三章：變化
30. Patrick與Eva
我同Ada行到落去搭車時，我就將頭先發夢夢到既事講左比Ada聽，之後佢話記低每個夢，因為有可能真既呀潔知道咩事，又或者同依件事有關既資訊都可能係每個夢入面拎到。

之後同Ada搭車去到新墟薩莉亞，見到佢地已經係度排緊隊。

「呀潔，做咩唔應機架？」Antonia問

「呀……沖完個涼舒服到訓左陣，Sorry呀。」我摸摸後腦，單單眼伸伸脷講

叮噹，D11，D11。

「咦，有位喇。」Eva講

「嗯，好啦，一齊入去啦。」我講

入到去坐低叫曬野食之後，我地就坐係度一齊傾計。

「係呢係呢呀潔，今日晏晝果幾個男呢，你識架？」Bianca問

「唔係呀，識得介紹果個囉。」我講

「果個Desmond？」Bianca問

「係呀。其他既都係唔識架，你睇下果三個幾猥瑣，咩好波定唔知咩，好嘔心囉。」我不屑咁講

「哈哈，小小啦，不過唔係Eva既我諗你都走唔甩。」Carrie講

「都走唔甩架喇，你知唔知呀，我返到去見到有個Facebook搵我囉。」我講

「哈哈，鬼叫你張icon係你咩。」Antonia笑住講

「我……我…….」我想講Facebook Icon唔係我揀架囉，係呀潔佢之前自己放架。Whatsapp果張先係我揀架……但唔通我咁樣同佢地講咩

「不過呀潔不嬲都靚女架啦，facebook張icon影得咁仙氣，正常男既睇Icon都扯左啦。」Carrie講

「哈哈。」大家都係度笑，而我就紅都面曬咁

「唔好玩呀潔啦，你睇佢面都紅埋喇。」Ada講

然後食物就黎到，咁大家都開始食喇，咁食食下就有人問起

「係呢，其實呀潔你又會原諒Eva既？」

「下？！」我都比佢嚇一嚇，Eva係度都問Ｄ咁既問題

「係囉，我都想知呀，其實真係因為中學識到既朋友真係好難得架而原諒我？」Eva問

「一黎啦，二黎就係其實我依加都睇開左啦。」我講，我心諗唔通同你講真果個自殺咩

「多謝你呀，呀潔。」Eva又眼紅紅咁，又係既，有朋友真係好好既。

「Eva，你唔好介意我問下，你點解會接受Patrick既？定係你追Patrick？」Antonia問

……

……

……

真係當堂全場靜曬。之後我見到Carrie係咁批Antonia肘，我「切」一聲笑左出黎，然後全場見到我笑都好似好好奇咁，但佢地個樣又好似好想知我點解唔嬲咁。

「呀潔，你真係唔介意？」Eva問

「係呀，其實都放得低喇，不如搵過個仲好。同埋我覺得Ｄ男既都幾嘔心，為左自己一己私欲可以不擇手段，唔理後果，真係好嘔心。所以我都冇咩為佢而唔開心LU。」我講

「既然呀潔唔介意，咁我就講啦。」Eva講

「嗯嗯！」全場都烏前，等緊Eva講咁

「其實咁既，當初Patrick咪上年中四時插班入黎既，咁其實果時我已經覺得佢好Charm架喇，仲要打排球喎，真係想引死女咩？咁我果時都好想識下佢架喇，咁我就同Patrick都識左啦，但就係因為呀潔你同Patrick兩個識左先，所以我同Patrick先識架嘛。」Eva講

「唔…….好啦你繼續先。」我講，我心諗本日記都冇寫低，我點知……唯有扮下野啦

「咁之後你地咪聖誕果時一齊左既？其實你同Patrick蘊釀緊果時我都有追Patrick架喇……」Eva愈講愈細聲

「ＷＯＷ！原來Eva你咁進取。」Carrie大叫

「喂呀死人張嘉欣，洗唔洗咁大聲呀！」Eva一野拍落Carrie度

「車！再屌我既話就質你食屎呀鄧樂情！」Carrie講

「係喇係喇，你兩個一人小句啦，明明係朋友但又成日互串。」我講

「真點朋友先係咁嘛！」Carrie講

「好啦好啦，繼續啦。」Bianca講

「咁我本身見你地聖誕果時一齊左我都覺得好唔開心架，咁……一黎我同你係朋友啦，二黎就係我都幾中意佢，但我見到你地好似好開心，咁我見咁都收手喇。之後見你同Patrick都咁開心，咁我都費事搞你地啦，你地仲要係Facebook post相咁sweet，咁我都知自己冇機會架喇……」Eva講

「但你之後又會同左佢一齊既？」Carrie問

「係囉係囉。」大家都好好奇咁問

「咁緊係有原因架啦。」Eva講

「因為你同佢上左床？」我講，之後全場既目光都望住我，Ｏ曬嘴咁

「Er…….」Eva冇出到聲

「其實我都係估架咋。」我講

「其實算係一部份既原因黎既……」Eva講

「咁實際係……？」Bianca問

「咁我再講落去先啦。咁跟住呀潔你同Patrick佢咪好開心咁過聖誕既，過完到開左學，返到學校都唔知有幾多人羨慕同妒忌你地兩個，一黎你係校花級，已經比人食左，二黎Patrick都算係校草級，咁有好多女都好想追佢，最後係你地兩個一齊左，佢地又點會唔羨慕又妒忌喎。咁一開始都有好多人都睇好你地既，但到考完試之後，咁Patrick佢冇啦啦搵我傾返計，咁我初頭都冇咩點理佢架，咁都係維持住普通朋友咁傾下計就算。之後我記得去到丙組學界入左八強果排……好似三月？大約啦，咁之後佢開始就話你好煩，好唔識做，我一開始都話佢咩唔識做，想人做Ｄ咩咁，都係話佢咁。但講講下，佢開始係度讚我幾好幾好咁，開頭我都唔信佢講，但我見佢日日都係咁搵我陪我傾計，學校考final佢又陪埋我溫書…..」Eva講

「ＷＯＷ，Patrick唔洗陪呀潔咩？」Antonia問

「下……Er……..」我唔知點答好

「呀潔果時陪我溫書呀，呀潔多數都係自己溫書既，所以Patrick咪可能因為咁而有時間囉，」Ada好似知我有Ｄ野係唔知，幫我解圍，我果下就用感激既眼神望住佢，佢就對我單單眼

「咁之後佢陪我過左個final之後，咁我見佢咁有誠意，咪同下佢出街囉。咁出左幾次街之後，有次佢約左我出佢屋企……」Eva講到依度，個個都「嗯嗯」咁烏前聽佢講

「咁聽到話去佢屋企喎，咁正常都知會發生咩事啦，咁我都拒絕啦，咁佢係咁話冇事冇事，又話上去比下驚喜你又點，最後都算啦，都上去算。」Eva講

「但你覺得真係會比驚喜呀潔？」Bianca問

「老實講我都唔知，咁佢講到咁，咪當幫下佢囉，而且……」Eva講

「但佢話呀潔煩，又讚你喎。」Antonia講

「雖然係咁，但我本身就係中意佢，加上我覺得話下自己男女朋友煩都唔出奇既，而且係佢冇話過中意我，咁咪……」Eva講

「但你唔覺佢對你有野架咩？」Antonia問

「都覺架……但佢又冇明確咁講到出口咪算囉，見呀潔同佢都仲一齊緊，都唔會覺得佢會周圍撩人既。」Eva講

「咁之後呢？」Bianca問

「之後上到去，咁都係問下我送咩比呀潔好咁上下，之後又問我中意Ｄ咩咁，話我都係女，如果我中意既呀潔應該都中意咁，咪講左Ｄ比佢聽囉，坐左多陣之後佢問我睇唔睇戲就去左睇戲喇。」Eva講

「咩都冇發生？」Carrie問

「冇呀，就係咩都冇先出事喇……」Eva講

「點解咁講既？」Antonia問，其他人聽完都「嗯嗯」咁想Ｅ快Ｄ講

「因為就係見佢都好似幾君子，之後過左一兩個星期啦，佢又再約我上去，話想預備驚喜，咁我見上次講開，咪上去當幫下手啦，到我一上到去既時候……」Ｅ

「佢就推倒！」Carrie講

「推你落屎坑就有份呀張嘉欣。」Eva講

「唉，心鳩淡，係都要推我落屎坑。」Carrie講

「繼續講啦！」Antonia講

「好啦好啦，咁咪上到去既……之後我坐底左之後，就問佢想整Ｄ咩啦，佢話拎Ｄ野出黎先。等左一陣，佢就拎左我上次講話中意既野，果下都比佢嚇一嚇，點解佢會拎左依Ｄ野出黎，咁我都傻下傻下問佢話想送依Ｄ比呀潔？佢就話，之後先發現原來佢心入面既只有我，問我可唔可以做佢女朋友咁，咁我當然拒絕啦，一黎佢係呀潔男朋友，二黎佢又有女朋友，點可以咁架……」Eva講

「咁之後你又會同佢一齊既？」Antonia問

「之後佢就話我知情識趣，同佢一齊好舒服又點，又話靚女唔代表好好，仲有好多甜言蜜語……咁果時我都好亂，唔知點好，之後佢就放低左Ｄ野，上前捉住我對手，就放左係佢自己腰度，就一下攬住左我。」Eva講

「ＷＯＷ！賤男呀！」大家一齊叫

「但衰在我受嘛……之後佢攬住我果下都嚇左嚇，但又覺得好開心，因為有個中意既人攬住自己，然後佢係我耳邊細細聲講叫我做佢女朋友，果下佢咁做令我有Ｄ好酥麻既感覺，果下我都冇直接答佢，然後佢就一下嘴左落黎，跟住佢伸埋脷入黎我個口度，之後真係忍唔住同左佢係度嘴。然後嘴嘴下，佢就摸下我條頸，摸下我耳背，又再摸下我背脊，佢….摸得我好舒服，之後佢就慢慢再摸下我條頸，順勢摸左落我對波度，本身都想制止佢，但佢摸摸下，佢又好溫柔咁搓下，搞到我好舒服……」Eva講

「下？！之後就比佢食左？」Carrie問

「嗯……」Eva講

「唉，蝕曬蝕曬，益左個衰人啦你。」Carrie講

「都冇左啦……鬼叫我中意人咩……手勢又好，又中意佢…..」Eva講

「冇計啦，愛情食物鏈黎既，好男追女，女追賤男，賤男追Bitch，Bitch追有錢佬。」Antonia講

「但你都未講到點解會同左佢一齊。只係同左佢上床姐。」Carrie講

「其實果次佢冇用套，仲射左落去……」Eva講

「ＷＯＷ！中出埋，第一次同人上床呀？」Carrie問

「緊係第一次啦！佢話冇套，但又好想要，我又比佢搞到想要…..咪咁囉」Eva講

「所以呢？」Carrie問

「咁之後開心完，咪開始驚囉，我唔想依加就有左……之後佢就話會負責，買左藥比我食，仲問我肯唔肯同佢一齊，我覺得都同得佢上床，都承認左佢係我心目中既地位，咁我就點點頭囉……」Eva講

「但佢咩配合咩……我唔明Patrick佢講咩。」我問

「因為果次之後，Patrick成日都會叫我上去佢度，咁上得去，都知咩事啦，但我經過上次之後，久唔久又好似要，所以咪上去佢度囉，之後佢又想玩下其他野，咪就下佢囉。」Eva講講愈面紅

「唔怪得啦…..」我果下先恍然大悟

「但Eva你……為左個咁既人而同我地反左面一排，你依加仲覺得值唔值？」Carrie問

「其實依排我都好辛苦，一黎開始覺得Patrick都係見我大波同童顏先追我，二黎因為一個男朋友而冇曬朋友，我覺得好唔開心……」Eva講

「其實個Patrick有咩咁吸引人，咁多女都想做佢女朋友？」我講

「咁你又同佢一齊既？」Antonia問

「……咁…咁…咁…咁果時唔知嘛，依加先佢Ｄ衰野仲同佢一齊咩！」我講，心諗講錯野添，望去Ada度，佢都恥一恥笑我

「其實Eva你值得有更好既，雖然依加唔知Patrick佢有冇周圍撩人，但你都要小心呀。」Bianca講

「多謝你地。」Eva講

「快Ｄ食野啦，Ｄ野凍曬喇！」Ada講

同班女討論自己男友幾衰
其他女又夠膽當面話佢男友賤男

女人真係神奇

男人之間好少當面講阿嫂不是(起碼一齊緊既時候)

因為事實上的確真係咁 但亦都有女係J自己男友幾正既

Lm

LM

好睇支持

Thank you你地咁多位 希望你地會keep住睇落去

我會係到等你

應承你地 拖都係依一兩個星期既事 真係十萬個sorry

31. Antonia的慫恿
到食完時，我地都散左，今次Ada話佢有下場，我地都報以一個恥笑就放左佢走，咁Antonia就走左埋黎問我一唔一齊行陣，咁我就當然冇理由拒絕佢，之後我地一班人去左車站，送別其他人之後，我地就沿住單車徑向元朗方向行。

「係呢，你真係冇野？」Antonia問

「係呀，做咩咁問我？」我問

「冇呀，我好好奇，當初其實你係好傷心咁，但事隔……一個月？差唔多啦，你又可以好似完全咩事都冇咁，我頭先見到你個樣，好似係好期待Eva佢講返件事出黎咁，仲要係一Ｄ既唔開心都冇。我之前都諗緊你會唔會扮冇野，但今日見到，我諗係啦，但我又好好奇點解你係唔係真係冇事咪問下。」Antonia講

「係呀，其實換個身份，換個角度睇一件事，又會有另一番既體會。當初好傷心既呀潔已經唔再傷心，依加係度既，係另一個呀潔喇。」我抬頭望住個天講

「做咩你今日講既野咁玄既，又一個角度又另一個人，講到你好似看透世事咁。」Antonia講

「又唔係看透世事既，只係覺得唔值得為一個咁既人而唔開心姐。」我望住Antonia講

「咁你聽完Eva咁講，你打算點？」Antonia問

「打算點？」我問

「姐係唔再搵仔？搵過個？認真定拍住散拖？定玩殘班仔？」Antonia問

「反而我依加係『鄧』Eva唔抵姐，如果可以好好咁玩謝Patrick個賤人一次，就好。」我講

「點解係『鄧』Eva唔抵既？Patrick出左軌喇咩？」Antonia

「唔係既，只係我覺得，一次不忠百次不用姐。既然佢當日可以背住追其他女，今日都可以背住Eva追其他女啦。」我講

「你都有你既道理既，但依樣野我地都幫佢唔到架喇。但至於玩謝Patrick個賤人好簡單姐，你變再靚Ｄ咁勾引下佢咪得。」Antonia講

「咁Eva咪會嬲我。」我問

「比佢認清Patrick條賤人既真面目都好呀，順便懲治下其他狗公都好呀！」Antonia講

「姐係…..點？」我問

「其實唔知你覺得點啦，我自己就覺得男人好嘔心，成腦都係黃野都算，仲要強人所難，霸王……」Antonia講到依度都好似講唔到野咁，之後我就拍拍佢背脊

「算啦，我明既，大家都係女，我都知咩事既。但其實都有好既男仔，如果咁樣既，唔會令到一個好男仔傷心咩？」我講

「你係善良既呀潔。不過咁，如果佢係唔係狗公，你好快就會分到，咁狗公既，咪玩下佢利用下佢，拎下著數都唔過份！」Antonia愈講，拳頭都握得愈緊

「明白既，但可以點做？」我問

「拿！都話你有興趣啦！問你一樣野丫，你覺得點樣先會覺得唔抵？」Antonia問

「唔明。」我講

「姐係咁，當你覺得某個人好正，最後可能你地曖昧過，到最後都冇咁既機會。可能過多排，你就覺得佢做咩好似正左咁多咁，早知…..」Antonia講

「早知果時拎出勇氣，依加蝕曬喇咁？」我問

「Exactly！就係咁，或者你要比佢感覺到你比佢活得更好，咁樣都可以好成功。」Antonia講

「咁依個係長遠目標姐，短期目標呢？可以點做？買衫？定點好？」我問

「唔洗心急，你等你可以花枝招展既一日，再係佢面對出現，咁樣就可以比佢感覺到你有幾好，咁樣就等同狠狠咁係佢心中劃一刀。」Antonia講

「唔……咁攻心計架咩？」我問

「攻？唔攻呀，老實講，我識人好多係Grad左之後，好多都學化妝。老實講香港地，其實我覺得港女本身個樣係生得唔差，稍為化小小妝都已經係女神，有幾多吉列豬扒丫老實…」Antonia講

「你又有你既道理既……」我講

「所以你要係依個時候就好好裝備自己喇！」Antonia講

「咁講起，Antonia你識唔識化妝？」我問

「識識地啦，又唔可以話好好既。」Antonia講

「係呢，食唔食糖水？邊食邊講？」我問

「好呀，食邊間呀？」Antonia問

「反正都行到黎洪水橋，不如去果間……」我都未講完

「ＸＸＸ！」Antonia講（間野個名，費事開名喇，住屯元天既人應該會知我講邊間，唔知既Google都搵到）

「去喇去喇！」我地一齊咁講

一坐低，咁我地就叫左野食之後又係度傾，係度傾下點樣令自己改變，變得更好。咁Antonia又叫我可以既，將我講野個Tone拉一拉高，一黎聽落有Ｄ生氣，二黎比到男既感覺係你對佢有興趣。仲話有人對你講野既語氣係死老母咁既，你都唔想理佢啦係唔係？所以都幾認同，加上曾經係男既我，都覺得如果個女用高音小小黎同你講野，係唔知點解有小小high，覺得佢對你係與眾不同咁。

而且Ａ仲話，要識講野講到令男覺得有機咁，咁就贏喇。佢仲舉左個例比我，講我聲可以咁做。令我諗起Antonia以前既野……

咁我係度諗一諗野，我地order既野就到左，同時係依個時候就有個男既行左埋黎我地隔離。

Live

推

加速加速

又好睇 wo

快

過兩日先有時間再作 等多陣 睇下今晚/聽晚post唔post到紙言出左果d 多謝各位耐心等待

32.昔日眼中的Antonia

「你好呀，你咪係上次係我地學校打Friendly果個女排？」個男問我

「下？」我講

「上次係輕鐵站呢，搵你拎電話果個呀……」佢講

「…….」我真係諗唔起

「拿。」我就拎左電話出黎，再開返Whatsapp個Chatroom出黎

我一望我先諗返起，原來係果個追到出輕鐵站，樣正正常常果個！

「呀！諗起喇……哈哈」我尷尬咁笑

「記返起喇，唉，搵你你又冇覆我，但見到你Whatsapp Icon又係你，心諗你應該冇比錯呀...」佢講

「其實我唔係成日睇電話既，所以...哈哈，咁我應承你多Ｄ睇電話好唔好？」我對佢單單眼咁講

「好呀，咁我等你電話喇！」佢講

「好呀，今晚搵你啦，但你搵多我一次先啦，有時都有人搵我我分唔到呀～」我講

「好呀，我電話同你講埋我叫咩名啦！」佢講

「好啦，咁我等你電話先啦。」我報以一個微笑

「其實咁岩都係度撞到，我都費事阻住你地傾計喇，咁今餐我既。」佢講

「唔……」我都未講完Antonia咁拉拉我

「咁邊好意思呀！」Antonia講

「唔緊要啦，請兩位靚女食糖水，榮幸黎既。」佢講

「咁多謝你喇，係唔係呀呀潔？」Antonia問我

「呀…多謝你先喇。」我講

「唔洗客氣啦，下次見啦。」佢講完就返返去佢果邊，眼見佢果枱既男見佢返黎時，佢地個樣真係好葡萄咁，可能葡萄佢會識到兩個靚女啦

「喂掂喎呀潔，學到野喎！」Antonia講

「下？！」我真係一頭霧水

「你頭先咪應承佢搵佢多Ｄ，拿！就係要依Ｄ喇！」Antonia講

「……」我仲唔太明咁既樣

「你真唔明定假唔明呀？姐係你同Patrick一開始時，如果佢同你講話，應承你以後搵你多Ｄ，你咩感覺？」Antonia問

「爽皮囉。」我講

「係囉！咁講完，雖然你會搵佢，但你對佢係冇感覺既，你做到好似對佢有感覺，但事實上係冇既，咁就掂啦！」Antonia講

「！！」

「睇你個樣似乎領略到Ｄ野咁喇喎。」Antonia講

「嗯……都係既」我講，我諗返起我仲係男既時候，Antonia係點……

「係呢，都食完喇，咁…..不如去搭車？」Antonia問

「……」我仲係度遊緊魂

「呀潔！呀潔！」Antonia叫

「下？！」我問

「你做咩係度遊魂既？」Antonia問

「冇呀，諗緊Ｄ野姐。」我講

「返去先諗啦，去搭車喇。」Antonia講

咁就同Antonia佢行到車站，咁我就同Antonia講話兜多個圈先，Antonia都冇阻止我，咁就佢去左搭車，我就繼續行。

我就開始諗返起我男時既Antonia……

中一女排首個練習日，因為我比Carson拉去睇女排而見到Antonia，之後就係因為大家都係小丙，所以就會一齊練下波，咁就因為咁所以同佢識左，雖然Ada佢地都唔差，但由我見到Antonia第一眼起，我個腦就得Antonia，都冇留意過其他女。但當時我就只係同過佢講幾句野，都冇話深入了解。

到中二頭，因為想試下追佢既關係，咁我就左問右問之下拎到Antonia既MSN，咁就每晚都會MSN下佢，但佢又好似唔係晚晚都On咁，有時我都會問下佢點解唔可以晚晚都On，咁Antonia都只係話唔係好得閒，而我果時都覺得冇問題，因為Antonia同我一直都係讀緊精英班，忙係唔出奇，因為知道教精英班既老師會覺得精英班既人係任勞任怨，會痴左線咁比功課學生。但唔知點解，我同佢永遠就唔會同班，真係好巧合。

就係咁，到中三時Antonia就更加小On MSN，之後就直頭冇On過，隨左打波同返學之外都冇咩見過Antonia。到中三下學期時，Antonia就有大約一個星期都冇返學，好似冇人知咩事咁。

之後有一日Antonia終於返學，我忍唔住就走左上去問佢咩事，但Antonia就好似比我嚇親，就話冇咩野就行開左。過多一排，我見佢又有On返MSN，咁我就問佢咩事，Antonia就話冇咩事，都係屋企既事，仲問我電話號碼幾多？咩台咁，問我會唔會SMS，女神問得既就當然比佢啦，就係咁就比左佢喇。

無耐考試時Antonia仲問我一唔一齊溫書，咁女神問到當然一齊，咁係佢溫書時，有時都會問下野，講下野咁，唔知係唔係之前冇咩留意啦，Antonia講野個Tone原來係好吸引，亦都好吸引我去聽。

考試之後Antonia有約我出下街，我有時都有約佢，佢都好欣然接受。成個暑假就係得閒打下波，打下機，同久唔久搵下Antonia。果時既我已經覺得係差我既一個表白，就可以將Antonia攬住。

但唔知係唔係之前被興奮蒙蔽雙眼，中四時我就開始都發覺Antonia係會同其他男既會有來往，但果時既我都只係覺得正常社交。有時Antonia都會約下我食飯，咁同佢食完飯，我都覺得請女食飯係應份，就每次都係我比。

到中四果年聖誕，咁果時我見儲到小小錢，我就打算買份聖誕禮物比Antonia，咁我千揀萬揀，最後揀左手袋仔。然後就約Antonia過聖誕，但Antonia話果日約左人，得朝早可以，問我得唔得，身為小毒毒既我就當然都照狗衝啦。

到左聖誕果日，我就拎位份禮物，見到佢時比左佢，佢都比左份禮物我，但就只係細細盒。咁佢問我拆唔拆得，咁無理由拒絕既，而且我又想睇下佢開心既樣，之後見拆開左，見到佢都笑左一笑講多謝。果晚返到去我拆佢果份禮物，原來就係朱古力黎，搞到我Sad左一陣。

到我臨訓前再睇睇Facebook，我見到Antonia　update左，咁一望，有張相，下面寫住「識你咁耐都係第一次收你禮物，同你既感情已經昇華到比男朋友更重要，希望每年都有你一齊陪我過依一個聖誕」，相上面仲Add左我個名上去。

咁小毒毒既我就當年扯到痴左線，係屋企度跳黎跳去，好似已經同左Antonia一齊咁既款。

咁之後我都有Keep住同Antonia　SMS。到左我生日前，我就約左Antonia佢同我過，咁岩佢話果日可以，咁我就計劃同佢表白。到最後點……當然係一句「我覺得我地依加咁樣既相處係最好」黎拒絕左我。但之後又會繼續搵下我，一齊食下飯咁。

到我升到中五時，係同呀潔交換身份前，Antonia係我心目中，都仲係一個冰清玉潔，完美既女神。

33.嘗試改變

我行到去輕鐵站坐低，係等緊車時係度諗返起以男既角度睇Antonia，同以女既角度去睇Antonia，再比較返，發覺都幾大出入，唔通依Ｄ就真係做男既時候，睇唔到Ｄ女既真面目？

但同時我又諗起，依加Antonia手上手機……同佢既身世好似唔係好夾，但一諗起佢Ｄ兵……睇黎係香港做女，似乎真係好過做男。

突然電話震左一震

＋852 6xxx xxxx：Hi，我叫Dick，頭先係糖水鋪果個呢

原來係頭先果個，好啦當練習下

我：Hello，唔好意思呀，我小睇電話呀，之前冇覆到你

＋852 6xxx xxxx：唔緊要，係呢，我頭先見你個Friend叫你呀潔，咁我應該點叫你呀？

我：你中意啦，學佢地叫我呀潔又得，叫我Katrina都可以

＋852 6xxx xxxx：好啦，佢地都叫你呀潔，咁我就Set返你做呀潔先

係喎，Set返低先，我諗都要知道邊個打邊個既。

Dick：係呢，你做咩咁小睇電話既？

我：咁我小人搵嘛

Dick：點會呀，你個樣似都多人搵喎

我：係咩？咩叫個樣都似多人搵呀？（單眼Emoji）

跟住我就見到Dick輸入中…，之後又Dick在線上，又再Dick輸入中…咁樣loop左幾分鐘。

Dick：善良樣，平易近人，所以多人搵囉

我見到佢咁講真係當堂笑左出聲，咩叫善良樣。

我：下話，咁咩係唔善良樣？

就係咁就同左佢Whatsapp到落車返到去，咁同左佢講左聲返到去之後，就放低電話去沖涼。

沖緊涼時諗返起同Dick既對話，雖然無咩營養，但就叫做開開心心咁笑下，都無不可呀，如果同其他人都係咁，生活應該都幾易過。

沖完涼返出去我就攤左係床度，之後就拎起部電話睇，開Whatsapp一望，都好多人搵我但我係冇理到佢地，有Ｄ直頭唔知係邊個黎，算啦，理左Ｄ知係邊個黎先。唔…… 理左Joe同Aaron先。

Joe：Katrina，想問下你呀。

Aaron：瑤瑤，你黎緊星期六得唔得閒呀？

望完都心諗你Aaron都幾狼死，直接約，反正都玩，而且星期六都冇咩做，就同下佢出街啦，咁覆左佢先。

我：星期六得閒呀，做咩呀？

Aaron：打算搵你睇戲呀

我：睇咩戲呀？

Aaron：那些年，你想唔想睇？

我：可以呀，仲有邊個去睇呀？（老實講，比著以前仲係仔既我，睇那些年依Ｄ戲真係唔會幾條仔去睇，但依加變左女之後，反而覺得同女同仔睇都冇所謂，因為我真係對依類既戲都好有興趣，唔知係唔係因為變左女既關係啦。）

Aaron：叫緊人架喇，咁我過幾日買定飛啦。

我：好呀，麻煩你喇。（我心諗…下，咁快過幾日肯定有幾多個睇？你都未知有幾多個就去買飛？姐係你預左得我同你啦。點解我會咁覺得？好簡單，做緊仔既都知好小一早約，而且一早約都係臨到去做果樣野既前一刻先會答實你。）

Aaron：唔洗客氣（加個笑既Emoji）

好喇，咁我再睇下Joe既Whatsapp先。

我：做咩呀Joe？

Joe：我想問下你呢，你星期六會唔會有時間？

我：星期六未必得呀。

Joe：咁……星期日呢？

我：可以呀

Joe：咁我約你星期日你會唔會出黎？

我：你想做咩呀？

Joe：想約你睇戲呀，你想唔想睇？

我：你想睇咩呀？

Joe：那些年

我：下，我同朋友睇呀，不如睇第二套？

Joe：不如睇多次？最多請你睇？

我：咁又好似唔係咁好既

Joe：唔緊要啦，你肯睇就可以

我：咁……好啦，咁星期日再同你睇啦（其實我心諗，同一套戲睇兩次，有咩好睇，你話隔返一兩年再睇就話姐。但佢好似好想我出咁，就出返次啦，諗起果時約Antonia，期待你出既心情我都好明白既。）

Joe：好啦，咁約實你架喇！

我：好啦，到時見啦，時間你再講我知？

Joe：好呀，過幾日買左飛再講你知。

我：好啦，麻煩曬

Joe：洗咩咁客氣呀，咁到時見啦（又係笑既Emoji）

咁之後我就攤多陣，係度諗今日好似發生左好多事咁，諗左無耐就訓著左。

訓訓下我個電話係咁震，震到我都醒埋，咁我就聽啦

我：喂

Antonia：喂SIS，今日猜唔猜下波咁呀？

我：Antonia?（我問完再望望來電）

Antonia：玩野呀衰妹，我把聲都認唔到！

我：唔係呀。呀嗚～（打喊露）岩岩先訓醒咋

Antonia：咁點呀你？打既一陣老地方等。

我：好呀，咁一陣見啦，食埋野先。

Antonia：咁一陣見喇。

我：嗯，Bye

咁收左線之後就起身刷牙啦，刷完就返入房換返件衫，由於懶既關係，我搵左件衫，著件簿褸，一條短褲仔踢住拖咁落去食算。落左去樓下之後先諗食咩野，但樓下黎黎去去都係果幾味，男既時候都食到我唔想食。心諗Ｍ記早餐？都唔知食咩好，熱香餅又唔熱又唔香又唔餅，其他又唔好食，扭扭粉又小….咦，講起身黎變左女都好冇食過Ｍ記扭扭粉，話唔定夠飽，咁最後就走左去食Ｍ記。

。

咁叫完，等完打算拎去搵位食，但邊行時，Ｄ男既都會不時望下我，我心諗真係咁好望咩？我仲見到佢地係望我心口，再望樣，再掃視我對腳同腳指……洗唔洗咁狼死……

咁我都一於小理，係度邊食邊睇下電話，覆下Whatsapp，發覺如果要全部都覆曬都幾浪費時間，同埋同之後諗既一樣，個個都覆曬會唔記得，所以其他就得閒覆兩句，重點人物就當然……你們懂的。

食食下，我果枱就有三個後生男既就坐低，我望望佢地，佢地又望望我，望落都係大我兩三年咁，我都一於小理，繼續食我既野。差唔多食完時，佢地係度擾攘左陣，我心諗佢地係度做咩，之後抹完個嘴想起身時，坐我右邊果個男就將張凳移埋黎問

「係呢，想問下你係唔係讀ＸＸ中學？」

「下？」我好奇問

「冇，因為我地係第二間中學男排舊生，琴日我地都有睇到你地女排打果場，我地都諗緊係唔係你。」個男講

「呀……有打呀，所以…？」我問

「冇，見你咁好波，諗住睇下你會唔會同下我地打下波咁姐。」個男講，唔知係唔係心理作用，佢講好波個波字好似拉長左咁。

「或者有機會先，我趕時間，我走先喇。」我點點頭就走

「喂喂，我地未知點叫你呀。」

「喂」

「喂」

佢地係度叫，咁我當然快快腳咁走啦，睇個款佢地都係狗公一堆，都係走先，又唔識佢地，都係費事同佢地咁多野講算

34.球場痴漢

咁返到上去之後，我就攤左係床上面碌下電話等一陣搵Antonia佢地打波啦，碌碌下，又有一Ｄ人Whatsapp搵我，咁基於唔好唔記得，但又唔好唔應既理由，咁見好似好耐都冇應過佢地，咪同佢地傾兩三句咁啦，佢地都不外乎做緊咩，食左野未咁上下，老實講，我都幾樂在其中，雖然同一堆人素不相識，但有人關心你其實都咪話唔開心。

曾經做過毒男既我，感受過人既冷眼，行出街Ｄ女女都係側目而視，諗起都傷心。你試諗下，其實你係冇做錯過野，但係個樣衰ＤＤ，毒ＤＤ咁，行過望到Ｄ女個樣係「死毒撚，望咩望！」既樣，其實真係都幾心ＵＰ，只係個樣既問題，有邊個想？唉…..

咁同左幾個男既傾左陣，見時間差唔多，就換定衫準備搭車去打波啦，咁我都問下Ada佢一唔一齊去

我：Ada，一唔一齊去呀？

Ada：你自己去先啦，我後Join

我：好呀，咁一陣見啦

咁見Ada自己去，咁我都自己去先啦。咁我同男時都冇咩分別，都係中意著住件運動衫，之後就著返件簿褸，一件打波既短褲咁，加埋對波鞋就去，其實最近幾次去都係咁，見佢地都冇咩異樣就都係咁著啦，再加埋個袋仔咁，因為都要裝野架嘛，係唔係先。之後都係行落去搭車，咁等車期間都係碌下手機，得閒HEA應下Ｄ人咁，話咁快就去到球場附近個站落車喇。

行去士多買返枝水，就拎住枝水慢慢行去球場喇，咁行到去球場之後，見佢地未黎咁我就坐左係旁邊睇一陣手機等佢地啦。睇睇下我見到有三個男既行左入黎，我抬頭一望，原來就係今朝係Ｍ記見到既果幾個，我見到佢地都呆一呆，然後佢地見到都好似好驚訝咁，然後就再同我Say個Hi之後就行埋黎

「Hello，今朝先見完，又走得咁快既，你好似唔係住附近架。」其中一個男既開口，暫時且叫住Ａ男先

「Er……咁打波唔一定要係樓下打既。」我講

「咁唔知你有冇興趣一齊猜下波咁呢？」 Ａ男問

「都可以既。」我諗左一諗，反正都要等佢地，打住等都冇壞既

「好啦，佢兩個另一邊，我地同一邊，二二對猜？」Ａ男問

「ＯＫ」我講

咁就同佢地對猜下先啦，咁猜左幾球，都覺得佢地都叫做唔差既，當然係仲勁過我係男既時候啦，可能佢地都叫發育完，見佢地對殺都幾有力，同埋都準既，比著我係男既，都未必有佢地咁大力，同埋出盡力都唔會話好準，但到做左女時，因為女好多都就住就住咁，所以以我仲係男既實力，係女堆入面當然好似好勁咁啦。

咁佢地都好君子，要大大力殺波都係唔會一下殺落黎，過程中都冇話扮曬野咁挨埋黎抽水。

打多陣之後Antonia佢地都到左，我見佢地到左我都停左手，行返去Antonia佢地果度同佢地say hi啦，Antonia都報以一個恥笑之後，佢地就係咁咦拉兩三下筋就拎個波出黎準備打，咁我因為都打左一陣既關係，係佢地拉緊筋既時候都坐左係旁邊度抖返一陣先。

咁我坐係旁邊睇佢地打既時候，都會拎電話出黎睇下，覆返一兩句咁，吊下佢地癮。

我見坐到咁上下，我就行返出黎同Antonia佢地打下。打多陣，Ａ男就走左埋黎問

「係呢，想問下你點稱呼呀？」

「ＷＯＷ，有仔問你喎。」Antonia大叫

「佢叫呀潔呀！」Carrie大叫

「下！喂你地……」我不忿咁講

「你好呀，我叫Andrew呀。」Ａ男講

「係…你好。」我講

「我地去食小小野先，你地打到幾點呀？我地一陣會返過黎，不如一陣開個細Game玩下？」Andrew問

「下……」我都未開到口

「好呀，呀潔可以架，我地依邊都冇咩問題，咁你地返黎再一齊打啦」Antonia已經搶住答

之後佢地三個就走左，咁我就望住Antonia問

「做咩你好似好想同佢地一齊打咁既？」我鼓起泡腮問

「冇呀，雖然唔係話好靚仔，但個Andrew都好似好冧你呀，要加以利用呀。」Antonia講

「加以利用？」我問

「你真唔明定假唔明呀？叫你得閒多Ｄ覆人，咁你冇理由係係Whatsapp好活躍，但你真人唔理人，Cool到死架嘛，你真係都要親切多小小，咁Ｄ人咪覺得你真人同Whatsapp一樣囉！」Antonia講

「哦！你識Ｄ野。」我講

「所以你唔好起曬鋼咁啦，就算唔多想理佢，咪笑住咁HEA下佢，之後就可以咁樣打圓場，又唔會hurt到人之外，又可以保住你個形像，所以有時人地真人又好，whatsapp搵你又好，都Nice　Ｄ咁應人就得架喇。」Antonia講

「嗯……」

「咁你Nice Ｄ既，你都容易Ｄ識到人嘛，至於收唔收入伍，再算啦。」Antonia講

「點呀？又想叫人定收兵呀下？」Ada講

「咦！黎左喇？」我問

「係呀，估唔到我遲左小小黎姐，Antonia又開始叫你收兵喇。」Ada講

「哈哈，講下姐。」Antonia講

「喂，快Ｄ過黎繼續打波啦。」Bianca揮手叫我地

「好啦，黎喇。」Ada講完就行左埋去

咁打左幾球之後，突然有個陌生中年男人行左入黎，一身街坊look，頹Ｔ，短褲加踢拖，佢左手插住褲袋，右邊膊頭挨住牆邊企係度，咁我地都係打緊波就冇咩為意啦，我都係係咁咦望一望有邊個入左黎就算。佢既眼神望住我地，就好似未訓醒咁，或者咁講，十足十ＴＢＢ既劇，條友啪左野既樣咁。咁佢就企左係門口度唔知做咩。咁有人入左黎，又係個唔識既，咁我都有小小周身唔自在，之後打打下都久唔久望下佢，咁個中年男人就雙目無神咁望住我地，咁其實望住佢我都有Ｄ唔安樂，覺得佢好奇怪，但見佢又冇咩野做就唔理佢啦。