[新手][ 愛情][排球]那天成為女之後，我的人生不再一樣

咁我地打多兩球之後，Bianca好似見我成日望去門口位，咁就問

「做咩呀？有咩望呀？」

「我覺得門口個人好奇怪。」我行過去Bianca耳邊細細聲講

「唔…….」Bianca聽到我講之後都擰轉左身打量下佢

之後個中年男人就望住我，插係褲袋既左手係上郁動，個動作有小小熟悉……

……

……

……

係打丁呀親。

打丁？！我一諗到佢係打丁，我不其然就後退兩步，點解？一黎條友嘔心，二黎我唔想成身都係佢既精華呀！雖然你地會諗話佢唔係著住褲咩，但難保佢下一秒唔會除低條褲……

我都未諗完，依頭個猥瑣佬就已經將果隻打丁既手係褲袋度抽出，慢慢將佢雙手手指公攝入褲頭，再將條褲拉落黎……

然後全場既人都呆左咁望住佢露鳥，我望一望佢既鳥，唔……其實同以前自己既都好似差唔多，不過老實講，近距離望真野我都係第一次，應該話望第二個人既，仲要係真既同起左機既都係第一次。

跟住佢一望住我地，一邊不忘係度打丁，然後佢就突然慢慢咁跪左係地下，再慢慢咁趴左係地下，當然佢過程中都仲係係度打熙緊丁啦，最後佢趴係地下，一手緊握自己條丁，另一方面下身係度上下抽動。咁依個時候，我地就慢慢行返去拎返起自己既野，拿拿聲就出返去球場，由佢繼續係度屌地啦。

「呀！」我地拎完袋就大叫住跑返出球場，然後Andrew佢地咁岩返到黎

「咦，你地做咩走曬出黎既？」Andrew問

「入…入…入…入…入面有痴線佬呀。」Biance口震震咁講

「下？」Andrew一頭霧水咁問

「入面有個痴線佬係度對住我地打丁。」我解釋比Andrew聽

「跟住打打下丁仲要除埋條褲係度對住個地下抽插呀，頂，好痴線囉。」Antonia補充

「下？！我入去睇下！」Andrew講完就行左入去

跟住Andrew望到之後就打左個電話就鬧條友，條友聽到Andrew鬧佢時都冇咩太大既反應，仲係露住鳥咁同Andrew理論，然後無警察就到，見到果個猥瑣佬露住鳥都即刻叫佢著返條褲先，最後擾攘左一輪之後就被警察帶走左，而目擊事發既我地，都被邀請左去講下大概發生咩事。

最後搞一搞，都搞左成日，已經夜晚，咁大家都冇咩心情，我地就各自散，返屋企喇。

計返應該出到依個位 依幾日我盡快打返小小貨仔先 多謝你地先

支持

講過算數架

過埋依幾日我會正常咁出返文 敬請期待

冇睇一段時間儲落啲貨 啱啱live 左

推推推

肯起你地可以睇睇紙言 我post左d上去架 果d係之前既貨 但應該都盡架喇 過埋依一兩日先出到 thank you大家

加油呀！
Keep住追

喺紙言睇完過黎留個名

Pushx

預告 黎緊星期六/日回復正常

預告 最後決定31號開始回復正常
31 1 3 5 6....咁樣 如期出返 多謝大家期待 另外一個小預告 劇情開始轉入直路 多謝大家睇 31號既文等緊大家 thank you

Live 讀者留名

預告 聽晚強勢回歸

推

35.平行世界

因為岩先打完八強，但離四強既時間仲有，所以Miss今個星期都叫我地休一休息，唔洗操得咁密，所以今個星期都係練兩日波，其餘時間都放比我地抖抖。

咁經過Antonia上次既「悉心指導」，咁我開始都多左同其他撩我講野既人講下野咁，雖然都唔係咁慣，但當係hi bye friend咁吹幾句水都冇壞既，同時都有Ｄ人問下我放學得唔得閒，不過我覺得岩先同你傾左幾句計就要同你出街又好似唔係咁好喎，一陣冇咩野講咪好尷尬，加上都係果個原則，主力了解幾個既原則，其餘既，希望你等到我理你理得多Ｄ啦，嘻嘻。

咁依幾日返學都冇咩特別事發生，都係咁，話咁快去到星期五晚，Aaron話已經買左飛，佢買左１１點幾果一場既那些年，話買早場雖然平，但驚我太攰所以買晏小小，等我訓多陣咁話，嘻嘻，聽落好似幾細心，但慌佢唔係自己都起唔到身，所以先買依個時間咩。

去到星期六，咁我就十點左右就起左身，之後梳一梳洗之後就去換件衫，咁既然係同男仔出街，加上天氣仲未涼，咁我著左件白色既衫，邊位就有要要皺，類似花圍咁，然後著左條遮到大半條大脾既黑裙，加埋對黑色既波鞋就出門口。咁我落左去買左個包食，咁邊食邊行去搭車去戲院。

講起戲院，相信大家都聽講過巴倫紐同凱都兩間戲院，兩間係大西北黎講都係Ｄ比較平既戲院，咁作為學生既我地，當然去睇依Ｄ廉價既戲院啦。老實講，你要求唔高既依兩間真係冇問題架。

咁講返，Aaron今次約我係去凱都度睇，咁我就去到凱都既時候，已經見到Aaron企左係門口等緊我。咁我就慢慢行埋去

「Hello。」我笑一笑講

「Hello呀呀潔，你今日著得好靚。」Aaron講

「邊係呢，嘻。」我答，女仔比人讚佢靚真係會好開心，本身都想化個淡妝，但我都懶，所以最後都係冇

「我買左枝水比你，同埋你食唔食爆谷呀，我依加買。」Aaron問

「呀……」我都未答佢佢已經一枝箭衝左去小食部度

過左一陣佢就拎住左一大盒爆谷返左埋黎

「拿，爆谷呀，可以入場架喇。」Aaron講

「好呀，我幫你拎盒爆谷啦。」我講

「唔洗啦，依Ｄ野等我黎得啦。」Aaron講完，我笑一笑就冇理佢，就同佢行去入場

「飛丫唔該兩位。」職員問

「呀…..」Aaron一手拎住爆谷，另一隻手係度摷下張飛

「你放左係邊呀？我幫你拎喇。」我問

「褲…褲袋銀包入面。」Aaron講

咁我就伸手入佢褲袋拎啦，唔知佢做咩係我伸手入去佢褲袋時震左一震……咁我拎完佢銀包出黎我就搵下，原來佢同Ｄ銀紙一齊放，咁拎左飛出黎之後我就幫佢放返好個銀包，佢講左聲唔該咁我地就行上去喇。

咁我同佢坐低左，佢買左都比較後既位，好彩，都驚佢買左Ｄ前既位睇得好辛苦。跟住佢問我去唔去廁所咁，我叫佢去先，咁佢去完跟住到我，返到黎之後好快就開始喇。

（那些年既野我唔多講喇，想知就自己上youtube睇啦。）

睇完之後Aaron問

「你覺得點？」

「唔……ＯＫ啦。」我答

「你覺唔覺得好可惜？」Aaron再問

「可惜？」我問

「係呀，最後佢地都係唔到一齊。」Aaron講

「都係架，咁都係男主角既問題姐，如果佢識珍惜既，咁就唔會有之後既事發生啦。」我望住個天講

「但亦都有人話，佢地係第二個平行世界入面相聚左。」Aaron講

「平行世界？」我好奇問

「係呀，冇聽過？」Aaron問

「冇呀……」我無奈咁講

「姐係意思其實係另一個相同世界，但就我地現存既世界同果一個世界就一樣，但發生緊既事就唔同。姐係好似戲咁，現實中佢地最後係冇係埋一齊，但平行世界度，就已經一齊左。」Aaron講

「唔……但就係可惜既，有情人未能共諧連理。」我講，突然比Aaron一言驚醒洛克人！

「？做咩呀，諗緊咩呀你？」Aaron問

「冇…」我講

「係呢，咁我地行個圈，再去食Ｄ野？」Aaron問

「可以。」我講，但我心已經係想快Ｄ問Professor Lai野

咁我地一路行，Aaron就一路係度講對套戲既睇法，佢既愛情觀咁，但一早靈魂出竅既我都冇心聽佢講，之後我覺得有Ｄ餓就同Aaron講話不如食小小野先，咁之後我地就去左屯市度搵小小野食，最後我地食吉野家，咁係佢買野食時我都係咁係度諗緊平行世界既事。

「做咩係度發呆呀？」Aaron問

「冇…冇呀。」我講

「買左野食返黎喇，食野先啦。」Aaron講完遞左碗牛肉飯比我

一邊食我就一邊諗，突然Aaron又問

「係呢，不如一陣食完去一去海邊？」

「好…」我講

「慢慢食啦。」Aaron笑笑講

咁食完我同Aaron又再慢慢行，全程都係Aaron佢講野多，我就繼續諗緊我既事，途中Aaron都有問我係唔係攰咁，我都擰擰咁就算。

行左一個鐘左右，去到屯門碼頭個海邊，我地再慢慢行入去，我見到都好多情侶拖住手咁係海邊行，心諗唔知Aaron打咩主意，但我依加又冇咩心情理佢，所以佢想去邊咪去，當陪下佢咁啦。

行到去最出既位置，我地兩個並肩挨左係鐵攔度，吹住海風，過左一陣Aaron問

「Katrina你覺得我點？」

「下？……」我問

「其實我好開心，我約左你咁耐你終於都肯同我出街。」Aaron講

…..

「以前約親你都話單獨唔係咁好，到你有左Patrick依個男朋友，我就更加冇機會。」Aaron再講，我心諗你唔係表白掛，雖然我都知你對我點

「唔……」我講

「但你今次又會同我出黎。」Aaron講

「因為我都想睇下戲既。」我講

「以前約你你都要一大班，依加可以同到你睇，我真係好開心。所以我真係想知我係你心中係點。」Aaron問

「你覺得呢？」我反問返Aaron

「其實我覺得你可以比個機會我地。」Aaron捉住我雙手講

「其實我未Ready。」我輕輕將雙手係佢手中抽中

「我可以等！」Aaron講

「我唔知你會等幾耐。」我擰一擰個身望住個海講

「唔緊要，我點都會等。」Aaron講

「其實你好好，我唔值得你等架。」我講，依刻我唔係話想收兵定點，依刻我係唔想hurt到佢。加上又係friend，如果有咩又會面左左，而且我都未知自己想點，所以講Ｄ無稜兩可既頂住先。

「唔會！你值得架！」Aaron好激動咁講

「點都好，我會等到你覺得合適架！」Aaron再講

「你比起Patrick真係好好多，但希望你明白啦。」我講

「明白！」Aaron講完又望住個海

兩個人咁吹多陣海風，之後我就話攰，想返去，最後Aaron係都堅持要送我返去，咁比佢送到附近我就話到，我自己行上去可以，咁樣Aaron先肯走，最後我就慢慢咁返返上去。

36.詢問

Aaron送左我返去之後，我上到屋企就拿拿聲拎起電話打比Professor Lai

嘟嘟嘟……嘟嘟嘟…

我：喂，Professor Lai，我係上次問你野果個小妹妹呀。

Professor Lai：哦！我記得，你有咩想問呀？

我：想問下你聽日會唔會係大學？

Professor Lai：會呀，你想黎問我？

我：係呀，想問下Professor Lai你幾點有時間？

Professor Lai：隨時，你就到打比我講聲我知就可以。

我：麻煩曬你喇Professor Lai

Professor Lai：聽日見

咁約完Professor Lai，我就Whatsapp同返Joe講我聽日唔得閒先

我：Joe，Sorry呀，我聽日有Ｄ野做黎唔到，或者再約過啦

Joe：Katrina你冇咩事嘛？洗唔洗我黎陪你？我隨時奉陪！

我：唔洗喇，我自己既事

Joe：比我幫下你手啦！

我：真係唔洗喇，我自己可以

Joe：咁好啦，有咩事同我講，我隨時都會黎到幫你

我：多謝你，你真係好

Joe：唔洗客氣，應該既

咁我就打算聽朝起身就去搵Professor Lai，咁我沖個身，好快就訓左。第二朝都早小小起身去大學搵Professor Lai，咁我差唔多到都打一打比Professor Lai講聲。去到等左一陣就見到Professor Lai

「好耐冇見喇小妹妹。」Professor Lai講

「係呀Professor Lai。」我講

「今次你約我係有野問呀？見你約得咁急。」Professor Lai問

「係呀，想問下平行世界既事。」我緊張咁問

「平行世界？」Professor Lai好似好疑惑咁問

「係呀，因為我最近都聽到依個term。」我講

「唔…..咁講，其實我都係最近先聽到有人講依個term。」Professor Lai托托下巴講

「但Professor Lai你點睇？」我問

「點睇…..或者咁講，有人提出依樣野，都未嘗冇佢既道理，如果你問我，顧名思義就係另一個世界，同依個依個世界係成平行線。咁你都知，平行，一係就永遠都唔會同對方有所接觸，一係就兩個互相重疊左。」Professor Lai講

「嗯，係，我數學都學過。」我講

「咁但係有問題，你覺得真係會平行世界？」Professor Lai問

「Sorry，我唔係好明。」我Ｒ曬頭講

「或者咁講，你覺得有冇可能兩個或以上既世界係同一時空上一齊發展？」Professor Lai問

「姐係你指係依個時間，其實可能有兩個相同既世界同時存在？」我問

「係喇，或者咁講，你覺得兩個世界係同一條time line上面？」Professor Lai問

「我唔知道，但又未嘗冇可能。」我低頭講

「但以我既角度睇，未必可以，我唔敢講話唔得，但亦都冇證據顯示係得。For example，一個１Ｌ既樽，有冇可能裝多過１Ｌ既液體？」Professor Lai問

「冇……」我低頭講

「我暫時覺得時間就好似一個地方咁，佢只可以比某個大細既野存在，就好似世界咁，一個世界未必佔得曬，但你又有見過第二個世界出現過？」Professor Lai講

「咁又冇……」我繼續低頭講

「就係咁，所以我覺得你話平行世界同時存在係同一個time line，未必得。」Professor Lai講

「咁如果有其他事發生而令到有通道去，又有冇可能。」我即刻問

「唔排除有咁既可能。如果係既，靈魂交換都唔出奇。」Professor Lai講

「姐係……？」我好奇問

「靈魂交換，姐係好似你咁，同人換左靈魂咁去到第二個世界。」Professor Lai講

「係囉，咁咪姐係有可能開左個通道，去左第二個世界。」我緊張咁講

「或者係，但你有冇諗過以咩形式咁傳送？就咁換靈魂，定點？」Professor Lai反問

「咁又冇……」我低頭講

「如果你問我，我會覺得同輻射原理似。因為輻射冇重量，可以係任何地方以肉眼睇唔到咁傳遞能量同資訊，咁一樣冇重量既野，咪可以輕鬆穿越。」Professor Lai講

「係呀，你講得冇錯，咁既話咪可以解釋到囉！」我講

「但你又有冇聽過靈魂重量？」Professor Lai再問我

我擰頭

「靈魂重量既意思就係你既靈魂有一定重量，有人提出係21g重，亦都有人話靈魂係冇重量。」Professor Lai再講

「咁Professor Lai你覺得邊樣先岩？」我問

「答你唔到，依個世界有好多野我地都係未知。若果係有重量，就同輻射原理有contradiction。」Professor Lai講

「姐係到頭黎都係冇頭緒。」我低頭講

「又唔好咁灰心啦，我覺得，係欠缺一個契機去交換既姐。」Professor Lai拍拍我膊頭講

「Professor Lai……」我失望咁講

「因為提出靈魂重量既人講到，每個人既靈魂重量重21g，若果依樣野成立既，其實靈魂會唔會係一樣可以輕易調動既野黎呢？」Professor Lai講

「點解咁覺得既？Professor Lai」我問

「因為就好似機械咁，既然大家既spec一樣，換一換，又有咩問題？但現實中又冇依樣野發生，會唔會咁我都唔知，但亦會唔會只差一個契機，都唔肯定。z=xy，影響z既value，既係x，亦係y，依加冇野可以顯示到係兩樣野都影響住，定得一樣野影響，或者你等我有多Ｄ頭緒，我再搵你？」Professor Lai講

「好啦，麻煩你喇Professor Lai。」我講

「好啦，咁我送你返出去先啦。下次見喇小妹妹」Professor Lai講

我放埋未放上黎既文係度先 預告 大約1800有文

終於更新