[新手][ 愛情][排球]那天成為女之後，我的人生不再一樣

g持 btw d文可以嘅話出快少少

冇咩貨喇 近排都比較忙 我諗12月尾應該可以出快小小 我盡量

22.友誼賽
做完熱身我地埋去Miss身邊，Miss大概講上戰術就叫我地上去試下。

咁就對面隊開波先，一開波個波就飛左埋黎我度，我一個下手接起個波，個波就岩岩好飛到去Setter度，然後Setter個正面係對住咁我就退後助跑準備，我見到Setter既眼神係望左一望中槌果邊，咁我就知球波多數都唔知係比我，但我照跳，果然，對方既攔網比我呃曬，球波比中槌輕鬆殺落去對面場，得到一分。

「喂，加油呀，對面唔係得一個可以殺波架，留心呀！！」對面隊個Miss拍曬手，對住自己隊咁講

「係！」對面球員齊心咁叫

第二球由我開過去，咁我就企遠小小，深呼吸，然後雙手輕輕將個波拋高，我就向前輕輕跑兩步，一個小跳，用上手將波開過對面場，個波飛得都算快，但就未做到話開到貼網頂平飛，只能做到小飄。波飛到去對面後場既中槌都好穩定咁接起，睇黎對面中槌都唔差。然後個波飛向佢地既setter，佢地前中槌就好快咁跑左上網，我地前場球員見狀都快快跑上去想攔網，但對方setter一手撥個波去我地場，我飛身去接，都只係手指尖hi一hi到個波，救唔起球波。

「Wow！一平！」對方球員大叫

（排球小知識，開波篇：基本上分上下手，咩係下手呢，就係拋高個波，隻手好似枝棍咁打波底，適合細力人士／初學人士使用；上手，顧名思意，將波拋高之後隻手係高過頭既地方一下打過去。同時上手花款較多，可以係企係度就咁打，有小跳，有大跳／俗稱叩球式，唔清楚可以Google下，唔多講喇）

再望一望分牌，係0-2，然後對方球員開左左幾秒之後望到分牌，再問球證……球證示意岩先Setter果一下hi到網，所以我地得分。

「Wow！零二！」我地叫

我地再望向對方球員既樣，真係黑到呢…..

跟住我又再開波，吸收完岩先唔夠平既經驗，我再嘗試稍為將個波開平Ｄ，咁都係企遠小小，深呼吸，然後雙手輕輕將個波拋高，我就向前輕輕跑兩步，一個小跳，用上手將波開過對面場。今次個波又快又咁對住對面前場中間既球員飛去，嚇到佢一手拍開個波，個波就彈左落網再落地，我方再得一分。

0-3

對方球員拍拍頭先失誤果位球員膊頭，然後就擺好姿勢，準備下球。我深呼吸，然後雙手輕輕將個波拋高，我就向前輕輕跑兩步，一個小跳，用上手將波開過對面場，都係成功開到過對面場得分。就係咁一連開左五球之後，球證就吹雞暫停，咁Miss就話我做得好咁，keep住，話一陣開波放鬆Ｄ，stop完再開波好似炒，再同大家講話岩先人地Setter果球我地好大意，叫我地小心打，對手唔強，所以應該更加做返好自己。

「ＸＸ，係！」我地大叫（ＰＳ：相信有打開既人都知，唔知點解係會叫，ＸＸ係自己校／隊名）

哨子聲再響，又係我開波，深呼吸，再黎多個深呼吸，然後雙手輕輕將個波拋高，我就向前輕輕跑兩步，一個小跳，用上手將波開過對面場……個波既速度比頭先更快咁飛，各住後場中槌飛去，佢後退兩步，本來想接既佢突然一個側身，個波係佢身邊飛過再落地……

咇！Out！

「呀…..Sorry，大力左。」我摸摸後腦，唔好意思咁講

「唔緊要呀，下次留意返，埋位下球喇。」Miss大叫

然後我地都打得唔錯，最後以11-25贏左第一局。返去Miss果邊briefing時都係講我地唔好咁斯文，尷尬波要出聲嗌拎咁。休息幾分鐘到第二局，今次到我地開波先，今次就由Antonia開波先。

Antonia既開波方法同我一樣，都係小跳式。同樣地都係平飛波，破壞力都唔弱，成功都開左幾球得分。之後都係因為大力左而out。個波都有來回幾下，但基本上都係我地依一邊得分。我留意到依間中學既中槌防守能力唔錯，好多都係因為有佢而起死回生，但可惜攻擊球員唔爭氣，最後好似劏魚腩咁，9-25成功再贏一場。

打完兩場都已經5點幾，咁大家都埋返自己Miss身邊做返個檢討，講下有咩不足咁。之後Miss都走左，放左我地自由活動喇。

跟住對面學校既人都有過黎同我地傾下計咁，亦都有對面學校既男學生過黎搵下Antonia同我拎下電話，不過我就本身拒絕曬，而Antonia就問佢地做咩要比佢電話佢地，有Ｄ就話做朋友，有Ｄ就話傾下計咁，最後Antonia有冇比曬，咁我就冇留意喇，因為昔日我對Antonia既愛慕，咁講好誇張，昔日我對Antonia既感覺都唔見曬喇。

跟住到走既時候，有一個男既，樣都算ＯＫ，佢居然由學校追到出黎輕鐵站問我拎電話，咁我見佢咁有誠意，咪比個電話號碼佢啦，至於真唔真……我又未去到咁衰既，其實有男既追，都未嘗唔係一件好事丫，唔係咩？

開始收兵

睇埋落去先

開始接受比人溝啦

都係果句 繼續睇落去先啦巴打

加速

暫定下個月中尾會加速 因為近排都比較忙 都係keep住一兩日先打到一篇

中鎚
打左十年排球多數聽到人叫中間/副攻

可能人人叫法唔同 我學校d人係咁叫 出面就叫2.5多

23.大學Info Day
跟住之後既返學日子都係比較平淡，同埋都係放學練下波咁，我地下場八強賽就係十月十五號，時間唔錯，一黎八號可以去一間大學問下個天文現象，二黎多小小時間練波。

咁好快就去到十月八號，果次個我變返男既怪夢之後都冇再發過Ｄ咩怪夢喇。咁我今朝起左身，沖返個涼，慢慢揀返套衫先，套套都好似唔係咁好，最後我用左半個鐘先揀到一套衫黎著。我揀左件白色薄衫襯左條灰色既短裙，襯埋白色波鞋之後就落去樓下巴士打算搵Desmond。Desmond佢好似早就到左，咁佢見到我都即刻狗衝左過黎，

「Hello Katrina，好耐冇見，你今日著得好靚。」佢面紅紅咁講

「呃……多謝，都唔係好靚姐。」估唔到我遲左三個字佢都冇嬲

「唔係呀，你本身都好靚。」佢愈講愈細聲

「下？你讚我呀？」我奸一奸笑

「咁事實唔怕講嘛。」佢愈講面愈紅

「行啦，仲講。」我講完之後帶頭行去排隊搭車

無耐就開車，咁我地坐左上樓上，佢比左個窗口位我坐，咁我都係望風景多，期間有時都係瞍一瞍佢係度做緊咩，見佢雙手揸實，成個人硬曬好緊張咁。

「你做咩呀？」我問

「下下下？冇呀，諗緊野呀。」佢口窒窒咁講

「緊張就緊張啦，咪扮啦，最憎人扮曬野架喇。」我講

「下…..咁我都係第一次同女仔出街，仲要係靚女喎，點會唔緊張？」佢口震震咁講

「係唔係真事呀？真係一次都冇咩？」我問

「係呀，點會有呀？好小女中意天文野咁，可能我識既唔多啦，女既最中意就係星座，你問我咩座點睇我就大概知，但咩星座係點點點我就真係唔知喇。」佢講

「冇啦啦又扯到去星座既？你呀，多Ｄ搵女仔出下街啦，你咁既樣，係女都食住你啦。」我講講下都掩住嘴笑

「下……」佢頭dup dup，紅都面曬咁

「你唔好比人講兩下就面紅啦，你平時對住你Ｄ朋友係唔係都係咁架？」我疑惑咁問

「我都冇咩朋友既。」佢講

「冇朋友，咪去識囉，你唔好咁毒，執執個Look，其實一定會識到人，你自己都放棄你自己既時候，又有邊個幫你呀？」我講

「知道！」佢聽完我講，佢對眼好似著左火咁好有heart想改變咁

咁講講下，轉埋車，我地都到左大學喇。咁佢就帶左我上物理系果邊，佢再講話香港就好似唔多覺天文系，所以就搵Ｄ物理學教授問下睇下。

咁佢搵下問下，最後帶左我去到物理系，但因為時間仲早，咁professor都係度介紹緊自己既學系，都好小有時間理我地。咁佢話坐低聽下佢講完個學科之後再落去問。

咁聽完個Professor講完個學系讀咩，收生點之後，都有Ｄ人圍住個Professor，咁我地等多陣之後，最後我地先行埋去問。

「唔好意思呀，想問下Professor你對天文學有冇研究？」Desmond問

「依樣唔係我Major，你有興趣傾下既，不如我搵我同事同你地傾下？」Professor講

「好呀！」我同Desmond異口同聲講

「Wow！睇黎你地真係好有興趣喎。」Professor講

之後Professor就帶左我地去個房入面，叫我地坐低等，佢去睇下佢個同事係唔係度。

過左一個字左右，Professor帶住一個大約五十幾歲既人入黎，

「依位黎教授，Professor Lai，咁我就交Professor Lai比你地兩位喇。」Professor講

「Professor Lai你好。」我同Desmond講

「你好。」Professor Lai講

咁之後帶Professor Lai黎果位Professor就走左，

「兩位搵我係唔係有Ｄ咩想傾下咁？」Professor Lai問

「其實Professor Lai你對岩岩過左既中秋果個天文現象有咩Comment？」我問

「果個天文現象係百年落得一遇架，小妹妹你有睇？」Professor Lai問

「其實我係錯過左，都係我身邊依一位朋友同我講返先知，都係有一Ｄ事之後我先特別對依一個天文現象感興趣。」我講

「唔……一Ｄ事？」Professor Lai望一望我

「Er……」我望一望Desmond，然後Desmond都好識做咁行左出去，依刻我覺得Desmond都係一個幾醒既人，係可惜樣太毒，格更毒既人，唔善於同人交際姐。

「佢出左去喇，你係唔係有咩想講？」Professor Lai問

「Er……其實我咁講好似好天馬行空，唔知Professor Lai你會唔會覺得每個天文現象都有不可思議既力量呢？」我問

「唔……老實講，唔多唔少我覺得係有。雖然現代科學證明到好多野，但同時間，有Ｄ野係科學上都未證實到。就好似耶教徒講既一句『上帝創造一切』，係科學上覺得，所有時係自然自己由唔同元素，或者物質所組成。」Professor Lai講

「嗯……」我係度聽

「想問下你有冇聽過宇宙既形成？」Professor Lai問

「都有，好似話本身話係由一個高熱高密度既野，爆炸膨脹成依加依一個宇宙。」我講

「係喇，基本上都係咁，咁我比一樣野你睇睇。」Professor Lai講完，拎枝筆放左係枱面，枝筆過左兩三秒就跌低左

「你睇到Ｄ咩呀？」Professor Lai問

「……唔好意思，我睇到枝筆跌低左。」我Ｒ曬頭咁講

「咁你諗到Ｄ咩？」Professor Lai再問

我心諗我真係Ｒ撚曬頭啦，咁都有野諗到？

「哈哈，見你咁疑惑，問你樣野，你覺得枝筆點解會跌？」Professor Lai問

「因為你地球既Gravity，加上因為你放枝筆時枝筆支撐點太細，容易令到枝筆既Centre of Gravity離開個支撐點，姐係個Base，所以令到枝筆跌。」我講

「唔……用物理既角度睇都岩。唔緊要，不如我比樣野你諗下，其實有冇諗過點解枝無啦啦會跌？」Professor Lai問

「下？！……因為你放枝筆？」我講

「Exactly！冇錯喇，就係我放枝筆，因為我有做過依個動作，枝筆先會因為地心吸力而跌，如果我唔咁做佢唔會跌架嘛，係唔係？」Professor Lai講

「係呀……」我講，但我仲唔明佢想講咩

「就係咁，所有野都要有因有果，咁有冇諗過點解宇宙會突然爆炸膨脹？」Professor Lai問

「！！！」果然一言驚醒洛克人

「睇黎你都好似已經諗到Ｄ野喇喎，點解耶教徒覺得自己係岩，因為就連科學家以前都未有一個合理既解釋同證明到，因為咩事而導致宇宙爆炸膨脹，所以佢地就會咁。而講咁多野我係想講，點解我會相信唔多唔小都會有不可思議力量呢，就正正因為咁。」Professor Lai講

「但小妹妹你應該唔會單單想問我依樣野架喎。」Professor Lai問

「共實就咁既…….我想問既係，會唔會因為天文現象而變性？」我好尷尬咁問

「下？！咁樣唔符合科學喎。」Professor Lai比我嚇親

「咁可能就因為不可思議力量呢？果晚仲要有雷暴。」我講

「咁你既情況係點？」Professor Lai問

於是我就一五一十咁講我原先係男，之後遇到咩再變成咁，依度既人唔知我原先係男既事都講曬比佢知。

「唔……你相唔相信有另一個世界？」Professor Lai問

「我依加覺得有咁既可能，點會因為一晚，個個由對我既認知係男既都變曬做女？」我講

「依樣野我就比唔到答案你，真係So Sorry，但如果真係依度係另一世界，而又需要天文現象同雷既話，我相信你都幾難返到去原來世界。小妹妹，我覺得，既來之，則安之，咁樣唔一定係一件壞事黎，我都有野做，我留我枱頭電話比你，有咩可以再搵我傾傾，我樂意既。」Professor Lai講完，寫低左佢電話比我就走左

個Professor以為青山走犯

咁下章可以完喇喎

遲咗留名

個故好好睇,係我鐘意嘅類型,不過好多錯別字要執吓,btw加油

錯別字真係sorry 因為打完都冇時間去睇返 有時間既我都會盡量執返好 sorry各位

24.護花？
之後我就同Professor Lai一齊行出房，然後Professor Lai同我say個bye之後就走左，然後就同Desmond走圍行下，佢問我遲Ｄ想讀咩科，老實講，其實我都未諗過，自問成績中規中矩，都唔知可唔可以讀到大學，如果真係要揀既都會係理科架喇，所以我都同佢講話會讀理科。佢就話我到時一定好多人追，我笑一笑就冇理佢果一句。

我地就係大學度周圍咁兜下，睇下其他Booth咁。行左大半日之後，我就話不如走喇，要睇既都睇曬。佢話好，仲問我今晚得唔得閒，咁其實我有邊日係唔得閒丫？既然都同佢出開黎，咪同佢食埋個晚飯啦，之後我就帶左佢出ＭＫ行。

同佢行下旺中，我見到Ｄ女裝衫都會行埋去睇下，都會拎上身度下，仲有時問下佢覺得點？佢睇到眼都唔眨，係咁話好，真係笑死我。最後我都冇買到，一黎冇錢啦，二黎都可能冇位擺，所以就算喇。

之後去到朗豪坊行下，都係一Ｄ既貴價化妝品同衫，我都係行行先諗起，之前係櫃入面既耳環唔多，而我一直都幾想戴下耳環，所以就去左睇耳環。

我入到鋪入面，慢慢睇，最後拎左幾對上手睇下，發覺都唔錯，但都係一Ｄ穿耳式，然後我撥撥頭髮望下自己個耳窿，好似都埋左口咁，然後個職員話

「妹妹，你耳窿都埋口咁制喇喎，你買依隻就要再釘返架，但就免費既，睇岩就幫你釘埋。」

「唔…..會唔會好痛架？」我問

「唔會架，啪一聲就得，你都穿過啦，上次痛唔痛呀？」職員講

「Er……都痛痛地架。」我心諗上次都唔係我釘，我點知

「唔……佢手勢差Ｄ喎咁，唔緊要，包你唔痛。」職員講

「好啦，咁要依對啦。」我拎位一對耳環，果一對唔係好大，細細粒，然後吊住一條幼幼既金屬小柱，因為以前既我都覺得依款唔錯，之後穿埋比錢就走喇。

然後一邊行，都見到Desmond成日都偷偷望過黎，當我望佢時佢又擰返埋一面扮野，我都覺得好好笑。

「其實你想望咪望囉，斯斯縮縮咁做咩。」我嘟長個嘴講

「下？！咁又唔係咁好……」佢又面紅紅咁講

「唉，你望就大方Ｄ望啦，縮下縮下其實咪仲嘔心仲痴線。」我講

比我講完佢又真係望住我眼都唔眨咁，我又話

「喂呀，洗唔洗望到眼都唔眨呀？」我身烏一烏後講

「又係你話叫我大方Ｄ望既。」佢頭dup dup咁講

「唉，姐係叫你望就望住，但適可而止呀。唔係叫你望實呀。」我拍拍佢額頭講

「哦…..」佢繼續dup dup咁講

唉，佢咁樣，點樣追到女架。明明其他位都算醒目，但對住女既時候好似傻左咁，唔掂唔掂。

之後就同佢去左某café食野，佢話佢第一次食，老實講我都係之前一大班人食過一兩次架咋，咁我睇下有咩好食，之後是但叫左小小咁啦，因為做左女仔之後都細食左，會食唔曬。

咁野食好快就黎到，食飽之後我地就去左搭巴士返去，到上左車之後，佢都係讓左窗口位比我坐，行左成日既關係，我搭車時候都係度釣魚……

……

……

……

「喂，起身喇，到喇。」一把男聲講

「……」我慢慢睜開眼睇

「呀！」我叫左出黎，落緊車既人都望左過黎，之後我都say個Sorry咁，Ｄ人繼續落車

「見你訓得咁舒服所以冇叫你。」Desmond講

「呀…..Sorry，訓左落你度，仲流曬口水。」我唔好意思咁講

「唔緊要，落車喇。」Desmond講

「嗯……」

然後就同佢落車，之後佢堅持話要送我返去，話因為都夜，但我就拒絕左，話好近唔會有咩危險，多謝完佢陪左我一日之後我就轉身走左。

咁行行下，行到球場時，有三個金毛ＭＫ坐左係一邊飲酒一邊食煙，有講有笑咁。當我行到門口位，三個ＭＫ見到我之後，就大叫

「靚女，入黎一齊飲丫！」ＭＫＡ講

咁我聽到當然快快腳咁行啦，依個時候果兩個ＭＫ跑左出黎，之後當我諗住跑走時，第三個ＭＫ原來係球場另一邊跑左出黎截住左我前方去路，然後就一前兩後咁包抄住我，我望左一望，左邊係石屎牆走唔到，當我望向右邊，想由右邊走時，後面其中一個ＭＫ一個箭步跑左上黎封埋我去逃走路線。之後笑淫淫咁向我走近，之後我比佢地逼埋石屎牆度，依個時候我真係好驚，好驚佢地唔知會對我點。

之後我想大叫時，ＭＫＢ就衝上黎一掩住我個口，再捉住我一隻手放係我背脊，而ＭＫＡ見到都上黎將我另一隻手壓係我背脊，ＭＫＣ見到我咁樣之後就好興奮，搓搓自己雙手就摸摸我塊面

「嘩，靚女塊面係真係唔同Ｄ，可以滑成咁，唔知其他地方會係有咩感覺呢。」

ＭＫＣ講完之後開始由我塊面，摸落去我條頸度，然後ＭＫＣ隻手繼續順住咁摸落黎，係我對波既中間滑過，之後一手揸左落黎，仲要係度搓，搓到我真係好痛，因為佢真係好大力咁揸。

「唔…..唔…..」我比ＭＫＢ掩住個口出唔到聲叫，只可以「唔唔」咁發出聲音。

跟住ＭＫＣ揸得興奮既同時，我留意到佢下身已經搭左個小帳篷，我依刻真係好驚，一黎咁樣比人壓住都已經夠驚，加上我依加係一個真真正正既女仔，如果咁樣比佢地女女女左，我真係唔知之後點見人。係又驚又無助既情況下，我真係忍唔住喊左出黎，佢地見到我喊既時候好似仲興奮。我依唔單止好驚，仲覺得世上既男人真係好猥瑣，個腦只係識得搞女，Ｄ男真係好乞人憎。

然後ＭＫＣ見到咁，就一下抽起左我件衫，因為我雙手比人壓住係背脊，佢就只可以將我既衫尾掛係我北半球上面，然後三個人就圍住望住我對豐滿既山丘，正當ＭＫＣ想伸手將我個Bra扯落黎既時候……

「警察咪郁！」

三個ＭＫ連我都望去同一方向，原來有五個警察係度，然後果三個ＭＫ先放開我，雙手舉起。當警察慢慢行近時，佢地就即刻轉身走，然後有三個警察就去追，有個女警就過左黎攬住左我，係咁話冇事喇唔洗驚，我就係果個女警懷中係咁喊係咁喊，喊左唔知幾耐之後，我先肯收聲。

「冇事喇妹妹。」女警講

「嗯……」我抹抹眼淚，再索下鼻水

「好彩你有個朋友幫你報警咋。」女警講

然後我望望另一個警察同緊一個人講野，原來係Desmond，原來係佢幫我報左警，今次真係多謝佢。跟住我見Desmond好似比個警察問完野之後，我就行去講左聲多謝，佢就話好彩我唔放心過黎望下，唔係真係不堪設想。之後問Desmond果個警察問我心情平伏Ｄ未，叫我去警署錄返個口供先咁，之後我就跟左Ｄ警察去左警署。

有冇5個警察咁多呀...

咁岩姐

巴打加油
畢咗業幾年睇返好有中學嘅感覺

多謝 我都畢左業幾年喇 依加諗返都以懷念 比起返工 悶還悶但係開心唔算辛苦

25.Desmond的心意
之後去到警署時，就請左我入間房入面話錄口供，咁都係問返我去左邊，做咩野，點會經過果度咁上下，又問我出黎指證佢地肯唔肯咁？雖然我真係好驚，但我一定會出黎指證佢地！

錄錄下口供就有一個叩門入黎話捉到人，之後同我講人捉到咁，錄完叫我簽個名就走，到時會聯絡我。

一出房，原來Desmond佢都錄完，佢係過兩間房度錄。之後我Desmond行左埋黎

「Katrina，你冇咩嘛？」

「冇……返去喇。」我冇表情講

「送你？」Desmond問

「嗯……」我都由佢送，費事又再奶野啦

咁準備走時，果先攬住我果個女警就話

「伍小姐，你真係好勇敢，加油！」

「嗯…..我會指證佢地，等其他女仔唔會受害！」我講

「我地都多謝你肯指證佢地，好啦，唔阻你同你男朋友仔喇。」女警講完就走左

然後Desmond就跟住我後面一齊走。咁一路行我一路諗，成件事都好奇怪，點解係Desmond叫警察黎而唔係佢上前救我？咁一直行，行到去輕鐵站時Desmond都冇出聲，於是我就問

「做咩你唔出聲？」

「下……Er……」Desmond口窒窒咁

「其實你頭先係唔係睇得好開心？」我擰轉身問佢

「下……唔係呀，我……我……我……」Desmond口窒窒講

「答我呀！係唔係你都想好似佢地咁樣呀？」我愈講愈激動

「唔係呀你唔誤會喇，如果我衝左過黎，而又唔夠佢地打，仲點樣救你？」Desmond好緊張咁講

我諗諗下佢又錯唔曬，真係佢都比人打低埋咪ＧＧ，咁我又覺得佢都未衰曬，但諗到自己頭先差Ｄ比人搞時佢又冇出黎幫手果下，又真係忟忟地，所以最後佢送我返去既全程都冇咩出過聲。

到差唔多返到去樓下既時候，其實我條氣都比起頭先順返好多，都有諗過唔係佢我都比佢地女女女左。

「頭先Sorry呀，係我語氣重左，唔係你我都唔知點。」我講

「唔係既，我都有唔好，應該報完警再幫你既。」Desmond講

「算啦，你都係好心姐，但今日既事我唔想你同人講。」我講

「一定唔會，我會自動Delete，但今日陪你既記憶我係唔會Delete。」Desmond講

「下？！你講咩？」我問

「Katrina，可唔可以講我聽你叫咩名？」Desmond問

「冇啦啦做咩問人個名？」我好疑惑問

「因為都識左你一排，但我都仲未知你全名，其實我真係好想知，頭先聽個女警講你伍小姐，想問下你叫咩名？」Desmond講

「其實咪又係一個名，真係咁執著要知道咩？重要咩？」我問Desmond

「咁一個名真係咁重要咩？點解要唔肯講我知？」Desmond問

的確佢咁講我真係駁佢吾刀，我諗左一諗，算啦，又唔係咩秘密

「我叫伍潔瑤，英文名就係Katrina。」我講

「呀瑤……個名都唔錯呀。」Desmond講

「咪又係女仔名一個，都冇咩意思既。」我講

「就算有冇意思，對我黎講都係好有意思。」Desmond講講下面都紅埋

「下？！咪玩啦，咩好有意思呀？」我講，其實你估我唔知佢中意我咩

「因為我第一下見到你，就好似見到天使下凡咁，真係好正好氣質。你知唔知我見到你既第一下，我已經係認定左係你架喇？呀瑤！」Desmond講

「Er…..你想叫我中文名都係叫我呀潔啦，冇人叫我呀瑤架……另外呢，你講真架？」我一副詫異既樣問

「係呀，我真係好中意你架！」Desmond講

「咪玩啦，同你識左一個月都冇，又有幾中意我呀？同埋，你知我係個咩人咩？」我問

「咁感情可以培養既姐，可以慢慢再認識架，係唔係先？」Desmond問

「老實講，唔係話你唔好，其實有個問題困擾住我，我唔想拍拖住。」我講

「有咩問題咪一齊去解決囉，有咩唔可以一齊面對？」Desmond問

「唔好玩啦，我真係唔想拍拖住，我真係唔想拖住你，你搵過個啦。加上我自己既問題都未解決到，我唔想將個問題，搵其他人一齊同我解決。」我講

「你可以講出黎一齊諗架。」Desmond講

佢講完我地都靜左，之後都行到樓下

「Sorry，個問題我自己會解決，你係個好男仔，我諗有人更加適合你既。」我講完之後就轉身

「我到喇，今日唔該曬你。」我再講，然後就推門入去，跟住我聽到Desmond大叫

「呀潔，無論問題再難解決，我都會同你一齊去解決架，我永遠都會係你身邊去等你架，有咩事都可以同我講架，我等你。」

我聽到之後就擰轉頭望一望佢，佢舉起佢既手指公，我望完之後就擰轉頭望返前面，然後入Lift。我心諗，點解我會有小小感動？點解……？再諗，如果你知我本身係男，你仲會唔會對我咁有興趣？男人呀男人，你應該都係想同我合體姐。

今日早小小出 晏小小唔得閒