[新手][ 愛情][排球]那天成為女之後,我的人生不再一樣

506 回覆
43 Like 7 Dislike
2018-11-01 19:28:09
戴返頭盔先 始終新手故 故既表達我有時可能用對話交代比較多 想讀書投入返做返主角 如果大家覺得唔好既真係sorry
2018-11-02 00:25:33
訓前一推 希望多d人睇到 聽晚會出文
2018-11-02 10:00:07
今晚會有文 有冇人睇緊
2018-11-02 10:48:16
留精不留名
2018-11-02 11:12:21
咁要留多幾督喇清
2018-11-02 11:12:51
重甜未
2018-11-02 11:16:09
睇黎巴打好想重甜咁喎
2018-11-02 11:17:34
加油啦
2018-11-02 11:25:21
諗緊你依句既意思係加油寫重甜定點 係唔係我太多心
2018-11-02 11:26:12
不過講起 你地想我一三五出 定二四六日咁出?
2018-11-02 11:29:02
Why not both
2018-11-02 11:29:12
1234567
2018-11-02 11:35:41
重甜就未必喇 唔通日日比人食咩 如果想要既可以加小小既 重就好難 同埋可以講定就係未咁快有住 個故事進度前面係未有位加住
2018-11-02 11:36:15
難d喎 咁樣下星期就出曬d貨架喇喎 拖文死老母架
2018-11-02 11:37:20
係唔係要改個post名做 真·女神轉生 d人先會入黎睇
2018-11-02 17:27:30
走甜 純愛唔該
2018-11-02 17:50:52
其實到依加都未寫到有甜位 唔洗驚 得dd咁多 可以放心
另外 多謝你睇 希望你繼續睇落去
2018-11-02 22:17:36
準備出文
2018-11-02 22:18:59
第二章:校園生活
6.上學1
我就係咁諗諗下既時候,呀媽就走左入黎。

「點呀?冇咩嘛?」呀媽問

「冇呀,好返好多喇。」

「你呀,做咩自從入左院之後好似怪怪地咁既?」呀媽問

「邊係呢,係你成日覺得我怪先會咁,冇野架。」我沒氣咁講

「希望係咁啦,見你神不守舍,好多野諗咁。仲要走去……嗚嗚……」呀媽講講下就喊起上黎

咁我又好難同我呀媽講話我本身係佢個仔,就算講左佢都唔信啦係唔係先?

「冇野喇,係我一時唔識諗,我以後都唔會咁做架喇,呀媽放心啦。我以後都會做返你既乖乖女。」我攬住呀媽咁講

「有……有咩事都……都……都要……嗚……嗚……都要同呀媽講呀!」呀媽繼續喊住咁同我講 

「係啦。你個女今日開始再唔係傻女,係乖女喇,放心啦。」我邊講邊拍拍呀媽背脊,希望佢收到啦

無耐呀媽都行返出去,我就係度諗,唔知聽日返學會係點呢?我依刻就係度諗,成件事都好奇怪,因為呀爸呀媽就係我本身既呀爸同呀媽,而且學校同班都一樣,但問題就係……Ada同Bianca,我印象中好似冇依兩個人出現過咁,定我唔記得呢,我都唔知,算啦。就係咁,我諗諗下野就咁樣訓著左……

「唔好啦,我唔想住呀……」一把甜美既聲音講

「唔緊要啦,我愛你嘛。」一把男聲講

然後我突然感覺到我下面好似隻手摸左一下!我就嚇親彈左起身……有D雀叫聲,我再望望周圍,係自己間房,冇人入黎喎。唉,又發埋曬D奇怪既夢……再望望個鐘,都差唔多七點喇,咁我就決定早D起身喇。

咁去廁所時,我到依加都未係好慣,因為習慣左係男仔咁,拎條J出黎就咁就可以,依加成日都會行到入去就想拎條J,但一拎……發現下面係除左D毛之外就咩都冇,所以最後都係放低塊廁所板,坐係度去。仲要每次去完都要抹抹,都咪話唔煩。

去完個廁所之後,我就會刷牙洗頭。但洗完我就後悔喇,好簡單,濕左既長髮係有排先吹得乾,所以我吹到一半既時候就已經就黎遲到,我就拿拿聲返入房拎校服。但問題就黎喇,校服放係……邊?但我諗諗,反正依度既野同我以前差唔多,我二話不說咁打開個衣櫃。果然,套校服就係放左係我平時放校服既衣櫃入面,我就拎套校服出黎,拿拿聲就著起佢。

我發覺著起套校服之後,下身係好似咩都冇咁,除左條底之外,就咩都冇喇,除左有種清涼既感覺,仲有種隨時走光既感覺。最後我就咩都唔理,「咩」埋書包出去就著緊鞋時,但咁岩今日呀媽放假,佢行到出廳時見到我咁就被佢叫住……

「女,你個頭未乾喎。」呀媽講

「係呀,趕時間,再唔出門口就遲到架喇!」我心急咁講

「唔得架,要吹乾個頭架,唔係會頭痛架!」

然後我就死死地氣就去吹返乾個頭,吹完既時候我呀媽就講

「你平時朝早都唔洗頭架,做咩今日會洗頭既,你以前話朝早洗頭會趕唔切架。」

「呀呀呀…….因為唔知點解個頭好似有D痕咁,咪走去洗洗囉……哈哈」我求其敷衍下咁講

「唉,下次因住時間啦,你依加頭髮都未紮好呀,快D喇。」呀媽沒氣咁講

「仲有呀,你條打底褲呢?」呀媽好疑惑咁問

「下?!」

「你平時都會著架,你話唔著走光會比人睇蝕架嘛。」呀媽繼續講

「哦……岩岩搵完唔多覺眼呀。」

「我幫你搵下啦,你快D吹返乾個頭先啦。」

「係喇。」我答

咁呀媽講完,我吹完之後就打算紮頭髮喇,但我諗諗下,橡筋呢?

「係呢,我條橡筋呢?」我問

「下,你枱面冇咩?」呀媽嚇一嚇咁講

「我睇睇先。」我就急急腳衝入房睇

我望望下,我都未認真睇過間房入面有咩。雖則話大同小異,但始終男女有別,放既野應該唔同。咁我於是就拉我書枱個櫃筒出黎睇睇。果然,原來放雜物既櫃筒,都放好左一D既飾物同橡筋,於是我就拎左一條出黎想紮,問題就黎喇……點紮?咁我因為唔識紮,咪求其試下囉,一舉起雙手準備紮既時候,呀媽就行入黎,佢突然講左句

「呀女,你返到黎之後真係有D怪喎。」

「點解既?」我反問

「你點解唔戴Bra既?」呀媽就問

跟住我就向下望,因為我都頗豐滿,所以成對波都緊緊貼住左件校服,唔單些成個波形都走左出黎,因為冇戴Bra既關係,直頭釘都飛埋。

「呀……未訓醒,依加戴返……」我無奈咁講

「快D呀,Bra唔可以唔戴架。同埋條打底放左係你床上面,記得著埋。」

「係……」

當我除返低條校裙,嘗試下戴Bra時,我發覺其實都唔易戴,要雙手反去背脊度扣個扣,冇經驗既我扣左幾分鐘先扣到。之後再整理一下個Bra既位置,發覺其實會勒住,唔係咁舒服。之後著返條校裙同打底褲就拿拿聲出去喇。

出到去我就扮曬野問

「係呢呀媽,你覺得點紮頭髮先最好?」

「下?以前咪教過你,你做咩依加又問返?」呀媽好奇咁問

「無,想重溫下姐。」

雖然呀媽覺得有D奇怪,但都行左去我後面,捉住左我對手再教多我一次。我大概掌握到點紮之後,我就拿拿聲著鞋返學,臨出門前呀媽叮囑我唔去咁夜返,我敷衍答左一兩句就拿拿聲返學喇,因為其實搞一搞,望一望個鐘,都成八點一喇,已經遲左到。
2018-11-02 22:34:12
我睇返我一開始原來打漏左d野
2018-11-02 23:42:36
7.上學2
落到樓下既輕鐵站,都已經八點三,因為個個都返曬學既關係,成個站除左我一個學生外,都係D要返工既港奴。都正常既,如果學生遲到既話,
我諗都會去左食埋個早餐先啦。

當我企係度等緊車既時候,我發覺D男既行過都會望住眼金金咁望住我幾秒,我心諗毒撚有咩好望?

諗諗下,唔係喎!我依加係一個靚女黎架喎!咁樣比人望住,除左有D唔好意思之外,我居然覺得….有D爽?!點解?可能因為我毒撚格,比人望下都會怕醜,但同時因為我係一個靚女而比人望覺得幾爽。

好快架車就黎到,咁一如以往我都係企係車尾,因為貪車尾個位可以比我挨住嘛。然後岩先企我右邊果個毒撚就跟住我一齊,企左係後面挨住。有搭過輕鐵既人都知,輕鐵車尾個位係可能挨,加上仲可以係車尾位望返出去窗出面,所以我成日都會企係車尾。咁我就冇理到佢,我就挨埋左一邊望住窗出面既風景。望望下,我就好似見到有個身邊愈企就愈埋,於是我就擰頭望下。

過左無耐,我就發覺點解我隔離有個黑影既?於是我就擰個頭去望,一望……係個毒撚望住我對腳,望到眼都唔眨。唔知點解我依刻覺得有D嘔心,可能因為係比毒撚望?唔知啦,咁我都忍唔住講

「你……你望完未……」無錯,我講時係毫無覇氣,仲要愈講愈細聲。

「呀!Sorry……我無心架。」個毒撚紅都面曬咁講,然後手摸後腦咁縮返去

於是我扁一扁嘴,就望返出窗外既風景。無耐我就瞍(應該聽過,眼尾瞍到D野,唔知大家明唔明喇。簡單講,望到囉!)到個毒撚拎左個電話出黎……不過佢就唔係偷拍,而係開左新增聯絡人果一版出黎,仲要係度手指公捽手指公咁,我心諗唔係想抄牌掛?但我見架車準備埋站,我一於小理,架車一開門時我就一個箭步咁衝左出車。

我萬萬都估唔到毒撚既威力係如此可怕,佢居然跟埋我出車,之後仲企左係我前面擋住我,拎部手機問話

「唔好意思呀,介唔介意比你電話我呀?」佢紅都面曬咁問

然後我就諗左一諗……我唔係諗比唔比佢,而係諗緊…….我電話號碼幾多號!因為我依兩日都冇諗過依個問題。

「Er……Er……都係諗住同你做個朋友咁姐。」個毒撚再講

其實我真係一D都唔想比電話佢,一黎覺得個毒撚真係毒到出汁,二黎我仲係個直男,唔會對個男有興趣。可能你地會話,既然你話你係直男,咁男男做朋友有咩問題?因為我未覺得同佢可以做到朋友。

既然係咁我就反客為主咁拎自己部電話出黎,就話

「不如你比你電話我?」我問

「好呀好呀!」個毒撚聽到之後好似痴左線咁,好似隻流口水連登狗咁

之後佢比左佢個電話我之後,仲set埋自己個名就話「記得搵我」之後,就好開心咁走左。咁我都明既,拎到靚女電話,都好難唔開心既。

比個毒撚搞一搞,又遲多一個字,唉。咁我就急急腳咁行返去學校。

去到學校門口,我就禁一禁個門鐘等佢開門。開左門入到去之後,門口個校工就話「校防署記名先好上去呀」,然後我一聲唔該同點點頭就行左去校務署。

入到去之後個書記揭開本黑色既簿就話「寫返你個名,班,學號,然後寫埋你左邊果張紙仔,上去二樓搵訓導。」冇錯,我地學校有個好過癮既玩法,當你遲到,係唔會比你咁輕易過到骨。咁我地學校係有早會,如果你遲過早會返到的話,係要上去搵訓導比佢鞭屍。

你地可能會奇問,點解我會咁清楚?因為我係男仔果時有時都會遲到,就係咁簡單。

咁我填……又有另一個問題,學號係…..?係我有疑問既時候,我醒起枱下面有每班既人名表,於是我就拎左一張係拎搵。伍……伍……伍……伍……伍……呀!搵到,咁我填完之後我就拎埋張紙仔上去。

我行緊上去既時候,我突然諗起岩岩先搵學號果時望到既野……就係點解班D人既人名同我以前係男既時候係一樣……?
2018-11-02 23:44:14
公佈
新出文時間:星期二四六日晚十點
第一章既變身有bug 已係紙言除左bug 我深感抱歉 所以出多篇比大家 thank you有睇過既巴打
2018-11-03 01:19:26
2018-11-03 11:36:29
紙言會係夜晚更新
2018-11-03 11:37:03
紙言
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞