Invisalign箍牙中大伏，唔好亂磨牙縫！

本身牙齒唔亂但上排有隻牙凹左入去，所以想箍牙。本身想剝四隻身箍鋼線，點知好衰唔衰去左有學生discount嘅連鎖牙科診所諗住剝，佢就話我唔洗剝，箍invisalign磨牙就得，仲有學生discount平好多。因為屋企人又唔想我剝牙，就揀左invisalign，然後惡夢就開始了。我個case係幾乎全部牙縫磨0.5mm, 但個牙醫講到一定無問題，開頭就無擔心。夷家啲牙縫俾佢磨到有啲大有啲細，仲要好唔平滑，咁都算，但有一隻下排門牙佢磨多左好多，夷家門牙一大一細。都怪我無做夠research, 原來磨牙縫壞處好多，因為磨牙基本上係free hand, 好有可能磨歪，磨多左少左，同埋破壞左牙齒表面，之後會更容易有牙漬、敏感牙齒同蛀牙。再者原來0.5mm係多，仲要磨咁多隻，另外我個嘴其實突，啲牙又有少少哨，根本應該剝牙，但佢話我唔係，仲要上次覆診佢又再磨。仲要明明invisalign會send有剝牙同磨牙嘅模擬，但佢淨係俾左我睇磨牙，夷家諗番起佢應該係想最快又唔洗煩就賺到呢幾萬蚊，好後悔無去專科箍。夷家諗住再consult問下另一個牙醫我應唔應該再剝牙轉鋼線重練，同埋有無辦法補番隻門牙。

開呢個Post嘅原因係想問會唔會有人有類似經驗，補過牙縫，或者箍完invisalign失敗要再箍番鋼線。最後想講如果啲牙係好唔齊好迫或者嘴突真係唔好靠磨牙, 寧願剝牙箍鋼線效果好啲，但如果本身都齊只係差少少位或者面本身削就可以考慮磨少少，唔係嘅話塊面可能會凹。千祈唔好好似我咁無得番轉頭。希望大家忍手唔好鬧我蠢，我都好後悔，夷家淨係想睇下有無辦法。

我去洗牙都會搵碩士既牙醫洗.

下世小心啲㨂牙醫

認真 咁就一世

我諗出問題既唔係副隱適美 係你個牙醫

醒目既都盡量避免磨牙喇

開名, 邊間?

聯X牙科, 連鎖的, 不過應該係醫生問題唔關個集圑事嘅

我箍咗一年零一個月,箍隱適美, 前後用咗4皮. 醫生話我啲牙基本上箍好咗, 睇我仲需唔需要磨牙, 令到上下排都對齊啲, 其實箍嘅過程前後都磨過幾次, 我怕再磨會增加蛀牙風險, 但又心思思想啲牙好睇啲, 請問各位巴打你地如果遇到咁嘅情況, 仲會唔會選擇磨牙?

我都煩緊磨唔磨牙
因為我本來已經好瘦 如果脱四隻真係怕塊面會凹入去
同埋醫生覺得每隻牙都磨少少就夠位
但有時又諗緊 如果每隻都磨過 萬一真係會引起敏感牙齒 老左咪gg 好糾結

牙呢啲真係唔好亂搞

我係箍鋼線既 箍完啲牙係齊既 但側面望有啲假哨牙 因為門牙其中一隻形狀唔靚 邊邊有啲蹺起左咁 牙醫都建議磨少少 但我拒絕左 因為拆牙箍果陣多多少少都磨左唔少

去箍牙專科啦

唉我又係全部磨哂。重點係如果啲牙真係好迫同好多重叠位就唔好磨了。好似我有啲重叠得好多嘅牙，根本好難打直 zip入去磨，夷家變左磨到牙面都花埋。磨牙真係好睇牙醫手勢同心機，但我知有啲人啲牙真係差好少位，啲牙又唔太亂，如果磨少少再拋光得好係ok ge，始終剝左塊面變凹都唔好。

會睇下效果會差幾遠同磨幾多。如果效果會差得遠，牙醫手勢好又有心機同你拋光(始終磨牙都係free hand，佢手勢唔好就gg好似咁)你又會好好照顧牙齒，都可以考慮，同埋因為你啲牙已經齊左，唔會太難磨(啲牙重叠會好難磨得準)。但如果真係磨好多隻又磨得多，你又唔想博，夷家又唔差嘅，就不了。反正我勁勁勁後悔磨左牙，我個牙醫手勢太差又求其，有啲又磨得太多，有啲又磨歪，夷家都唔知點算。

想睇圖
磨牙好易牙齒敏感好傷牙 講真哨牙又唔剝點會夠位...

https://www.youtube.com/watch?v=YeLPxQsIm7M
聽返首磨牙警剔下

po牙close-up好似有啲核突咁，不過影相淨係影到最明顯大小門牙,shape都唔對稱，本身兩隻無大分別。我就係喺哨同唔哨中間，跟住又覺得剝四隻牙好似嘥左，佢就話磨少少無問題，點知咁fail

想睇圖

下面門牙俾一大一細，夷家箍左四個月但條牙縫係成1mm, 佢係磨多左好多，仲有佢連牙上沿都磨埋，搞到個形勁怪。仲有上排凹左入去嗰隻，因爲重叠，佢磨到牙面都花埋，應該又係磨左好多，我都唔知講咩好。

側邊牙啲粒粒係for invaslign 我箍傳統唔知
磨到咁其實幾奇怪 隔離啲牙又唔係一樣咁平晒
條罅你真係快啲搵第二個牙醫consult下好 唔好拖唔好慳

啲白色粒同釘係for invisalign, 我係要戴橡根，所以其實啲人都係一睇就知你箍牙。係佢唔知做乜磨到咁。知道 下星期去排菲臘剝智齒順便問下有咩辦法，之後再約有睇專科。