(劇透請用細字)《鐵血戰士: 血獸進化》討論區（2）

啲bug唔多講
劇情唔掂

尤其細路果到，大屋
完全冇反應？
同埋show唔到有幾高智商
除咗識反心理學之外

4/10

成套戲劇情爛唔再講，打鬥場面我覺得滿意，但係唔明點解鐵血次次都要死黎做ENDING

25 P 送副甲俾人類完全唔MAKE SENSE，下集點拍落去係咪人類去鐵血星掃場?

講到明predator killer,下集班血獸肯定比人當狗咁撚

套戲女主角不論戲內定戲外都係敗筆
我覺得女主同黑人個角色直頭應該調轉
最後大P死到套甲直頭浪費左成個題材
獵人唔似獵人
科學家唔似科學家

如果最後係異形死屍或蟲卵可能仲有機會救到套戲

一心諗住Ironman導演會拍得好睇
點知最後佢放裝甲，將套嘢變成Ironman
屌佢老母

情願佢reboot

佢係拍im3 普遍評價好似都麻麻
想佢reboot淨講predator 之間啲野

一開始已經比大p飛船擊落，被逼要射咗套嘢走，之後細p比人捉，醒咗應該想搵返套甲，但冇手臂微型電腦，所以咪要去拎返先locate到套甲，點知一嘢就比大p秒咗

唔夠頭兩集恐怖

而家變左爆谷片，浪費左樓主既詳細介紹

可能佢係Bad blood，冇果種戰士尊嚴只想大殺特殺

Im3本身都係爛片啦

壓迫感同氣場我自己覺得因爲佢無面具 雖然睇左咁耐都知佢地咩樣 但戴著面具出場成個感覺好唔同 亦都無左承認對方而除面具打果下 諗起avp2 最尾wolf除面具果下真係出哂水

垃撚圾 哂左我98$
之前個兩套咁好睇 今集起到搞埋啲爛gag
我以為睇緊搞乜鬼奪命雜作

莫名其妙架。

細P隻大船冇事，唔知點解要上逃生倉?

上左逃生倉降落果陣又唔戴面具又唔戴臂甲。特登俾男主執牙?

仲有大p殺手甲其實可以拎埋上逃生倉。

過咗咁耐, 想睇嘅都睇晒啦應該
套戲嘅劇情風格選角剪接係咩水平大家心中有數, 唔再多講
詳細講下我對入面關於鐵血部分嘅睇法

首先講下我鍾意嘅部份

開場嘅飛船追逐, 相信大家同我一樣都係覺得好興奮, 鐵血電影終於有CG製作嘅大場面
之後嘅劇情有好多飛船嘅戲份, 包括以往未曾出現過嘅設定, 例如飛船上嘅力場能量炮之類, 仲有展示鐵血親自操縱飛船嘅場面, 擊墜戰機嗰部份
總體嚟講對飛船嘅部份十分滿意, 之前幾套對飛船嘅描寫都好少, 外傳AVP嘅描述仲多過正傳
今次算係彌補返鐵血呢方面嘅缺陷, 雖然咁多年都有啲睇厭呢種典型嘅外星人飛船

第二樣鍾意嘅係對鐵血社會嘅擴展

透過面具入面嘅影像可以見到一群類似科學家嘅鐵血對其中一隻鐵血注射應該係脊髓液嘅嘢, 即係戲入面講嘅混種, 短短一段影像已經說明鐵血社會入面唔單止得獵人一種職業, 繼續擴展落去可能會解答到鐵血科技同文化嘅由來

戲入面兩隻鐵血嘅鬥爭亦都顯示部落入面有派系嘅存在, 至少唔係好似S入面純粹嘅種族仇恨, 而係有目的嘅反抗, 如果有續集, 圍繞呢個題材講鐵血內戰不失為一個唔錯嘅選擇

仲有大P講嘢嗰幕我都覺得正, 鐵血文字轉做英文 , 如果有續集希望可以有多啲呢類鐵血間嘅交流




跟住係討厭嘅部份

相信好多鐵血死忠當初愛上鐵血係因為佢獨特嘅設定, 一身高科技裝備但又有一套野蠻近乎原始嘅文化, 嗰種對比先係鐵血最大嘅魅力

新電影入面嘅鐵血係好高科技, 又飛船又自動瞄準武器又基因升級, 仲有最後套甲
但係成套電影根本冇描寫過佢哋嘅文化, 淨係求其引用返之前嘅電影就當介紹完, 咁做嘅結果就係令鐵血淪為普通嘅高科技外星殺人怪物, 連之前兩套鐵血嘅狩獵行為都夾硬講成侵略地球呢種普通到On9嘅原因, Shane Black你係得嘅


冇咗獨特嘅狩獵文化, 新觀眾當鐵血係啲漫無目的想侵略地球嘅濕鳩外星人, 老Fans亦搵唔返以往嘅感覺, 兩頭唔到岸



另外一樣我好憎嘅情節就係鐵血同人類交流談判嗰幾幕

Fugitive玩隻斷手
完全係畫蛇添足, 為搞笑而搞笑
套戲行搞笑風我冇意見, 但底線係鐵血嘅部份嚴肅返, 呢個位真係輕重不分
唔單止破壞晒嗰幕嘅緊張氣氛, 仲要完全唔符合鐵血呢種生物嘅風格, 戇鳩鳩咁

Fugitive車頂捉住耶撚手指指叫其他人類放低槍
幾分鐘前先殺晒成堆軍人, 突然變得咁文明好難適應

大P用翻譯機同人類玩捉伊恩
完全唔知做乜鳩, 除咗作死之外都廢撚事講, 仲On9過之前幾集鐵血嘅死法

簡單啲講就係鐵血冇咗以前陣蠻族味, 以往嘅鐵血根本到死之前嘅一刻都只當人類係低等生物, 點會無端端同人類交流



跟住分別講下戲入面兩隻鐵血

Fugitive嘅設計唔錯, 係死得太快冇足夠關於佢嘅說明
裝備上想做出高科技嘅效果, 面具腕甲都加咗類似自動反擊嘅功能, 但戲入面除咗主角觸發過, 佢自己反而冇用過呢種功能
戰鬥方面被弱化得太勁, 一出場就俾主角On99咁秒咗, 但之後又見唔到有咩傷勢咁嚴重
同大P打個場本身應該係全套戲嘅高潮, 點知兩三下就俾人打甩頭, 完全係出嚟襯托大P有幾勁揪, 上套S個舊鐵血都叫有得打下冇咁柒
乜嘢人類基因, 嚟地球嘅目的, 垃圾Predator Killer全部講完就算, 連解釋都係要觀眾自己估估下

跟住係主打嘅大P
整體印象唔差, 雖然吹奏嘅基因進化其實同鐵血本身嘅裝備冇乜分別, 但秒咗Fugitive同殺晒堆配角, 都算係一個合格嘅Boss
唔符合預期嘅係佢冇乜壓逼感, 比起隱藏喺暗處偷襲嘅獵人, 佢更似同Hulk差唔多嘅肉盾坦克, 感覺上俾唔到Jungle Hunter嗰種有技巧嘅獵殺, 但血腥程度尤有過之
仲有獵犬今集真係唔出好過出, 攞嚟搞笑都嫌煩

最後套甲真係唔知點講, 感覺上係臨尾一刻先草草決定整套咁嘅嘢出嚟, 同前面嘅劇情太多衝突, 寧願佢冇呢一Part

整體上對鐵血呢Part係失望, 如果真係有續集希望唔好再俾Shane Black寫劇本

之後會繼續出介紹鐵血嘅文, 下個鐵血po可能要等十年後

出隻狗又可以整figure
最尾果套甲又係，要搵盡哂條水

呎集劇情完全唔流暢
鐵血狗作用唔大 無解釋點解佢會咁忠心
個project stargazing 個黑鬼點死？佢死果陣得半秒 完全睇唔到

最後由女主角隱形開始 戰鬥場面就亂到阿媽都唔得
男主角叫條女 throw it, 得半秒
個仔唔小心啪著個 force field 又係得半秒
然後又無啦啦跳入水中搵大P手
感覺CUT左好多野

到底係我要重睇定最後真係好亂

利申 不了。

同埋套戲入面個 concept 都唔 make sense
predator killer is a gift? come on James
predator 個民族唔係咁架

睇樓主啲介紹仲精彩
期待wolf

呢個有得講返嘅，係人類覺得係細p送比佢地咋啵

又唔係細p親手送，細p又冇講到明，全部係人類自己解讀出嚟，隨時原本係細p偷咗諗住自己著

咁我覺得論述好差
btw 巴打介唔介紹解下畫 到底個黑人點死