[DSE2018] 放榜討論區3 (連放榜最後準備攻略)

熱朱古力奶 · 2018-07-10T01:15:21+08:00

[DSE2018] 放榜討論區1 https://lihkg.com/thread/723450/page/1 [DSE2018] 放榜討論區2 (附加「放榜五種心態」勸世文) https://lihkg.com/thread/731818/page/1 歡迎大家係度詢問放榜問題。 TG/WhatsApp/CD-ROM詢問區 https://goo.gl/forms/A5wsfAZHVtpNhnwX2 呢個Post集中講放榜倒數階段要準備嘅野，主要分左JUPAS區同ASSO/HD區。可能有啲內容係阿媽係女人，阿爸係男人，不過可能有巴絲打真係冇諗過，所以我會打埋。開始前，小弟都要不厭其煩再提大家要避免陷入放榜悲劇。放榜悲劇：站著如嘍囉 (呢個point太重要，所以要post多次) 有一類人覺得自己實掂，冇Plan過放榜。用呢種心態迎接放榜猶如裸考一樣。以小弟多年觀察，「天意弄人」係放榜必見情節，10人入面總會有1人意外墮馬。大家以為墮馬只會係其他人身上發生，但天意就係連你自己都估唔到自己就係墮馬果一個人 ...... 所以，跪求大家要做好最壞打算，唔駛放榜全世界狗衝時，你仲係度那年十八放榜前睇到呢個post 先plan的話都未算遲，有需要可以係度問下巴絲打過來人或者小弟嘅意見，呢度好多人都答到你。如果你係CD-ROM冇AC，都可以留低你條問題係Google Form幫你Post出黎，或者留低TG個別傾 JUPAS注意事項 1. 準備三個Plan去排Band A同Band B嘅科 Plan A: 正常預期成績 Plan B: 比預期好嘅成績 (多3分) Plan C: 比預期差嘅成績 (少3分) 作用: 放榜後思緒陷入混亂，難以自拔，放榜前諗定後備方案 (特別係Plan C) 有著數 2. 唔同Banding點排? Band A A1: 最想入嘅科/最想搏嘅科 (分數達LQ/LQ減1-2分) A2: 分數達LQ嘅科 A3: 最穩陣嘅科 (達到Median/UQ以上，最好係收生人數較多嘅科，因為收生人數多，分數浮動就會少 ) 有人會因為自己DSE分高左，唔想浪費左個分，所以揀左D高分先入到但自己又冇興趣嘅科目，最後讀到好頹。所以各位都要諗定Plan B點做 Band B 雖然Band B嘅取錄人數比Band A少，但都要睇清楚Band B嘅科目會唔會考慮排喺Band A以外嘅考生，唔好亂排可以上JUPAS嘅網頁 Programme Search睇下過往果科有冇收過Band B或以下嘅學生 (禁入Programme，拉落去睇Offer Statistics) Programme Search拎: https://www.jupas.edu.hk/tc/search/ Band C至Band E 都未必完全冇機會入，舊年都有近1600人被分派去Band C至Band E嘅學士學位課程，所以唔好亂放一啲明知冇可能或者完全冇興趣嘅科，浪費左個choice 放榜日ASSO/HD注意事項 1. 安排路線在一日之內，預左自己最多只能夠去到三間院校報名。填表、排隊等面試、等候面試結果，大家預要三個鐘。放榜前計劃好自己路線，最想入個間就去左先。新界大西北嘅朋友就Good Luck了 2. 搵FD陪帶多一個朋友去，搵佢做你秘書，幫手keep文件、keep time，斟茶遞水買野食，有人陪個人定好多。記得攪掂晒之後請對方食飯 3. 必帶物品 (自己睇下圖) 各位上左岸嘅ching，唔好掛住依花生，一齊幫下佢地。大家經歷過放榜，個種壓力同徬徨你懂的