樹仁係咪真係讀唔過

唔讀 degree真係連升職機會都無
永遠做死都係entry level

我認同大學令人眼光闊左,識多左野

但出到黎我並唔覺得自己生活有改善到

點解個個都想讀大學啊
因為由細到大都比人洗左腦讀完書可以打份好工舒舒服服
根本係為讀而讀
到頭來晒左既係時間錢青春啊

同埋
最主要係樹大讀唔過

能仁>>>>>>>>>>>>>樹仁

講真果句 樹中個名唔係叫好 但唔係叫差 世上好多人將現時既得失成敗都歸咎於自己所讀既院校 但諗深一層自己有無係大學果2年或4年積極咁參加唔同活動 exchange呀 參加學校tour咁呀 做下intern咁 等個cv靚d 令自己有進步先 定係想求其拎到degree就算？如果係後者 即使你拎住ugc 乞食科 都後悔啦 因為都學唔到對任何生活工作上有益既野

之所以揀八大勝在佢有政府資助 參加d乜都有津貼 所以好多人都對佢趨之若鶩 樹中呢d雖然資源少好多 scholarships 名額又難爭d 但你有心參加d活動 增值下自己 點都會有人賞識既

最後講句 心態決定境界 即使入左樹中 只要肯把握機會增值自己 認清自己目標係邊 好過d混混噩噩 無目標既 ugc 院校grad既學生啦 你話係唔係先？

你覺得係曬時間同青春證明左你無好好善用大學4年俾到既機會你 我相信大學學到既4年野未必係工作經歷上咁輕易拎到

你要錢途，就轉理科，重考dse啦

有錢咪去外國讀foundation囉，考唔切ielts都可以報d冬天入學嗰啲course

都唔明點解個個都一定要讀書 讀完asso又得2.幾gpa 就知讀書唔啱你 如果知道要努力就應該一早努力 出黎做野算數啦

樹大歷史系已grad

講真，睇你求咩，我當年真係求有張degree 同讀下自己中意嘅野，依家返緊份唔關事嘅工

你問係咪乞食科，我又覺得真係乞食課嘅，但其實依家大學科好多都乞食架啦，最主要真係好似樓上巴打所講，諗下點樣join多d有用嘅野執靚自己cv

你問我有冇後悔入左tree u，我會答冇，因為我知自己當初只係求 degree，而且依家份工都滿意(雖然真係完全唔關事)，同埋入面嘅同學真係好好，不過樓主自己諗下自己想要d咩啦

不過依家學費真係好貴

讀左樹仁四年 最大感受係個重點在於自己而唔係間學校。咁講唔係個資源，環境唔重要，但樓主你自己又係唔係本身肯認真讀書嘅人先？唔係嘅話，比乜資源你都無用。

第二，上面有條link講嘅問題，其實有d都過時。事實係學校有新校舍，亦都慢慢翻新緊。始終樹仁係私立大學，唔係公立大學有咁多資助。

最後，你有最終決定權，讀或唔讀，揀左就唔學怨。
利申 1hon+master offer

點都好過恆管

好老實講，你除左第1份工講學歷，你之後既工都睇你工作經驗咋嘛。

你追求咩先？u life ？無論讀邊間u ，都有好摺好毒既學生架啦，u life 係自己爭取架喎。

擔心將來前途？大學4年，返學既時間佔左一半都無，如果就淨係為左lecture 既知識，咁你根本就唔需要讀大學。大學4年，真係俾左一段充分既時間你去學新野，例如語言，新技能。返pt 攞工作經驗。識多d 人，見識多d 。呢d 就會成為你將來出社會比人優勢既機會。

其實你擔心d 乜，路係人行。樹仁一樣有人一grad 就做大公司MT ，升得快，搵到錢。

八大一樣有人一畢業就失業。

你唔應該問樹仁讀唔讀得過，你應該問你自己讀唔讀得到囉，有無咩目標

有得讀梗係狗衝

讀樹仁不如去台灣讀國立大學啦！
申利：曾為台灣某國立大學學生

樹仁好似係要計足attendance同埋無sem break 有朋友已畢業
鯨大就似返大學囉個campus 有得走堂 sem break少極都半個月 有朋友就1個月sem break
不過講資歷我覺得兩間都差唔多 咪又係非八大

重點
根本樓主連自己想點都未知，無謂嘥錢嘥時間

讀唔讀得過，就睇你有冇決心讀好佢，有目標自然搏晒老命（無論你目標係想year1爆4 tran u定係想first hon 畢業）

新傳intern點亂派
我又覺得還好，仲要而家連stream都冇分，基本上都係自己選擇，同埋你嘅interview可唔可以打動到你想入嘅機構
利申：樹大新傳intern入到自己想入嘅範疇，而家喺呢行撈得算唔錯

除非你有錢去外國讀 如果唔係就照讀啦 好過無

睇下荷蘭大學
平靚正 不過要瘋狂讀

雖然tree u風評一般
但都同你asso成績相襯