【為什麼所有人都無法單純的做自己呢】棟篤笑小說《波瀾》

終於完 好故

好耐無喺講故台一口氣睇曬一個故了

多謝

終於完 好故

多謝支持

觀眾決定節目

現實就係咁
你以為自己有內涵 笑話高質
偏偏人哋要嘅係用嚟出丑嘅人
冇人預時間俾你高質 亦都冇預過啲觀眾高質
久而久之培養咗班低質觀眾
唔係話踩肥佬
佢要承受嘅分分鐘俾阿實嗰type多
但佢引導人笑佢 係要人將快樂建築喺人哋（佢）自己身上
搵啖飯食又唔犯法嘅
但如果講藝術層面 咁樣係咪咁高？
之前都有留言唔知樓主記唔記得 我好認同Peter所講搞笑方法無分貴賤 但我認為有高低手之分
但佢又攞冠軍
可能我咁諗純粹因爲我偏好子華嗰種含蓄帶點自嘲唔會直接送個笑位埋你嘴邊但觀眾諗多一步就會心微笑嘅手法
就嚟打到同樓主啲文一樣長

我自己當然都鍾意黃子華嗰種
但以電視台角度嚟講 佢哋需要嘅自然係愈簡單直接嘅愈好

觀眾決定節目

其實呢樣嘢喺香港都幾明顯 包括網上媒體

預告一下
遲下會出個外傳 不過因為篇幅唔長 所以唔會單獨出
都係繼續喺呢個post度連載
(不過未知會係幾時,應該呢一兩個禮拜)

今日小弟生日
諗起好多嘢
突然想推一推po
呢排寫嘢嗰陣都仲係好掛住阿實

輕輕一推

lm

補返句巴打生日快樂！
等你新故

今日小弟生日
諗起好多嘢
突然想推一推po
呢排寫嘢嗰陣都仲係好掛住阿實

補返句巴打生日快樂！
等你新故

Thx

原本寫咗大半但一直覺得唔係太啱FEEL
啱先全部DEL晒從頭嚟過
所以各位仲要等下 SORRY

新人lm
樓主我好喜歡你呢一個故
實最後一場show既台詞同內容非常精彩
Peter經常派soundbite睇得好入心
但我必須講，其實我係更加喜歡第8回我地拍錯手果個位就完既，果個收尾更加有力

可以既話，我希望試下用讀本既形式試下聲演呢個故
睇你樓主你有冇興趣
hehe

新人lm
樓主我好喜歡你呢一個故
實最後一場show既台詞同內容非常精彩
Peter經常派soundbite睇得好入心
但我必須講，其實我係更加喜歡第8回我地拍錯手果個位就完既，果個收尾更加有力

可以既話，我希望試下用讀本既形式試下聲演呢個故
睇你樓主你有冇興趣
hehe

哦可以啊 落返credit就可以
多謝支持先 不過我自己覺得有最後一章成個故事先完整
雖然喺嗰個位完都有喺嗰個位完嘅好

外傳（一）


中學畢業十二年，同學之間偶爾也會相約敘舊，大家圍坐在長長的桌前面分享著各自的近況，慢慢地有些人會帶上丈夫妻子，又或是初生的兒女。班上四十人大多都已有家室，又或是功成利就的－阿祺跟阿亨可算是其中的異類之一。

時間像是改變了很多，但又好像什麼都沒有改變。

打從中四開始，這兩人便是學校的紅人，每逢有不太正式的公開場合時，那些活動的司儀便大多由他倆擔任。雖然真正給予他們表演的機會和時間都不多，但這兩個剛結成組合的年輕小子，都很重視這些得來不已的司儀工作，並盡其所能嘗試在禮堂又或是操場上將氣氛炒熱，讓大家能沐浴在歡笑聲當中。

只是與很多偉大的笑匠、又或是棟篤笑的表演者一樣，阿祺和阿亨這一高一矮、一瘦一胖的搞笑組合也曾經歷過一段既短暫又漫長的尷尬階段。他們竭盡全力地將曾費盡心思寫出來的段子放在台上表演，然而換來的是一陣死寂的冷場，同學投來的是異樣而取笑的反應，老師則是一種既鼓勵又一言難盡的回應。在組合結成並爭取表演機會的最初那兩三個月，對他們而言是非常難熬的。

阿祺從小學開始便是周星馳的忠實影迷，每一部電影的對白都倒背如流，你只要隨便說出一句他都能跟你對接到最後。雖說這算是一種毫無用處的特殊技能，但他也比很多同齡男生更早地明白到，所謂的搞笑到底是怎麼一回事。

阿亨則很小就是日本的動漫及機迷，甫上中學便已是全級有名的「肥宅」，也正因如此，他的日文底子要比其他男生好。

這兩個笨蛋走到一起的契機是中四創意多媒體課的一次project，當時他們仍風馬牛不相及，唯一的共通點就是在班上都沒有什麼朋友，最後的結果當然是班上面其他人都分好組了只剩下他倆。

「呢次呢份project嘅目標呢，係每組人一齊拍一條video，題材不限，可以係介紹一啲嘢，可以係劇情類型嘅短片，咩都得。我嘅要求就係唔好用手機錄啦，起晒格咁睇唔到架，同埋最短時間係五分鐘，要有基本嘅剪接，兩個禮拜之後交。」

當天午飯時間，這兩個本來還沒私下聊過天的人便約在一起出外吃了頓麥當勞。阿祺相比之下較為外向和主動一點，有幾次他都率先嘗試打開話題，但很快便發現兩個人擅長和感興趣的領域完全不同。坐在他對面的這個眼鏡胖子完完全全就是一個活在自己那二次元世界的毒男。

「除咗ACG同打機之外……你仲有無啲咩嚐好？例如運動或者……？」阿祺問到一半，看著阿亨手中那貼滿著日本蘿莉貼紙的PSP，瞬間意識到這個問題的答案其實不言自明。

「真係無……除咗打機、追新番睇漫畫同埋收集figure之外，我好少接觸其他嘢……」阿亨拿起大杯裝的可樂喝了一口，看著PSP木無表情地答道。

「但係project嗰度……」阿祺有點灰心地搔了搔頭，嘆氣道。「關sir講到明話佔考試60%分喎。」

「事但拍啲嘢交上去得啦，佢都話我哋得兩個人，畀分標準唔會set得咁高。」

「但都要有個題材先得架。」

「嗯……」阿亨放下PSP，托了托鼻上那副厚重的黑色眼鏡。「一唔係等陣放學嚟我屋企，睇下你有無咩靈感囉。」

阿亨的房間跟在漫畫裡看到過那種「宅男式」的房間差不多，電腦桌跟「書櫃」上全都是形形式式、琳琅滿目的女性手辦模型，對此一竅不通的阿祺看得是頭昏腦脹，如果眼前這個胖子提議要用它們來拍一段短片的話他會毫不猶豫地跟關老師申請獨立一組。

「嗱呢個叫阿娜，佢呢原本係一個巫女嚟，巫女你……」聽著阿亨如數家珍地介紹著他的珍藏，阿祺愈發後悔同意老師將他們編成同一組的提議。

「不如呢，我哋真係認真諗個可行嘅方案？」

「可行嘅方案？」阿亨看著自己手中的手辦模型，然後再把視線回移到阿祺身上。「你意思係？」

「嗱我自己最熟嘅嘢就係周星馳，不如我哋諗個辦法，拍啲搞笑嘅嘢。」

「周星馳crossover ACG……你呢個諗法都幾前衛喎……」阿亨笑著把模型放回櫃中。

「咁始終都要諗個方向，然後再去……諗下一步嘅。」阿祺答道。

「我諗下有無咩搞笑嘅動畫可以參考下先……」

「Keroro軍曹算唔算？雖然唔熟但我都睇過一兩集嘅。」

「如果我哋係小學生應該work嘅。」阿亨不屑地看了阿祺一眼。

阿祺欲言又止地搔了搔頭，只見阿亨一屁服坐在電腦椅上找了幾套他覺得比較有趣的動畫，但完全不了解二次元笑點的阿祺可謂看得一頭霧水，而笑點無法統一就表示無法拍出一部有共識的作品。

橙紅的夕陽映照在電腦櫃旁邊的窗上，阿祺看了看手腕上的電子錶才意識到兩人已經討論了三個多小時，但目前來看進展依然不理想，兩人興趣之間的巨大差異致使他們根本找不到一個可以一起參考的標準。

眼見阿亨在Youtube上不斷找尋那些什麼動漫名梗、ACG界的著名場面等等，阿祺有點厭煩地托著腮，再一次考慮著獨自完成這次project的可能性。

這時在網頁右邊的關連短片推薦上，突然有一條兩個人並排站著的連結，標題是一串日文，但「爆笑」和「漫才」這兩個詞語很快便吸引了他，並很突然地向阿亨表達了自己想看的慾望。

影片裡兩個人分別站在麥克風架的兩側，雖然沒有字幕不知道他們在說什麼，但明快的節奏加上觀眾密集而熱烈的笑聲，讓阿祺萌生了想要了解這東西的興趣。

「呢個？漫才囉，你有興趣？」

「我哋兩個試下做一段呢個，五分鐘，有無得諗？我識搞笑，你識日文，可以執靚啲gag佢。」

「……」阿亨咀嚼著口中的薯片，表情凝重地思考了數秒。「漫才好難架喎。」

「但你諗下，我哋無咩好輸啊，喺班房入面我哋兩個最唔起眼，中學五年時間眨下眼就過……」阿祺雙目放光地看著電腦螢幕。「難得搵樣嘢可以當做回憶，不如認真去試下做？」

阿亨又猶豫了數秒，才緩緩地點點頭。

「亨仔，老豆今晚OT返唔到嚟食飯啊，我諗住叫外賣，你同你同學仔一唔一齊食啊？」門外傳來媽媽的叫喊聲。

「我要叉雞飯！你呢，你食咩啊，食埋先走囉。」

「嗯……」阿祺想了兩秒。「叉雞飯。」
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

外傳（二）


「大家好！我哋係叉雞飯！」

「點解要叫叉雞飯啊？」

「因為叉燒……」

「同油雞髀……」

「永遠都係絕配……妖！我哋明明叫叉雞飯，你油咩雞髀啫！」


於是他們在那兩個禮拜裡，每天放學後都會到阿亨家的客廳練習錄影用的漫才段子，而光是自我介紹的這一段就已反覆練習了好幾十次，但他們對此依然不太滿意。

「我覺得你吐槽個語氣同表情可以誇張啲，」阿祺捏著下巴，說道。「同埋硬係覺得好似爭咁啲嘢咁。」

「一唔係我哋可以試下加個合體技之類嘅嘢？」

「合體技？」

「日本好興架，藝人組合或者係喺動畫漫畫入面都成日見到。」

「即係點？」

「類似大家一齊做個動作咁囉，例如你企前面做個動作，然後我企後面做個動作……」

「咁我咪遮住你囉。」

「……咁咪啱囉，咁我咪有位吐槽你囉！」

「好好好，嚟嚟嚟試下試下。」

晚上阿亨家人回來後，他們便會到福來邨的公園繼續練習，有時候會坐在旁邊的椅子或是滑梯上，有時候會在那個小小的舞臺裡。周遭是混雜的電視節目聲音，途人亦不時會投來異樣的目光和笑容，雖說不斷的吃螺絲和忘詞也讓他們身心疲憊，但兩人每次都只是稍息片刻，然後又繼續從頭開始練習一遍。

熟悉周星馳的阿祺負責構想和創作段子，而對日語和日式笑點頗有了解的阿亨則負責調整笑位和細節，然後兩人再通過討論和爭辯決定最終效果。雖說文化上可能稍有差異，但兩人互補出來的效果卻又有種出人意料的和諧。

坐在梯級上仰望著渾圓的月光，阿祺雙手放在後方撐著身體，不知怎麼突然嘆了口氣。

「做咩？」

「無……」阿祺看了他一眼，笑道。「只係突然覺得，而家諗返起，覺得之前中學嗰三年好似空白一片咩都無做過咁啫。」

「咁係你啫，我有好多動畫漫畫要追架，啲時間好似永遠都唔夠用咁。」

「哎嚟啦……」阿祺笑了一聲，扶著大腿站了起來。「練多幾轉啦，得返幾日時間咋。」

「嘩仲嚟？十一點啦喎。」

「妖你返到去屋企有咩做啫，咪又係睇嗰啲嘢，嚟啦。」

只是一段五分鐘的表演，當初他們還真的沒想過需要那麼拼命去練習來完成，而當第一次完整而且無失誤地完成整個段子時，那股成功感到現在他倆還依然記得很清楚。就像漫畫裡經常見到的對白一樣－這將會是自己一生的寶貴財富。

驗收功課那天，老師特意將兩節課都用於鑑賞和點評作品，有不少同學都一副急不及待的樣子，也有個別看上去明顯是敷衍了事的，阿祺和阿亨當然屬於前者，但同時他們也感到不安，到底這些精心設計出來的笑點能否戳中同學們的笑點呢？

介紹潮流牌子的影片、搞笑而粗糙的劇情短片、臨時組成樂隊的流行曲演奏等等，其他同學的作品各有不同的風格，老師的評價大多也都不錯，正投入其中的時候，李天祺和楊家亨的名字也突然被老師叫到。

兩人走到電腦前，阿祺緊張地拿著麥克風，向同學們打了聲招呼。下面的人見是他倆像都失去了興趣般彼此聊起了天來，老師側坐在桌上的表情也不像對他們抱有什麼期待，畢竟是班上的被孤立組。

阿祺清了清嗓子，示意阿亨將影片打開。只見一支麥克風架放在鏡頭前，背景很顯然是某人家的客廳，然後兩人彎著腰拍手從鏡頭後步出。

「大家好！我哋係叉雞飯！」

「點解要叫叉雞飯啊？」

「因為叉燒……」

「同油雞髀……」

「永遠都係絕配……妖！我哋明明叫叉雞飯，你油咩雞髀啫！仲有啊，你高就企前面啦，你遮住我啊！」

只見影片裡阿亨用力且生氣地朝阿祺的額頭打去，這一舉動引起了不少人的笑聲。阿祺跟阿亨對視了一眼，並露出了滿意的笑容。

但當天能讓他們感到開心的僅到此為止了。

在那之後長達四分三十秒的片段裡，尷尬而不耐煩的氣氛佔據了整個課室，那種針落有聲的安靜讓阿祺和阿亨緊張得直出冷汗。

看著自己花了不少日夜精心雕琢出來的段子一敗塗地，拿著麥克風的阿祺站在電腦前一言不發，班房裡像是飄散著厭惡的情感一般，每個人都在嘟嚷著「究竟呢兩條友喺度做乜X啊」、「戇X仔始終都係戇X仔」、「佢哋唔係以為自己好好笑下話」之類的說話，即使耳朵上聽不到，實際上他也能聽到這些無形的話語。

同學們的具體姓名可能記不太清了，阿祺一邊跟他們寒暄著，一邊在腦海裡竭力想要理清他們的名字或是花名。不過他還記得有幾個人當時在多媒體課室裡取笑得自己很厲害，而此刻他們就坐在自己的旁邊或是附近。

「叉……咩油雞髀啊嘛，我仲記得你哋開場嗰個固定gag。」提起這個的是阿達，當年在班上是有了名的讀書差，現在好像是什麼基金經紀。

阿祺心裡記得清楚他當初的那副嘴臉，有好一段時間看到他時都像是在看地上的廢紙屑一樣，要不是自己長得比他高說不定就被結隊欺凌了。

雖說他是個外向性格的人，理應人緣不錯，但自從中二與某個比較受班上同學歡迎的男生吵架以後，便莫名地受到了其他人的排擠。

那一兩年的遭遇和冷眼讓他變得有點孤僻，倒不是不懂得如何與他人溝通，只是單純地不想與別人打交道。

「嗰陣邊有人知咩叫漫……死啦叫咩話？漫語？」

「漫才。」

「係囉，邊有人知咩嚟啫，嗱過咗咁多年我先敢講返啦，大家男人老狗唔怕講真話係咪先。其實一開始真係覺得麻麻嘅，但講真我每一次都有好認真聽，嗰陣我同大力魚仔嗰啲係真心覺得你哋他朝一日會紅架。」阿達拿起酒杯遞到阿祺面前，笑道。

桌邊的其他人都一臉微笑地看著他們，讓阿祺喂阿亨聽起來更像是所有人都認同一樣，而且他的語氣帶上些許的誇張，這種半開玩笑的語氣讓你在眾多人面前想稍微認真一點也不行。

更何況自己還是個想當搞笑藝人的人，壓抑一切冷靜下來的情商比什麼都重要。

「咁真係令你哋失望啦。」阿祺略微勉強地笑了一聲，與他碰了一杯後喝掉。

「痴線唔好咁講，仲有機會架喎，香港地遍地黃金。」阿達露出一個有點皮笑肉不笑的表情，然後也一口把那杯酒喝個清光。

其他人很快又把話題轉換，生兒育女，股票投資，天南地北。

阿祺看著杯中尚餘不多的啤酒，回想著當初執意要跟阿亨組成「叉雞飯」的情景。

成績公佈後的午膳時間，那兩人同樣又坐在麥當勞的餐桌前。阿祺的麥樂雞餐基本沒有動過，他彷彿一閉上眼就會想起同學們嫌棄和厭惡的嘴臉，這種情緒完全地堵住了他的食道。

然而眼前的阿亨看起來毫無動搖，巨無霸餐加上和另外叫的脆香雞翼依然吃得津津有味，阿祺看得有點無言，為什麼這胖子能無動於衷呢，難道只有自己對漫才這東西抱有熱愛嗎。

「關sir話會畀我哋合格，唔駛咁嘅樣喎。」阿亨看了他一眼，然後咬了口手中的巨無霸。

「合格？喂我哋咁樣練兩個禮拜為嘅就係合格？唔好玩啦。」阿祺一臉不爽地答道。

「……」阿亨喝了口可樂，沉默了兩秒。「你本身想得到啲咩先？」

「想……」阿祺欲言又止地看了看窗外。「日本嗰邊職業嗰啲叫咩話……？」

「你想喺香港做漫才師？」阿亨咬著飲管，有點意外地看著他。

「我哋兩個……一直喺學校都係邊緣人，無朋友、無人氣，讀書又係叻……」

「咁係你啫，我隔離班大把朋友，而且我成績都全級前二十架。」

「……」阿祺抿著嘴，朝阿亨看了一眼。「OK，咁……當我無講過。」

「咁我又無話唔做，」阿亨笑道。「但問題係，我想知道你想做到咩地步啫。」

「我無諗得咁長遠，但我只係想認真咁去做好佢，可以有幾好就幾好。」

大河道上滿是來去的行人，午膳時間盡是一些看上去滿臉笑容的學生，在阿祺看來，這些人都是在享受著屬於自己的、獨一無二的中學生活。

在過去這短短的十四天裡，阿祺彷彿享受了就讀中學以來最難忘的一段時光，但除此以外，它還有什麼存在的意義呢？光是點燃你中學那本來就黯淡無光的幾年？讓你他日老了以後回頭想去，好歹還有些什麼能值得回首一下？

不應是這樣的吧。

外傳（三）


阿祺跟阿亨站在禮堂後台的小通道裡，外頭是面向操場的走廊，抬頭看去，偶爾會有幾個低年級的師弟在這U字型校舍的其他樓層走來走去，畢竟這個畢業典禮與他們無關，他們還能享受多一段時間的校園生活。

阿亨看起來依舊從容不驚，反倒是阿祺一如以往地手心冒汗，一直抖來抖去地背著待會的表演台詞。

他仰起頭嘗試讓自己冷靜一下，今天早上起床刷牙的時候他還特意看了一眼自己的筆記簿，第一頁赫然寫著「35」這個數字－那是他跟阿亨組成叉雞飯這個組合以後所表演的次數，也意味著今天以後將會變為36，而這個數字能否再加上去也是未知之數。

自己的成績不用多說大家也都明白，倒是阿亨成績一直不錯，目前的變數僅是他要升哪一座大學而已。

校長發言完畢，訓導主任從簾布後伸出頭來朝他倆招了招手，示意可以上台開始表演了。

偌大的禮堂坐滿了整個中五級的學生，兩人笑容滿面地走到中間的麥克風架前，恭敬地鞠了一躬，然後像往常一樣緩緩展開著自己的段子。理論上他們每一次開始表演時都會先來一次那個開場的自我介紹梗，但鑒於這一天的場合比較莊嚴跟正式，所以商量過後便決定不採用了。

漫才雖然是一種搞笑的表演方式，但說到底也應該尊重場合。

「係呢阿祺，中學就嚟畢業，喺呢五年入邊，你有無啲咩令你覺得印象深刻嘅回憶或者經歷啊？即係例如係參加一啲嘅活動嗰啲啊之類？」

「哦活動……都有嘅，上個禮拜旺角開咗一間女僕cafe，我就同班friend一齊去咗幫襯咁囉。」

「咁……有啲咩令你覺得印象深刻呢？」阿亨轉了轉眼珠，露出一個疑惑的表情。

「啲女僕生得有啲罪孳深重。」阿祺看著台下攤手道。

台下傳來一陣笑聲跟掌聲，雖然可隱約感受到校長校董主任等一眾高職位的管理層坐在椅子上沒有什麼反應，但阿亨還是很快地接上了下一句，絲毫沒有任何猶豫跟動搖。

「嘖，唔係講緊呢啲啊，有無啲……積極向上少少架？」

「積極向上少少？哦都有嘅，中三嗰陣我參加過一個海上嘅集中營……」

「集中營？」台下又是一陣大笑，這次連老師跟那些主任和校長都笑了起來。「你係咪想講訓練營啊？如果呢度係德國我驚你行唔出呢個禮堂啊大佬。」

「然後大家就一齊搭船出去玩，接受唔同嘅任務同挑戰咁。」阿祺一臉認真地講解著。

「哦哦，即係嗰啲希望通過一系列嘅團隊訓練同任務，去凝聚大家，然後改變大家同各位同學有所進步咁樣？」「係，無錯。」「哦，咁有啲咩特別嘅經歷可以同大家分享下咁呢？」

「嗰陣同team有個出名平時蝦蝦霸霸嘅同學呢……」這時禮堂裡有不少同學高聲喊著其中一個人的名字，又引起了一陣笑聲。「喂，啱先第一個企起身嗌嗰個我覺得你仲恐怖喎，你先似欺凌開人嗰個喎。」

「唏唔好咁講自己啲同學，跟住呢？跟住點？」阿亨笑著拍了他的頭一下。

「嗰陣我哋嘅任務係喺架船最高處個跳台度逐個逐個跳落海，咁係需要同另一team人鬥快嘅，輸咗嗰team夜晚就要負責洗碗。」

「聽落幾有趣啊，然後呢？」阿亨點著頭應道。

「然後嗰個出名蝦蝦霸霸嘅人企喺個跳台等震咗大概成十分鐘都唔敢跳落去。」阿祺依然一臉認真地說著。

「哦……即係一個平時咁大膽，咁橫行無忌……」阿亨煞有其事地揮動著手。

「啱先你又叫我唔好咁講自己啲同學嘅？而家你仲要話人橫行無忌添，好過份喎你。」阿祺不爽地盯著阿亨。

「吓？我……哎唔好講呢個住，」阿亨一臉尷尬地笑了笑。「咁經歷完呢個活動你有無啲咩得著，又或者係對你平時嘅睇法、觀念有無啲咩改變呢？」

「無喎。」阿祺斬釘截鐵地答道。

「妖咁你講嚟做咩啊！？」阿亨很生氣地吼道。

「多謝大家。」

兩人彎下身再一次鞠躬，平常莊嚴肅穆的禮堂內充斥著開懷大笑跟用力拍手的聲音，阿祺跟阿亨會心微笑地互相看了一眼，心道在學校的最後一次演講也圓滿結束了，而且獲得了很高的評價。一方面滿足了學務主任希望能宣傳一下學校課外活動的要求，另一方面同樣也是最重要的就是－他們再一次憑著漫才讓同學們笑了起來。

不過他們很快，便迎來了第一次解散的危機。