覺唔覺香港教育完全錯撚晒，中小學根本唔應該學文言文

人教版小學語文六年級有《兩小兒辯日》，何來無文言文？
https://zhuanlan.zhihu.com/p/115870202

日本中學生（初、高中）讀華夏古文仲多過香港中學生，人哋咪又係咁讀
香港人都係算鳩數啦

直接小一就教佢用AI啦

佢話一樣就一樣啦，以前破四舊立四新都係班冇讀過書既人

再講，其實你哋將「學文言文」無限擴大
偷換左做「文言文有冇用」嘅概念

充其量課程只係需要學生賞析、分析
學文言文係講緊文言文入面嘅訊息
唔需要學生識寫識講文言文
講到作為一種語言要你去掌握就太誇張

重點係每一代人都要學返公元前xx年- 20xx 幾千年前的野。

點解幾千年前出世的人，可以學少啲
例如漢朝出世的人只需要學商夏商周秦4個朝代

有啲唔公平

用文言文回覆短訊最有用

講小學學英文
讀嘅唔係咩名校
但當時嘅班主任係我哋小四小五嘅時候已經教晒中三嘅嘢
包括啲咩呢？
所有Tenses
Part of speech
Active/passive voice
Question tags
Irregular verbs
記得最後一堂佢話佢已將所有英文嘅基本嘢教晒俾我哋
佢話中三課程內嘅所有嘢都教晒
當時似懂非懂聽下學下
去到中學當真係教到呢啲嘢嘅時候就會諗返起佢講過嘅嘢
有次英文作文又係攞到好高分
好多時你學緊唔知自己明唔明有咩用
但某一刻你就會開竅識得用

係你嘅老師又或者老師嘅老師覺得有用
咁後輩就要學
等於你嘅老竇老母話讀書有用
吸毒有害
你作為佢嘅仔女，你就要跟着做

大陸嘅中文好好多啦
只係你成日笑嗰啲黨八股唔係真中文

一次性交一年

金庸裏面有啲詩我到而家都仲記得
金融都只係我睇嘅書好少嘅一部份
係睇書嘅過程，不知不覺其實有啲詩句係會入咗個心
不過最重要嘅係你睇到人哋點樣寫文
一開始你唔覺得係啲乜嘢
但睇得多潛移默化去到一個程度
你係可以吸收咗發揮咗出嚟，你都唔知

轉朱閣 低綺戶 照無眠

學做Gym化妝好過啦
啲亞氏保加症患者最鐘意學埋啲奇怪嘢

好明顯係你唔想讀就係度吠而唔係真係知佢係咩嚟囉 傻鳩中學雞唔識嘢仲要聲大大上晒頭笑撚死人咩

咁撚唔妥咪去外國讀書英國一樣捉你讀英國文學記得唔好搵錯地方要讀當地歷史、文學、方言喎，廢事你又係度亂吠

再唔係就䮕學抗議寫請願信交比教育局，係連登度吠有閪用？

唔公廁㗎，唔好講 pure math ，你試吓換A Math 落去囉屌吓你比唔比人屌死

你咁講，我又諗到一個譬如
音樂只需要學流行曲就可以了
有乜嘢用音樂溝通流行曲係做唔到？
點解我要聽古典音樂？
音樂同文字一樣係有佢嘅藝術欣賞價值
係咪對每人都有用？
當然唔會係
你學體育做乜？要教我籃球足球羽毛球乒乓球游水跑步
我淨係跑步得啦，都係運動
做咩要教對我冇用嘅其他運動？
求學階段千八讓人有千百樣潛力有千百樣喜好
喺佢哋最能夠吸收嘅時候，當然要比最多唔同種類嘅嘢佢哋嘗試

可能佢哋冇聽書
唔記得「文以載道」四個字
文字語言係用嚟傳達知識道理
一篇好文，唔會因為係文言文或者白話文而影響價值
只有讀死書嘅人
先會用一句文言文無用就切割所有

每一個學生都係個別人士都有各自喜惡
所以喺公共教育就係要喺有限資源下
將可以教嘅都教

有用係點計
對生活有用先計既話
返學啲野差唔多全部可以cut柒晒佢

好多時你第一次陪唔理解究竟講緊乜
當你人生有啲遠力，突然間醒起一段可能就有用
所以點解我哋細個要學咁多嘢
好似樓上有巴打講
俾晒啲武器你先
教過你點用
想到戰場就自己執生
好過淨係比一種武器你
限制咗你係戰場上嘅發揮

細細個真係一定要讀死書
但要讀死好多好多書
你打過就會慢慢發現佢哋嘅用處
我由幼稚園已經好鍾意睇書
小學中學大學睇嘅書都唔同
好多都冇用，可能係垃圾
但睇得多係一個最容易俾你接觸唔同人唔同思想唔同經歷嘅方法
我記得我好細個應該係小學嘅時候
因為一件事阿媽同我講
你咁細個就睇到人性一啲咁隱蔽嘅一面
指嘅係某一個親戚相處之後我對佢嘅一個評價
阿媽問我點解會睇得到呢樣嘢？
之後佢講返個親戚嘅其他往事
佢話我人細鬼大幾犀利

文言文如果唔用大量efforts去學 (我指比依加更長時間內容更深) 唔比historical context加白話文同註釋對照
基本上比一篇無專登篩選過嘅新文章 所謂學過文言文嘅學生唔會睇得明 呢個情況係無實際語言作用

如果要用大量efforts去學 令到學生真正學識睇文言文
對比英文 文言文日常生活唔會用嚟溝通
同STEM做對比 文言文對社會發展無太大幫助

而本身文言文本身就係因為唔可以寫太詳細要精簡出嚟嘅產物
你無得唔對照白話文同註釋去理解文言文
基本上睇起上嚟就係一個反智嘅brain twister
如果單純想convey番成個歷史故事比學生 文言文只係作為原典存在其實無咩實質作用 白話文已經足夠

基本上以上係我覺得點解文言文客觀上無用
你係可以話psychologically對極小部分人喺美感同文學上有用
但我睇唔到學完對整體社會有咩幫助 conclude客觀上無用

convince me 客觀上對學生未來發展同對整體社會有咩用

文言文轉做白話文，所以文言文冇存在價值係錯嘅
即使出名與孔子佢嘅論說解釋都有爭議
經過翻譯嘅文言文，始終唔能夠完全表達完佢嘅意思
作為應用工具，白話文係非常之有效
但要完全理解古人嘅初心睇文言文係避不開