覺唔覺香港教育完全錯撚晒，中小學根本唔應該學文言文

中國人就緊係學文言文

咁語言係咪只應該用喺精確事物、只求精確？

首先我係話學生學文言文對學生發展同社會無用
而唔係話文言文呢樣無存在價值

仲有真正去做破譯 clarify番文言文意思嘅唔係班學生 係班以古文做研究嘅學者不斷參考historical context譯出嚟
我無否定過原典存在意義 但我認為學生剩係讀白話文已經足夠 上邊第三段講咗

講文化自豪果陣就話香港比大陸更保留古代中華文化
講教育制度又改口全部都係垃圾唔使學

點會
屌果個咪自認廢

唔需要convince你
你覺得無用，係你嘅睇法
你有你嘅自由

但而家樓主拋出嚟嘅係話課程唔應該學
而同時單係呢個post
都有唔少人覺得係有用
邏輯上，我學文言文覺得有幫助
我有咩得著，你係唔能夠代我講話無用
除非，100個人得我1個覺得有用
但咁樣就係你要convince me
話我聽100個人得我1個覺得有用

按樓主邏輯，讀完小學就應該出黎做野
中學有好多野你日常生活都未必用得著

如果學校所教知識，係單以職業所需技能為方向
人類文明應該會大幅倒退

所以我話實用主義嚟講係應用層面，白話文係相當有效
但唔係100%有效
因為好多嘅所謂詮釋爭議不斷
呢樣嘢我認為係一件好事
每人睇同一篇文理解會有少少唔同
剩餘每個高手睇完一個古典音樂嘅樂譜
佢嘅詮釋唔同，佢嘅演奏就會變成獨一無二
呢個係藝術

類似考古，都係識古文學

識寫自己個名，識加減乘除咪夠，做咩要學圓形面積
中學都唔做讀，小學畢業就可以返工
樓主都係想咁啫

你一定唔係香港讀書, 否則點解我同你既認知會差咁遠
係香港讀左咁多年書, 每篇文言文都會有附白話文既解釋
最多最多, 就只係學校老師要你背默出黎
你唔背默, 就只係無默書果個分數而已
到測驗考試, 就算去到會考, A level
考到文言文, 都只係問返呢個呢個係乜意思, 有乜野睇法
又係用白話文答就可以
所以扯咁遠做乜, 充其量而家既學生學既就只係一篇用文言文寫既文章
唔鍾意既, 直接睇白話文解釋, 一樣可以

其實係討論區 我係真係想有thought sharing 唔係單純講完我睇法 你有你睇法就完左
我至少都有metric講到少少客觀上對大部分人無用 如果我講嘅地方無錯點解文言文仲要存在喺必修到?

你咁講 廣東話都冇用 allin普通話好過

文言文都學唔掂係要篩走下
可以篩走d無理解能力既人上唔到U, office 請人都輕鬆d

好，交流下
咁你對我#206 #219講嘅嘢有咩睇法

可能寫得唔清楚你唔明我講咩
我咪就係想講因為所有教嘅文言文都係要白話文加註釋先可以比學生理解到
文言文呢樣野其實連進入學生視線都唔需要

文言先係用靚字既精粹

屌佢老母 拉低晒平均分

因為所有教嘅文言文都係要白話文加註釋先可以比學生理解到

You sure?

#206
"學文言文係講緊文言文入面嘅訊息"
我講咗如果係想學入面嘅訊息白話文已經足夠
文言文唔需要進入學生視線 要進入都唔應該係考試範圍

#219
我認同你"文字語言係用嚟傳達知識道理"呢句
所以我更加偏向學生唔應該學文言文
你鍾意睇原典係你嘅事 如果你重視知識傳播 文言文係brain twister 上邊有段講咗
文言文呢樣精簡載體係浪費所有學生時間

的確唔應該背，其實宜家科技咁發達，仲要人背野根本就係落後嘅教育。m2都發三角函數公式比學生啦，根本普通數學都應該發定理比學生，或者直情open book，甚至允許學生帶小抄。只要唔係上網問ai就得啦，主要都係考學生對資料嘅應用能力。

引用你個邏輯, 我諗數學好多野都無需要再教
學過function未

而且你對教育個理解完全係錯
教育既其中一個意義係知識既傳承

小學初中高中, 所有既學習, 都係為傳承更深既知識做準備
而你上面講到研究既學者, 唔係由石頭度爆出黎
而係一個一個由牙牙學語開始, 一步步咁學出黎

一、中小學教育用「有用」、「無用」去衡量價值已經係有問題

如果冇用就唔使學，中小學大把必修科同課題都唔使學，唔剩止文言文
喺呢度就唔評論點解啲人剩係捉文言文嚟講

如果中小學剩係講有冇用，應該全部人讀中專文
起碼每個人都學到「有用」既野

二、好多中小學學科同課題冇具體用途，而係一種無形訓練

正如DSE數學學Complex Number、Quadratic Function同Geometry
出嚟做野唔會直接用，但呢啲內容無形訓練到學生既思維同邏輯

唔好同我講將來做工程有用，因為唔係個個都係做工程，用返呢班人既邏輯，學生有興趣自己學咪得，點解要逼全部人讀數學？

三、香港中學學文言文係文化傳承

每個地方都會學本地歷史同文學，差在係英文文學、歷史定哲學
唔鍾意學文言文可以考慮移民，好行唔送