覺唔覺香港教育完全錯撚晒，中小學根本唔應該學文言文

同意你所講 謝謝你

中學教埋d以德報怨都好仆街

你有冇睇過原文

一係佢學校教錯 一係佢自己記錯

原因係語言係一路變緊，到果時文言文已經唔係我手寫我口，普通人唔能夠再用文字表達自己，所以要改。

類似既事以前唔係無發生過，駢文已經寫到無野好寫，句句要對句，又要用典，睇係好睇，但寫果個辛苦，所以古人都頂唔順要搞運動廢左佢變做明清小說/散文果種文言文。

d人研究賈寶玉個處俾左邊個，都有on9話係俾左呀仙子喇仆街，夢遺都計紅樓夢第6回賈寶玉初試雲雨情講明佢夢遺後食左個Y環，咁都要死話隻豬俾左仙子

人地改革成功，其中一個原因係承認自己文化，唔會完全唔要，將有用既保留，無用先改。

清同民國既改革，都唔講得明邊d要留邊d要刪，人地曆法就直接跟西式同世界連通，中國就搞到今時今日大家都仲用緊2套曆法民國請德先生賽先生，去左邊？咪又係咩都無

無辦法

成個民國時期都處於混亂狀態
根本冇辦法好好討論中國新文化運動應該要點走落去

新文化運動個光譜又闊
仲要搞搞下有班人走去搞政治
然後中國又唔知行咩衰運俾中共上到位

搞到中國依家一大堆匪語，又抓又打又咬

不能咁講，晚清，民國，中共三朝搞左百幾年既野都搞唔掂做唔好。淨係講語文改革，中共仲要引入俄式句法，變到更不倫不類。

因為真係有空間搞新文化運動得民國嗰幾十年
晚清時期仲行緊帝制，你期望喺獨裁政權底下可以搞到幾多改革

而中共直頭係向錯誤方向發展

我中學學
以牙還牙，以眼還眼

差咁遠...

依此邏輯，其實加減乘除都唔使學，有計數機得喇

日本咪又係帝制時改
詳細睇日本呢段歷史係好正，新撰組，薩摩藩，維新志士，到終於有共識，最後講既都係尊王攘夷，無放棄自己本身既文化，指明方向，大家合作，真正搞到現代化改革出黎。

成大個成功案例係到，照抄就得。但d人就硬係要加自己野落去，又唔跟人地成功既方法。

日本天皇年號（唔計令和）仲係典出漢文古籍
東大入學試都仲有文言文
唔會非黑即白全面廢除

馮睎乾講得好好 文言文教育有問題 不代表文言文有問題：

馮睎乾：日本大學入學試考文言文，你懂得答嗎？
https://www.facebook.com/share/16TJmz29MB/?mibextid=wwXIfr

人地係諗過邊d重要，邊d係好野，咁就保留優秀既文化。單係日曆呢樣野，人地為左同世界接軌，就跟西曆算。做生意既就會同人地有同樣既聖誕新年長假，唔會大家假期唔同有影響。

咁傳統新年要去神社拜下點算？咪照樣1月1日去拜，唔會又要整個舊曆出黎記住

如果呢樣野係中國做，要取消農曆，又大把人出黎屌

應該納入文學

教唔緊要 可唔可以係隔離譯返白話畀人睇
成日即係譯幾個字就算都唔知做乜撚

你知唔知文學讀咩先

中學level 都係得幾粒字唔明姐

既然由Day 1開始就錯
點解唔繼續錯落去?
要一班保守既所謂知識精英
承認自己有錯
係一件好艱難既事
正如某d人都覺得自己一貫正確

通常「以德報怨」應用場景前提係我可以終止紛爭，我就豪俾你止損啦。但人地明恰鳩你，咪會照樣恰你。

所以孔子話「以德報怨」太左膠，要「以直報怨」，「直」可以解公平正直/正當手段/矯直(改邪歸正)/直覺，我讀書嗰陣係解「直覺」(基於「父為子隱，子為父隱，直在其中」呢個直嘅意思)，即係直覺想濕佢一獲就濕啦

(當然有咩事上嚟，就會話你首先要做到君子先，君子有德行，直覺判決先正確，發乎情止乎禮，無叫你亂咁濕人...)

咁不過道家嘅「德」都可以係解「本性」並唔係「德行」，可以指無為，亦都可以係本能反應...即係想濕佢一獲就濕啦

其實你係咪都要濕人一獲，佢哋嗰個時空都無話唔好㗎，反正佢哋都唔會孭飛

但學校仆街起嚟可以好仆街，由於學生行為學校要孭飛，緊係叫你係唔係都做聖母，大事化小小事化無先啦，叫你濕人未必啱，叫你做聖母就一定無L錯/責任

而家呢個世界做好人
人地只係當好人係傻仔

帝制獨裁最大問題係好多決策都係獨裁者或者寡頭既一念之差

有人覺得革新就可以令政權存續
亦會有人覺得革新既話自己就冇埞企，寧願得幾慢得幾慢，直到自己失勢為止

日本係前者，中國係後者

通常批評儒家嘅, 都係攞明清嗰套當係儒家本體
真係讀過論語, 孟子, 大學, 中庸, 詩經嘅
就知同皇帝實行(扭曲)嗰套爭好遠