覺唔覺香港教育完全錯撚晒，中小學根本唔應該學文言文

Ching最尾拉咗咩grade岀嚟

其實而家睇返啦，我對於linguistics其實有少少興趣，有少少好似用理科嘅Mindset去切入一個語言咁樣

即係山旮旯，其實個意思就係喺山入邊要行99日咁樣，呢啲又真係幾得意，但係中文又冇教

重點唔係有冇時間串人

係講緊語文運用係應該識拿捏分寸

舉個例我想笑你水平低
怕你當場發爛渣，但我又想做到羞辱你既效果

咁我咪用啲高層次既串法，令到聽得明既人心領神會捂住嘴笑你，而你自己又冇足夠既語文水平理解箇中含義，從而證明你真係水平低

呢個只係其中一個例子，仲有好多運用既地方

冇文言文，個個都五星啦

中學中文只係幫你打下語文根基同接觸下文言文

好多野都冇學到

你唔明白，唔比D 0N9野你，過過都過關啦

個個咁識理財點得架

冇哂水魚韭菜，d基金佬/AA 點搵食

其實呢。。。我出黎做野無寫過一個字中文，希望你明白我同你既差距

用唔用得著就係睇你支筆有幾利，例如係一個莊重既場合，你要寫各位參加者有唔同既興趣就只會寫「大家有不同的興趣」，但我就會寫「各位雖趣舍萬殊，靜躁不同」其實隻隻字你都識，就咁同你講你都會大概明我寫咩，只係你文字根底不足，寫唔出呢句野出黎。而點解會識寫呢句野，就係中學時睇過下蘭亭集序，睇睇下就成段背埋，以後就識咁寫

嗯

我想知新加坡嗰套係咪都好似香港咁癲
新加坡人應該更加憎中文科，佢哋連日常都係用Singlish，有好多人好似中文都唔識睇

識人係用你呢個方法學英文，佢話係初中時睇大量英文故事書，於是佢話考試既時候就識得揀個岩既答案出黎（因為睇開知其他答案係奇怪），但唔會識解點解要咁寫。

你估下

B/C?

其實都好講天分

你叫我學晒文言文、白話文，我只會當咗做兩款同語系，但唔會語言嘅文章

我係同意夾雜文言，寫靚篇文係好睇好多，睇到好舒服，不過你要feed返相對應data畀我個腦，俾我知道點先可以咁夾雜用到，如果唔係我只會識我手寫我口，我自認文筆奇差

唔好話咩文言文 就黎唔識寫字
讀U加做幾年嘢
已經10年冇揸過筆寫中文字...

唔可以否認呢個世界好多野要上到一定高度就要天份，好似我識條友最後係去到數學phd，條友話以前考maths係唔背公式去考，我就黑人問號，點可以唔背公式都有條公式去計數？佢話：唔背，咪現場推條公式出黎囉

我同佢既中文同數學係調轉，我d數學就係樓主既中文咁，應用唔到，只識背出黎。但真係勁既人根本就明白條公式點黎，可以靈活運用。

考maths唔背對我嚟講都make sense
我雖然識derive，但都會背，因為考試嚟講，爭取得一秒就係一秒

中文對我嚟講真係好難，我試過跟啲公務員公函手冊寫篇email，結果文縐縐到我都睇唔過眼，del咗成篇寫低級中文/英文算

好嘅文筆今時今日唔易見、唔易學
除非真係咁有心去浸啲近代文學

咁有冇用

咁啱睇到講林夕嘅片。
有文言文嘅根底，想寫得一手好嘅白話文，又或者寫歌詞，就會手到拿來。夕爺都講佢背詩詞背到滾瓜爛熟，所以我諗因為咁，佢寫詞就自然而然就諗到啲字詞，諗到個意境；
就好似有古典音樂底，寫流行曲更得心應手，融會貫通（陳輝陽係表表者）

雄兔腳撲朔，雌兔眼迷離
咁你咪識左撲朔迷離呢個成語囉

同埋其實d課程設計係有諗過點解要俾呢d課文，可能佢係想要學生學咩叫樂府詩，可能係想學生學某d修詞手法。將咁多篇範文加埋，就係佢地想一個學生中學畢業後想個學生係呢科識既野。

以前都好似你咁諗

覺得通>明>背，但大啲識多咗教育心理學同語文教育之後其實有啲倒果為因。近年多咗研究係話畀小朋友背下書，咁大腦某啲區域發達，先可以做下一步嘅訓練。不過因為早二十年前推倒填鴨式教育係個潮流，所以考評角度上範文就變咗箭靶。

引經據典點都有個層次，因為學生角度總會唔明都噏到兩嘴。師兄會從咁嘅角度批評，都係因為已經進入咗下一個層次，識得批判或者從史學、文學角度分析。之但係考試/教育始終存在篩選功能，一班三十個學生總會有人係唔會明，咁直接同佢思辨，定畀佢地背書睇咗reading 先，邊樣先真正solid d？

互聯網時代背書唔值錢，ai 時代連分析都唔值埋，到底點樣訓練大腦先係最好呢？東京大學入學試仲有考漢文，英國啲細路叻啲嘅都會睇定莎士比亞、狄更斯。好嘅文章應該經得起時代歷練，睇蔣蘍嗰啲講蘇東坡一啲都唔過時。香港依一百年嚟得天獨厚反而繼承咗大陸失傳嘅一啲中國文化（好似係），係咪一啲傳承價值都冇？粵曲、南音、嶺南文化、對聯、古詩、古文格式依啲日漸式微，都真係時代大勢，不過到依個層面其實就已經係現代化，西化問題，全世界都面對緊

呢個post見證連登真係好多小學雞中學雞