【語重心長】投資新手或者唔想再做傻散嘅入一入嚟（7）

請問點解唔好出出入入

你讀下個 post先，#1已經有講，條 pinned link 都有講

10%係扣通脹前定後？扣完通脹，而固定投資比例嚟講MWR有7%已經好撚勁，正常扣完通脹都係預4-5%

投資唔只係講每年賺幾多，你有恆心賺到幾多年都好影響你 final asset value，你 compound growth 一定係最尾幾年先賺最多。所以個重點應該擺喺你可以 keep invested幾多年，減低中間心理壓力唔會 panic sell

XLK呢類 sector fund睇呢度
https://expensive-middle-c07.notion.site/QQQ-VOO-df1dd4ae552446d789b1e26ebacc977c?pvs=4

同埋唔太建議全美股
https://expensive-middle-c07.notion.site/vs-e64fe5995f59424d87d6feec70183cff?pvs=4

感謝師兄！我岩岩睇哂你寫個page好好，希望可以繼續 請問你唔建議全美股，VT其實美股都佔好多，如果買voo+ vt又好重覆做唔到risk diversity，你係點分配買非美既野？

我由上年11月開始月供voo，就係咁跌唔知話黑仔定咩，雖然知長線係dca，不過買極都跌有少少心理壓力。同埋成日都好似向唔岩時間買野，早排又係向4% 左右買10年US bond，然後上到4.7% d 位又唔敢入

定係其實我要堅持每次買入股時，就要同時買返相對應既債，咁樣去做80:20？

雖然睇左幾本書，包括「持續買進」，不過當大家都講緊而家cash is king時就會好doubt 好廢呀我

就咁買入VT已經全球分散，再買voo就集中晒美股

跌市當特價時段執平貨，遲早升得番上去

Keep住就得 個心態睇長遠啲 唔好太nearterm

放心 跌到咁上下既時候 隔離津路巴就會出黎穩定軍心

感謝，個 page 好得閒就會打兩句

你淨係買VT唔好買VOO咪唔會重覆囉

雖然知長線係dca，不過買極都跌有少少心理壓力。同埋成日都好似向唔岩時間買野

證明你唔係 time the market 嘅料，初頭有少少心理壓力好正常，你要諗會唔會個組合會唔會其實對你嚟講風險有啲高，尤其而家比起真股災都唔係跌得多。同埋提高自己投資知識都可以增加 risk tolerance

定係其實我要堅持每次買入股時，就要同時買返相對應既債，咁樣去做80:20？

可以，rebalance 呢家嘢間唔中有做就得

不過當大家都講緊而家cash is king時就會好doubt

同你講呢啲嘅人發咗達未？咁有信心會跌唔買put / 做short? 有平貨你就掃啦

了解，我做做下research無聊問AI意見，佢叫我買VWO做diversification

想問下市場係唔係真係全有日子都咁難預測，例如之前疫情公佈或者如果當日失業率比預期高上2%或者發動戰爭等等，當下即刻買跌，基本上冇可能回升轉燈吧？一定瘋狂拋售，除非突然政府宣佈救市。

係唔係其實會有啲日子都估到，或者係有啲日子短抄有正嘅期望值？
定係真係市場完全有效率，所有都price in？

呢個諗法有冇咩漏洞，如果證明到我呢啲諗法係錯，會對長線投資唔操作更有信心🙏請指教一下

即係我又諗緊，個個都話前景唔明朗，咁如果走去買唔升穿前高位或者買跌5%唔係正期望值咩，理論上個個短抄嘅人都會咁做，其實係咪則係同長線投資者對賭緊？

想請教下樓主，我問chatgpt砌個以VT為核心既Portfolio
佢首先俾左以下呢個建議我（圖1）
跟住我問佢想要再risk diversified d，同埋高d sharpe ratio，佢就俾左第2個組合我（圖2，3）

佢就話第2個組合會好d

以分散風險同最大化風險調整後收益黎講，請問你點睇邊個組合會好d，定係可以再點修改？ 謝謝解答

明白

我應該會加返20% 因子ETF
但咁啱睇清水君套model, 好似AVUV 加埋QMOM 有更美妙嘅反應

所以我諗住各10% JJ老師你點睇

VT已經有包括 emerging market，要分散嘅話我覺得因子/債/managed futures 仲好，除非你有咩特別理由要overweight emerging market

呢啲做法講就凶狠，做就碌撚

例如疫情公佈，發動戰爭呢啲事都唔係突然之間發生，一定係之前有個build up先（例如疫情嗰陣時急跌，但武漢已經有案例好幾個月。俄烏戰爭正式發生之前美國已經通咗水），咁會唔會係之前個市場已經慢慢 priced in咗？就算我當未 priced in哂，你諗住點樣鬥快？買個bloomberg subscription 返嚟日日mon 住個市然後鬥手速快，十秒內估算到市場應該點樣消化個消息然後去long/short? 你嘅市場知識足唔足以俾你咁快諗到個市場點樣消化？

如果係正期望值，咁個風險係幾多？點決定betting size?

呢啲嘢要做嘅話，概念上冇問題，實際操作複雜到只係大戶先至做得嚟

對於市場嘅複雜性，我覺得呢篇threads舉嘅嘅例子幾好

https://www.threads.net/@make_investment_easy/post/DHv-d9nhheI?xmt=AQGzOqBaBEEDvHDGT7ZXTx33t-O3RDxKRX46vahilXV5uw

你對市場機制認知不足嘅話，你就算反應夠快，你都未必估得啱市場走向

你都仲係覺得好易做嘅話，你可以拎5%錢開個subaccount試玩下，然後過一排再對比你長線投資嘅嗰個帳戶嘅表現，好快你就會發現你咁做alpha係負數/絕對回報更低/Sharpe ratio更低，仲要嘥咗好撚多時間

咁你 hold個short position 幾大幾耐？會唔會 stop loss？（因為總有一日前景會明朗返，長遠始終有一日會升，你都係要 close你個short position），點樣做stop loss？呢啲嘢你全部都要有個系統解決，唔可以憑feel㗎喎

謝謝你的解答

咁係唔係即係其實係正期望值，只不散戶冇時間或者知識去做。

唔使投行，一啲普通嘅全職炒家都做到。

咁例如1987年黑色星期一是指1987年10月19日星期一的全球股災，再極端啲嘅例子，一定有啲日子係連續跌可能五到二十個percent小反彈都冇，係咪真係無腦short就可以，係咪就算長期投資者或者散戶都應該即時鬥手速反short，定係都係照唔郁先係上策？

Typical allocation啦
但係拆咁多件我覺得可執行度比較低
另外都要講下你風險接受能力有幾高
講到尾其實好多資產都有返咁上下關連會一齊跌

想問下如果喺長債同短債之間比較 邊個比較好？
因為我見短債etf 例如 bil 呢d 價格嘅波動會比tlt 呢d 少
而且長債價格同股票價格一樣 都對利率敏感
如果加入債劵作用係平衡profolio波動
會唔會使用短債比較好？

我個人覺得跟風呢招係正期望值，其實咪即係 momentum trade，個問題係實際操作咋嘛，你點樣定義邊啲嘢係真係 momentum ，邊啲係noise。真係有 trend/momentum 嘅話幾時會reversal，全部都唔係咁易㗎喎。你點樣定奪個風險從而決定擺幾多錢落去

散戶嘅話如果係長線投資者平時都唔係幾睇個市㗎啦，真係知道暴跌嗰陣時可能已經太遲。

題外話呢啲做法其實同managed futures 好似，不過managed futures單純quantitative ，唔會理實際發生咗咩事

個AI 算咁上下，俾着係我可能唔會留緊急開支以外嘅現金，亦唔會買黃金同REIT，呢兩個都可有可冇

你用個backtest網會好過用LLM

好，我再backrest 比較下，唔該哂