一樣都唔中,媽子要求俾1/2糧。
一開始有比1/3糧,今年開始一蚊都唔俾。
當初讀HD屋企人唔支持,自己堅持要讀,一路返工一路讀書,連grant loan既學費屋企人都私吞左。
而家細妹準備DSE,係屋企大大聲講「唔讀書邊有出路。」
仲話供佢去日本讀。
嘩
最憎偏心
我中5畢業就出左來做野,一直俾都係1/3糧做家用。
有一次想讀啲短期課程,每個月俾2/3家用,叫媽媽幫手儲起佢。
2-3個月之後問媽媽羅,佢唔俾,「水電煤租唔駛錢,讀咩書,有份工咪幾好。」
跟住中5班主任建議我借grant loan去讀HD/ASSO,於是我又同媽媽講左一次。
佢反對,直到全家族一齊屌佢先唔再出聲。
結果學費自己搞掂,老豆幫補左5000大元。
係成個HD期間,媽子話怕我用左啲學費,要求啲錢過俾佢。佢吞左2萬唔俾返我。
畢左業之後搵左份勁雞既工,10K一個月,還關loan2000,媽媽要求5000家用,話淨低3000乜都夠駛。
之後好睬轉左份好啲既工,頭2年睇心情俾家用,直到阿妹準備DSE,我又想讀啲短期課程,我問媽子會唔會借幾千蚊俾我讀,佢又鬧我點解又想去讀書....blablabla
1. 你借幾千俾我讀書,我會照舊俾家用
2. 你幾千都唔借俾我,我唔會再俾家用
有腦既人都識揀,幾千蚊,2個月家用乜都返曬來。
為左阻止我讀書我媽狠到話唔借,事實我有錢讀,都只係想試下佢...
我真係唔想俾家用屋企,覺得自己受到好大委屈。