UK 租樓買樓攻略 (12)

Luton 只係個example 姐
我知道有其他city 成本低好多，
所以想先了解清楚高成本的London 其實的生活
當中有冇啲低成本的地方選擇
我個人想住d清靜啲嘅地方，同埋小香港人嘅地方
當然都係要睇將來工作，決定最終落腳地

首先要知你住嘅budget, 同你份工你估計, 會係咩收入 (稅前)

假設個人真係無欲無求，最後都係要睇你喺嗰個城市搵唔搵到工。靠把口嘅工就唔輪到我哋。我有朋友個專業喺英國唔存在，喺紐卡素係全職嘅最低時薪都搵唔到，要兼職最低時薪。紐卡素都唔算細㗎喎。

掉返轉，就係好多香港人嘅專業喺英國唔存在，又知喺小鎮搵唔到工，所以喺城市嘅勞力密集工作場所會見到好多香港人。而又再調轉，如果你個專業係存在嘅，哪怕係倫敦你返工都撞唔返香港人。

而香港人你喺行超市以外嘅日常生活係唔會見到，除非你有心去港式餐廳以及去香港人群體搞嘅活動。

所以最建議就係上 LinkedIn 睇下你嗰行嘅工喺邊頭多啲先，唔好喺度諗咩香港人專呃香港人所以唔想見返香港人呢啲衰嘢，你識英文嘅話係冇嘢會幫襯到香港老闆，除咗東亞式餐廳同超市。同時呢度乜種族都多，最少就係香港人。

同上面個個講嘅差唔多, 我在引身講多dd

無香港人或asian 嘅小鎮, 除時係連亞州超市都無. 即係你連買米都會有問題, 先唔講其他亞州類嘅食材. 附近Tesco 個啲英式超市就更家唔會carry. 咁你得番一個選擇, 就係onlne 買寄黎, 咁當然又有運費. 又或者一次過要買幾包夠免運個下限...

無香港人嘅地方, 無你諗得咁易生存到.....由期係剛到步

多亞裔嘅地方，連鎖超市嘅亞洲食品就會大，反之就會冇。我有朋友住冇亞裔嘅中型城市，Sainsbury 係幾乎冇亞洲食品，蠔油同泰國米（5kg青龍）都冇，得雜牌豉油同自家品牌 52p/kg 最 cheap 嗰隻垃圾米

有車咪ok 起碼米同醬料可以買定一堆 菜就得椰菜 西蘭花 三色椒
冇車真係自求多福

未嚟英國嗰啲可能諗住煮西餐都搞得掂 鬼佬都係咁食 但試過就知唔得
工作需要最長連續住過兩個禮拜酒店 包三餐但只限酒店同公司飯堂 住到第三日都feel到自己唔係好頂得順 尤其沙律真係好難食 啲菜煮下唔得嘅

其實我講解咁多, 係見佢嘅要求走左個極端. 我驚佢做錯決定. 由期佢對英國實際環境唔多認識.

係治安呢個範疇, Luton 只係一個例子, 但係個例子係適用於所有住屋較廉價嘅地區, 佢平就係因為佢治安差. 而英國嘅治安差唔係市容差或者多幾個道友. 而係真係有危害到生命案件係個度頻繁發生. 所以先個度會住得平.

係交通方面, 英國嘅交通係極度地貴. 由期係倫敦同佢嘅鄰接地方. 貴到一個點係你慳埋屋租都未cover 到個交通費. 而呢方面好多剛黎香港嘅人係overlook 左呢個費用. 呢度嘅公共交通仲要貴過10算個陣嘅日本. 而倫敦仲要貴埋係楂車, 因為入城費, 排污費, 拍車費, 隧道費係一個 significant 嘅費用, 有別於香港人住係香港理解嘅交通費.

係無亞裔人嘅小鎮地方, 對初到步者係極度不友善, 就好似上面講嘅, 你買米都會有問題. 老實講, 你好難完全離開無亞裔人嘅地方居住, 因為係真係會完全改變你每日食嘅食物. 蜜月期只會last 一到兩個月左右, 一過左就會好難挨.

而最後, 係開支嘅問題. 係英國住係邊, 係邊度落腳, 係完全取決於你嘅收入. 而收入係基於你嘅職業. 所以黎之前係一定要理解呢度嘅就業情況, 你識嘅野, 係可以搵到乜野工作, 同有幾大機會搵到. 而低收入嘅工種, 係全國同價. 但係每個城鎮支出就可以好大分別. 亦所以需要計算收入是否可以足夠住係某一個城鎮內. 呢個概念又係同香港好唔同, 因為你住係香港, 其實more or less 差無幾個銷費. 呢度係可以好大分別.

近London又平自然係理想嘅落腳地方，人同此心，又點會少香港人？真係有呢啲地方你都未必敢住

London周邊城鎮感覺上係比較適合財政充裕、半退休、打緊香港工、或已經搵到WFH工嘅人，要盡快搵第一份工嘅人就未必太適合，交通費用同時間係最大問題，揸車要考慮塞車、泊車同路費，搭火車要考慮埋接駁，除非你住火車站附近

另外亦都冇必要去避香港人聚居地，响英國街上遇見香港人同你响香港遇見陌生人係一樣冷漠，冇人會理你

香港人揀得嘅地方多數都係好區 正正常常唔洗擔心治安住得人 前人已經揀左俾你睇 洗乜避
同埋其實好難撞到 除非話接送返放學 去超市 行下大街有機會撞到 其他時間都好少機會

笑死
其實有冇資料知道英國唔同地方的生活指數
因為諗緊先係倫敦落腳，之後睇吓搵到咩工作再搬

同上面講嘅一樣, 你必須要係你plan 住邊之前, 要知道你自己租金個budget, 有幾多錢帶黎 , 同你預計搵嘅工有幾錢. 即係話你需要 research 當你搵緊工咁運作, 睇下會搵到咩工而預測搵到幾多錢. 如果真係完全無頭絮, 會直接當你搵最低工資11磅一粒鐘咁去計.

你無上面呢3樣野嘅話, 我差唔多可以話你聽極高機會係因為入不乎支而敗走. 呢度最貴嘅係交通同租金, 之後就係電水煤council. 食反而唔貴,因為你有得揀. 上面講個幾樣你係無得揀, 硬食嘅.