UK 租樓買樓攻略 (12)

梁潮偉 · 2025-01-13T18:14:24+08:00

繼 UK電話sim 卡攻略 https://lihkg.com/thread/2939881 之後, 我想有一個完整d 既post討論租樓同買樓. 我開呢個post, 只係開一個平台, 開個頭, 比有經驗既人去分享. 任何人有經驗既都非常歡迎幫手回答新手問題. 如果係下面個FAQ 有咩你覺得錯既, 亦請指出錯誤, 核實後會係下一個 post 修正. 不論任何情況, 先睇左首post 先做任何決定係你問有咩屋啱你租/買之前, 請睇下面其中有一個section 係推介系列. 好大機會係會搵到你想要既budget 同區份. 先睇左個個section 先. 無的話, 你如果想要呢個post 既人幫到你搵屋既問題, 你先要提供以下資料, 先會有足夠料去幫你諗 1. 租房或買屋既 budget : 2. prefer 地點 (London, Manchester, Birmingham, Nottingham...etc) : 2. 你需要幾間房 : 3. 你要 apartment (leasehold) 定 house (freehold) (租屋的話可以skip 呢條問題): 4. 番工的話, 你可以承受既commute time 係幾長? (0.5hr , 1hr, 1.5hr) : 5. 需唔需要睇校區? 小學定中學? : 6. 你會點排優先 (價錢, 校區, 治安, 交通) : 舊post 1. https://lihkg.com/thread/3022903 2. https://lihkg.com/thread/3043052 3. https://lihkg.com/thread/3114885 4. https://lihkg.com/thread/3187643 5. https://lihkg.com/thread/3187643 6 https://lihkg.com/thread/3365198 7 https://lihkg.com/thread/3443108 8. https://lihkg.com/thread/3555364/ 9 https://lihkg.com/thread/3636475/ 10 https://lihkg.com/thread/3710375 11 https://lihkg.com/thread/3767821 ------------------------------------------ 係揀租樓或買樓之前, 我想先講左揀去邊個地區先. 黎Uk 會Full pay 買樓嘅人, 佢地生活負膽係低好多好多. 但係對於唔係full pay 黎uk 嘅人, 係需要先理解揀地區嘅重要. 先要識一個概念叫Disposable income. 即係每月人工減去你每月嘅固定支出好似屋租, council tax, 水電煤等等. 你淨番落黎嘅錢叫Disposable income. 因為發覺好多人係揀錯地區落腳. 揀錯區所以生活會變得好辛苦. 倫敦唔係必需去嘅話, 唔好去 . 如果你係第2個地區disposable income 係高過你住係倫敦嘅話, 係完全無理由住倫敦. 倫敦並無任何野好得過其他2線city. 未來前景亦真係唔洗你落腳個刻就諗. 因為對於UK僱主黎講, 你係白紙. 倫敦喺未來有幾咁好前景, 你都先要攪得掂而家. 而你現時只係一張白紙仲要剛剛落機. 你係倫敦做張白紙同係曼城做張白紙, 收入係唔會有分別. 好多工種係英國好多2線city 都係同倫敦同價錢. 咁如果度度都係俾個個價嘅話, 自然住係支出最少嘅地方就最著數. 一定要先做左 research 你嘅經驗係呢度搵到乜野工你先好諗住黎UK. 唔好完全無準備就黎. 一定死. 好老實講, 對唔係full pay 買樓過黎嘅人, 生活環境確實並不友善. 先講呢度最低工資係£11 (8月2024年), 即係稅後約£1666 一個月. 要係呢度生活正常而過得開心嘅話, 你其實選項得幾款 1. 單人過黎, 你無專長, 唔係專業人士. 你要預左自己會由最低工資做起. 即係£11 一個鐘. 呢個收入, 千期唔好去倫敦. 因為倫敦太高銷費. 就算你有人同你share house 你都會過得比其他人窮. 我會建議去Manchester, Birmingham , Nottingham 呢啲地區. 因為最低工資係邊個地區都一樣. 即係話你搵個洗費最低嘅地方就會住得最舒服. 建議係Manchester 搵人合租2人房或直頭住share house, 一間連私人廁所嘅套房. https://www.spareroom.co.uk/ 呢d 套房最大嘅好處係包晒bill. 好多時£600 係全包連埋上網. 即係你最少仲有£1000 disposable income 一個月用就好好洗. 你搵多個人同你合租2人房嘅apartment 嘅話, 洗費會略高於你租套房, 因為所有bill 你要自己俾, 不過就成間屋都係你嘅, 你同人合租嘅話你預每月disposable income 係約£800. 2. 單人過黎, 你google 過你嘅profile 係會搵到高過最低工資嘅工作. 你有做過research 你知你嘅工作經驗係搵得到£2000 一個月或以上嘅. 去Manchester, Birmingham , Nottingham 呢啲地區. 租一人房/Studio 嘅apartment 約£800 一個月. 另加£400 係council tax, 水電煤. 你預你每月disposable income 係約£800+. 3. 單人過黎, 你係做IT/金融而有3-5年或以上工作經驗. 或者其他你做晒research 知道係英國係專業搵到食嘅職業, 搵到£2500 一個月或以上嘅, 可以選擇去倫敦. 係可以選擇, 唔係叫你去. 因為仍然係睇份糧係咪高到可以cover 到你可以住係倫敦. 如果其他區offer 嘅人工 - 該地區洗費係多過你係倫敦嘅話, 你係無需要去倫敦. £2500 - £3000 月薪嘅租share house, 一間連私人廁所嘅套房, 約£800-£1000 不等已經包晒bill 包埋internet. 另外一個方法係搵多個人合租2人房嘅apartment , 洗費會略高於你租套房, 因為所有bill 你要自己俾, 不過就成間屋都係你嘅. 雖然計數就係話你有£1500+ disposable income 可以洗, 不過倫敦不論地鐵定係話食野都好貴. 而且誘惑洗錢嘅地方係多好多. 你每個月袋住呢£1500 都要小心地洗. 4. 單人過黎, 專業人士, £3500 以上一個月. 你可以係London 租間單人房住, 約£1400-£1800 不等. 另加£400 係council tax, 水電煤. 5. 兩公婆過黎, 要2個人都做野. £2000 稅後per head 人工嘅話住係非倫敦區. 可以住Manchester , 約800-1000 一房可以住係啲prime location. 2房就可能要次一等治安嘅地方. 會recommend 屋租control 係£1000 左右, 另加£400 係council tax, 水電煤. 咁生活上就無乜大問題. 6. 兩公婆過黎, 要2個人都做野. 稅後£3000 per head 人工. 加埋即係有£6000 稅後收入. 可以選擇住係倫敦區搵啲2房嘅flat 住. 約£1800-£2300 不等. 另加£400 係council tax, 水電煤. 生活問題不大 7. 一家大細過黎. 因為小朋友都要住, 變左你最少都要有2房. 一仔一女嘅除時要去到3房. 變左洗費係高. 2公婆需要同時都做野. 一定要靠breakfast club 同afterschool club 黎work around 接送小朋友嘅時間, 好大機會一個番早班另一個番晏小小. 2個人稅後需要 £2000 per head or more 住係非倫敦區. 因為起標都2-3房, 我會recommend 屋租control 係£1200 - 1500 左右, 另加£400 係council tax, 水電煤. 以上係跟據呢度嘅洗費, 得出黎你會住得最舒服嘅路徑. 唔好越級挑戰. 你可能會做到, 不過你唔會生活得開心.

梁潮偉

568 回覆

16 Like 2 Dislike

無芝麻仁係蘑菇既 2025-02-20 18:42:18

BNO係香港有國安法同香港人繼續有錢情況下唔會搞
依個基本上全朝共識 TBH 得廿萬我就好唔建議過來香港都生存唔到來一個更加難生存既地方為咩儲到四五十萬我覺得可以開始討論下係味真係要來

我身邊其實多左人講想番香港英國相對CA少但都開始有聲音自己好好諗下我無咩Comment

畢仕仁 2025-02-20 18:53:22

佢講法可以好大條道理，就係要嚟嘅都已經嚟咗，除非係放監香港人，否則 2026 要嚟好嚟。烏克蘭都係咁改，冇話冇可能，即係預咗有落閘嘅一日啫，唔好大安旨意想 2047 先申請 BNO VISA，我都唔敢講幾時落閘。

視乎香港搵幾多同埋係咪住屋企，如果香港都係自己租屋嘅其實過嚟都唔係問題。我早排分享咗我單人 shareroom 嘅經驗，雖然準備咗幾十萬港紙準備要燒，但係其實起步燒咗幾皮㗎咋，之後已經搵到工燒薪金。只係位巴打諗住攞廿皮去倫敦燒先嚇親在座各位啫。

難生存就唔會嘅，不過悶就一定。我哋呢啲全日制網民就當然冇乜所謂

，鍾意歐遊都好。好多香港人鍾意行街、去日本嘅就會悶死。

無芝麻仁係蘑菇既 2025-02-20 19:00:58

26 - 28年三年一個Cycle 應該會係香港經濟最差時間之後平穩地差定向番上少少就真係睇中美關係 / 中國經濟通縮完結未我自己唔太覺得會番到去18時期樓市shall be 26/27最差

我覺得任何人走同唔走其實都係要諗三個問題
1 香港宜家份工夠唔夠穩定而且多於四至五萬
2 係味公務員而且起碼EO級數
3 假設宜家走一兩年後頂唔順要番歸就係香港經濟最差果期點自救

其實諗完依三個問題再望下自己儲蓄就已經解決左好多問題

同埋拿完BC番歸到時仲有無你位置起碼公務員已經無份

外勞其實係一個好大既問題其實香港人工係真係唔值咁貴英文我地唔得我地有既優勢其實係制度同法治但當我地慢慢愈來愈做更多東方生意其實依堆野就無曬價值一個市場人工就會慢慢向下調去尋價

到時你先番去搶櫈仔仲有無位你坐呢

望貓止渴 2025-02-20 20:41:30