UK 租樓買樓攻略 (12)

仲有, 到你係london 真係攪唔掂, 你撤去north west 嘅話, 都仍然要留錢係袋, 因為搬屋, 重新租過, 租屋要先預繳 deposit 半年-1年等嘅問題, 你唔留番10靚-20萬港幣係身係攪唔掂.

我好似唔記得講, 呢度你租share room 就唔洗預繳咁多deposit, 你租apartment 獨享嘅話, 你新落地乜history 都無, 你預最少人地問你先預繳半年到1年嘅屋租. 而一年預繳係差唔多對我地呢d bno 人係standard 咁制... 我當你london 攪唔掂撤上north west 計, 800磅一個月租studio, 你要租到先預繳1年屋租. 淨係呢度都講緊 9600磅. 你個25k gbp 績蓄無左接近一半.

我估你未必有能力先落腳london 再唔得先去north west. 你由london 搬去north west 個下你就已經要搵人課金俾你先掂.

上northwest 都share house可以頂多陣

總之一個人嚟唔多錢Fing 嘅講話份糧年薪唔夠月租30倍都唔好獨立搬出嚟住，touchwood半年倫敦半年north west都頂唔順要返香港都仲有錢淨

佢條數約莫係咁. 儲蓄£25k. 佢有top up 學歷, 不過唔屬於專業. 我估初到步, 都係由最低工資儲經驗上去. 因為呢度一係專業藍領, 一係專業白領先搵到錢. 2者皆非嘅話, 又要係英國無工作經驗, 100% 由最低工資玩起.

去london 的話, 佢預一年時間, 唔得先北上. 即係話要計一年係london 嘅洗費.
london 洗費:
1. share ensuite room 連所有雜費+wifi - £1000
2. 買餸 + 基本日用品 - £200
3. 地鐵費開頭唔洗日日走黎走去, 應該可以壓係£50內一個月.
4. 手機月費 - £15
5. lunch 都係屋企食, 慳埋.

即係只計生存, 費用係london £1265 一個月. 佢預留係london 一年. 即係如果真係要北上嘅話, 即係一路都搵唔到工齋銷費, 係london 一年合共£15k. 個袋淨番£10k.

如果得番£10k 先開始去north west 嘅話, 開頭share room deposit 3 個月用左£1800. (我當你無任何家檔要搬) 個袋淨番£8200. 係north west 你一定要有車, 一架平平地嘅都£4000. 初黎嘅燕梳£1000 到 £2000 不等. 而歲數係20尾嘅話, £2000 應該係無乜點走雞. 年紀過40歲先會埃番近£1000 個邊個個range. 連牌費出架車連保費無£6500 即係話, 淨番£1500左右係袋最終.

咁計嘅話, 要係預繳share house 屋租個3個內一定係north west 搵到工, 否則連機票錢回流香港都無.

壓力會勁大, 因為你真係數住日子咁生活 , 亦所以我估佢應該無能力先留係london 再諗.

為乜咁多人想去倫敦打min pay

想一邊打min pay一邊搵倫敦本行工既唔住倫敦都搵到
搵到再搬落去咪得

定係貪想住大城市vibe ? 但打min pay點afford 得到London 既享樂？

定純粹懶有型 聽人講有料就要住倫敦？

我估主要係去多人唔知london 係住個度同交通費係咁貴.

係香港住開嘅話, 係唔理解呢度嘅車費係點運作. 老實講, 住london 嘅話, 基本門檻一係有自己full pay 嘅屋, 一係就真係專業, 搵50k+ 一個月. 否則只係生存, 唔係生活.

情況其實係有啲似黎香港嘅專材. 我地可以食屋企住屋企係唔會覺得貴, 仲可以年年去日本玩添. 但係佢地乜撚都無要自己俾個陣, 個皮費就堅貴一樣.

我因為係中坑, 我保費長期都係600-700 嘅range.

不過我確實有朋友個仔, 初黎到第1年, 係俾2k 保費, 架車好似約10000 磅咁上下. 0 NCB. 個個朋友個仔20尾.

咁當然, 係真係睇埋車價, 會影響到保費.

如果後生起倫敦都搵唔到工(唔係講緊穩定有工開但剩錢少個種)，去平啲嘅地方唔會好得去邊

唔係特別專業嘅白領工(aka年收30-50k)見到住得遠直接唔見寫肯relocate 都無用

問過啲build to rent, 依家都要親身睇同簽約
想出發前搞掂住都唔得...
睇黎都係要搵agent 幫手

問過幾多間？之前我問過4間都係得一間知道我未到埗就唔睬我. 其他都肯拍片或影相俾人睇樓，簽約更加係online搞掂

north west如果揀manchester可能唔駛車嘅
但係有啲工會問你有冇車 冇車會唔考慮
又或者返放工要轉車/逼tram搭好耐
冇車你搵工搵樓個範圍都細好多

所以好睇自己邊行，同埋公司會唔會出架車畀你，當然唔出公司車而用自己車都會有相對額外嘅津貼。上嚟問功課最好係已經自己做咗功課，只係真係想問下住緊嘅人嘅意見。既然自爆做邊行又唔好，咁就要自己睇 LinkedIn 先。嗰個地方有工你咪再問下嗰個城市有咩方法生活。呢度意見好足夠㗎喇。

我雖然都係廿皮儲蓄過嚟 North West，前期燒嘅成本都係幾皮嘢。開頭都係搵到自己嗰行喺度有工，之後租 shared room 所以免 deposit，再兩個月搵到份公司出車嘅專業藍領工，而家落地一年都叫買咗間爛屋。倫敦有咩 event 咪一程巴士殺落去，你話你嗰行係得 London 有嘅咁冇計啦。呢個國家 top up degree 都唔夠張駕駛執照有用

上面位巴打你上 LinkedIn 睇清楚先啦，有咩考量呢度各位都講晒㗎喇

我就係話, 你一係專業藍領, 一係專業白領.

呢度專業藍領, 我識好幾個, 都生活得好撚好囉. 我識個大陸人, 個陣幫我裝修. 佢係屬於初階個d level. 即係油天花板會攪到成塊面白曬d 下欄野都要做個啲徒弟仔嘅位. £4000 一個月cash, 無稅喎. 你用番正常職業計要俾稅嘅話, 係講緊年薪£65k. 係咪癡撚線? 不過佢真係開足7日工. 我問佢咁生活好咩, 佢話, 有幾多人有佢咁嘅人工? 佢錢多到無時間洗.

咁佢又無錯.......

又唔好咁講，逃稅咪撚制，仲要入籍㗎

我意思係, 做專業藍領, 呢度真係搵到錢