UK 租樓買樓攻略 (12)

租有獨立廁所嘅share house包埋bills仲慳

有冇巴絲打知道賣家嘅due diligence check一般要整幾耐？ 已經等左佢兩星期，律師仲未收到對方律師嘅回音

2個week 都好耐, 你要搵你律師再follow up

想請教下各位業主/準業主

你地會選擇買d 勁殘樓全爆裝過
定會貴20% 買間裝修正正常常就算？

let say 係400k 同500k 分別，個100k difference 夠唔夠重裝同可能加extension

殘樓全爆，你面對既 risk 係不確定性同預計唔到 - 有啲野拆左先會知道要做埋；攪既時間耐中間都要搵地方住又煩又要俾多一年租；builder 見你係華人又會大咬多筆
100k 想全爆加埋做 extension 大概唔太可行, 最少要 x2 （可能因為我係 London 係咁貴，其他地方唔清楚）
仲有既係全爆係好難同 builder 講得好清楚你想做乜同唔想做乜，去到中間佢又話呢樣唔包嗰樣唔包，到時又不停叫你加錢，你仲頭痕
利申受害者，後悔中

自己裝
好處：可以重新設計到啱自己心水 新裝第一手用家
壞處：要自己跟到足 要好多心機同時間

買裝修正常
好處：基本上做少少清潔就可以即住 之後再慢慢細執
壞處：住落唔啱心水嘅嘢要改會麻煩咗

暫時諗到呢啲

裝修正常算，除非自己做開裝修
時間係錢

我連埋approval 都搞咗成年
真係心力交瘁

我家下先知原來咁多人有玩全爆.

我3年前全爆, 係london 連side extension 係攪左80k. 不過, 我用左大量時間畫圖畫layout 解釋俾班工頭知我要點攪. 我係去到連layout, 3D 圖都出埋連埋屋內所有牆身顏色都已經揀好曬俾佢地睇. 廚櫃等嘅擺設都係用3D 圖出晒個廊俾佢地知送黎個size 幾大, 擺邊咁. 所有電掣, 燈位, 全部有晒路線圖俾佢地跟住攪. 跟住屋內network 線點樣入牆, 條線拖到去邊個位出, 都有晒圖. 即係間屋仲係爛容容個陣, 我已經起好左成份layout 同3D 圖成品佢地跟住整.

係需要好多時間跟, 而且亦真係要係佢地開工前就攪好晒90% 你要嘅設計圖, 等佢地無得再拗價錢, 因為day 1 就話左你知要咁攪. 淨番個10%, 就真係揭開左地板之後不穩定因素要執嘅野.

你搵到個好 builder 係你有眼光同好彩
做到中間俾人玩野走佬剩低個爛攤子，你都咪話唔心驚膽跳

我好想聽下你個古仔喎反而

連登或者 in general 網上既人都係 blame the victim.... 講黎咪自己出醜或者俾人話自己點解咁 on9....

呢個post 大部份都係得中坑睇， 無乜on 9 user 出沒。 你講個古仔出黎， 當做俾後人知點避

遲啲先，而家忙埋尾搬屋
如果你都係 London 甚至可以見面相認下就可以慢慢講

你整好晒啲野, 再講你單野啦.

見今日公司靜靜地, 我就講一單我自己嘅出黎. 個問題玩左3年, 到下個星期先埋尾整番好.

話説我屋企全爆, 咁啲熱水喉呀, 去水渠呀..係要拉過嘅. 咁呢啲野, 係香港都係整水啲師苦攪, 你唔會多問架啦係咪? 我都無問當然. 就出事啦. 上層係浴室. 咁自然會有熱水, 經過一樓地下, 落番地下. 去水渠係連廁所同浴缸. 即係沖完涼嘅水, 同屙嘅屎都係同一條水渠落番地下.

第1年搬入去嘅冬天, 就當每到嚴冬個幾晚, 我係地下有個位係會係天花板滴水落黎. 而正樓上就係浴室個位置. 咁正路得2個可能, 一係水渠有漏水, 一係就condensation (倒汗水). 係嚴冬個期, 只要沖完熱水涼, 10分鐘到下面就會滴水. 成個天花板係滴到濕左一塊. 咁無計啦, 搵師苦黎睇, 師苦劈頭第1句就話係漏水喎. 咁開撚左個一個大窿係天花板, 俾佢地開一缸水放. 佢睇住有無水滴咁. 無喎, 無滴水喎. 咁個窿就開左係度1年啦, 因為個陣睇已經3月中, 已經唔凍, 無滴.

去到2年前, 又到冬天啦喎, 又滴. 個窿擺左係度一年. 又搵人黎, 喂, 唔係喎, 真係得冬天先滴喎, 唔似漏水喎, 似condensation 喎. 咁我上網搵左d reference, 話透氣等佢個個位溫差無咁大, 應該就唔會滴. 就買左個呢啲排氣位裝係個天花板到. 油撚晒油又封番個天花板啦咁...



都係滴, 呢次無滴到落個天花板啦, 係經個排氣位啲罅滴落黎, 變左我仲要係地下裝個兜, 接住滴落黎嘅水, 仲on 9 左. 又去到3月中, 又無滴.

又擺撚左半年, 心諗唔係喎, 又就冬天, 係咪要攪啲咩攪攪佢哩. 又上網搵左個聲稱Condensation 專家嘅人黎睇. 收我2舊幾水. 佢開撚左個排氣位望左下, 入黎都無10分鐘, 就話會寫個report 俾我架啦. 2個week 後, 收到份report 話....有機會係condensation, 不過哩, 唔知有咩方法攪, 建議我搵個專家睇. 成份報告就係咁. 我跟手就打電話去屌柒佢, 我搵個專家番黎寫份報告話我聽搵另一個專家黎睇? 呢啲乜撚野報告? end up 退番錢. 我仍然係企撚左係度, 咁搵番裝修間屋個師苦黎, 佢幫我係天花板近住去水渠個位唧啲保暖foam 圍撚住個區. 啲foam 係會自己膨漲. 就會塞滿個度個個位等佢無風出入到, 無風就自然唔會有condensation. 再封頂而無油油, 叫我再觀察. 都滴..個個冬天, 只係無滴得咁誇張, 叫好轉. 又擺撚左一年.

到左啱啱個個冬天, 我約左幫我裝修間屋個大判黎睇, 我話唔撚得喎, 3年啦喎, 點撚樣先咁. 我俾錢你攪, 你總之攪撚掂佢啦. 你成個天花板拆撚左佢整過都得. 我諗住錢解決到嘅問題就唔係問題. 對唔住, 有啲野真係有錢都解決唔到嘅. 因為佢地真係唔知咩事. 我話會唔會係冬天沖涼個陣啲熱水經過條去水渠, 條渠又近住extension 加落去條大鐵beam, 一冷一熱所以condensation 呀? 佢搵左個叫老練啲嘅師苦黎睇. 又係劈頭第1句話係漏水. 我話唔係呀師苦, 得冬天先滴架咋. 佢好撚堅持, 開個更大嘅窿 (2/3度大門嘅size) 係個天花板到. 又放缸水試. 好彩佢試個日夠冬, 而且係6點後入黑左, 見到滴, 不過唔係漏水. 係倒汗水.

不過問題係, 佢睇唔撚到個源頭係邊, 靜係知倒汗水somewhere 滴到落黎. 跟住上埋我浴室, 又係浴室地下開左個窿睇. 跟住俾佢發現條喉整個陣擺得太平, 無個斜度另佢夠快流落去, 熱氣流左係條去水渠會有蒸氣, 蒸氣係條喉嘅接駁管位漏風升上再高啲嘅地方型成倒汗水. 佢end up 行左出屋外, 成條去水渠拉高, 再將屋內條渠較番個斜度等佢無咁平係屋內, 再買左2個新嘅管接管嘅adapter, 個adapter 係有瑣可以瑣緊2邊接住嘅管. 之前用個啲接管adapter 係好撚流, 一個大啲嘅圈接住細啲嘅管, 跟住黐膠水連埋2條管咁. 攪完之後, 連屎渠位條管都要換, 一換個下成個廳好似爆左屎渠咁嘅味. 個師苦仲要停止呼吸咁一路整一路閉氣又一路好撚痛苦個樣. 我都唔知講咩去安慰佢好, 除左話啲屎應該係我老婆唔係我嘅.

攪完之後, 個天花板係仍然開左個窿, 佢叫我觀察下仲有無漏. finger cross 真係無再漏啱啱個個冬天, 黎緊下星期終於第3次封番個頂再油番油...

個教訓係....... 呢d 1st fix material (即係裝修佬跟俾你嘅料), 你要望下係用咩quality. 如果裝修個陣一開波係用d 靚d 嘅管接管adapter, 而且條去水管唔好咁近條大鐵beam 嘅話, 應該唔會有condensation 問題.

好正常BUILDER水準, 佢唔會諗咁多
我經驗都類似, 住咗半年左右, 浴缸底開始漏水
打開側版後發現BUILDER用木方墊起條去水喉, 但人企上去沖涼會另個浴缸連去水喉少少變形, 慢慢個接位會鬆
換咗個接位同埋木方換做發泡膠就冇事

又試過突然冷水喉接位鬆咗, 水舞間咁, 好彩人喺屋企。以後去旅行真係要閂水掣。

總之一頭煙

其實我想帶出嘅説話係, 大裝修係可以改到100% 你想要嘅野, 整得好嘅話, 係100% fit 你嘅需要. 不過, 因為呢度嘅工人水平係好撚hea. 你唔跟得足係必定爆獲.

你作為屋主, 係有100% 責任去理解, 學識成個裝修過程用嘅料同建設嘅方法. 你需要work with 你嘅architect 去理解成個裝修工程嘅野. 因為係得佢會有責任教你, 工人係唔鳩會理你. 就算你唔係落手做, 你係有責任去理解每個細節係點樣做同點解要咁做. 而且會用啲乜野1st fix material 去完成.

你要確保90% 無穫氣嘅話 (餘下個10% 係運), 係你責任去整好晒所有layout 圖, 所有3d 圖, 同每個細節位好似電線圖呀, 電燈圖呀, 處理好你買嘅料幾時到呀咁. 你唔知師苦幾時要乜料, 就一路做一路問幾時要乜料, 開波前你要知邊啲料訂嘅時間係耐嘅就要預早問幾時要. 亦即係話你差唔多所有你買嘅野, 係未開工前就要知你要買乜, 而件野正常幾時會送到黎. 有啲delivery time 耐嘅你係好可能未開工就要問定. (好似露台玻漓門由訂到送到貨係要6-8week)

即係話, 你仲要做埋個PM. 全爆個好處係100% 你要嘅野幫你整到, 壞處係你無得好似香港咁fing fing 手等食. 係無可能會成功.

樓主真係好好心機

前者，裝修再正常都只係化妝樓
爆晒你先知啲問題 一次過執晒佢

+1
你全爆遇到嘅問題接人裝修一樣可以出現