UK 租樓買樓攻略 (12)

想問下 archi 佢負責嘅野係咩
睇完間屋，同業主傾點做re construct 同extension, 之後佢就會畫晒floorplan, 同講晒d 野要點整？

巴打都試過全爆？ 有無經驗可以分享下有咩注意

大部份Architect, 只負責畫圖, 同有需要個陣, 裝修大判頭睇完唔明啲圖, 會同你architect 講某部份點樣裝修.

而佢畫嘅圖通常只包layout plan圖. Elevation and section plan, extension layout plan. 同幫你入紙攪Planning permission. 其他好似DRAINAGE PLAN, ELETRICAL LAYOUT PLAN, Light switch layout plan 等等, 你要事前傾好.

咁即係話, 佢唔會好點幫你跟進度, 佢角色好避動, 啲人問佢先會答. 亦唔會識答你買乜野廚櫃好呀, 邊隻燈制好個啲問題. 佢工作範圍只係同佢畫嘅圖有關, 同人地睇唔明佢嘅圖個陣, 解釋點樣做法.

另外如果做extension, 因為要加支撐鐵架, 係要計數要買幾大碌鐵beam. 佢係唔會識計. 佢可能會refer 你搵Structural engineer 計, 另外收費嘅呢條友. 而呢個Structural engineer 會俾2頁紙到嘅野俾你, 話俾你裝修大判聽買咩支撐鐵架, 同點樣裝.

所有其他問題, 同個layout floor plan 無關嘅話. Architect 唔會答亦唔識答. 工程進度佢唔會幫你跟.

咁你個陣有個layout, 你點會識點plan d 水電點走？依個應該難度好大？
定係只要標好邊個位有燈有插頭位
邊個位要出入水就ok? 咁水電builder 就識幫你搞落去？

全爆呀
爆咗發現廁所入面好多位有漏過水，啲木都開始發霉，要成條換咗佢
如果冇搞 我諗樓下個天花都唔使要

之後樓梯行行吓 發現鬆鬆地，又要成個重新做過

本身仲以為個builder 會幫手睇住 咁睇落如果兩公婆都要出去返工 搞extension 應該會搞到一鑊泡

我上網睇好似係有得請project manager 睇住單job 但佢人工要收building cost 10%

係architect 畫完個layout plan, 係上面加咁上下嘅野





水我係成個project 無跟過, 因為無諗過會出事, 先會有上面呢單野.

https://lih.kg/DvoPJBX

我知嘅話, 就會諗埋啲水管點走, 避開條加固鐵beam.

builder 個呀頭係suppose 會幫你跟進度嘅.

不過哩, 個大判頭係同你個project 有利益沖突囉. 幫你落手做野個班工人就係個大判頭班𡃁黎嘅. 咁點監工哩. 我個陣都係full time 番工, 我放左工咪做 research 同係咁畫圖.

我老婆唔識攪呢d, 咪負責amazon 呀, 或者其他uk 嘅online shop 搵要買嘅燈呀, 電制呀, 水龍頭呀, 浴缸呀, 地磚呀, 牆磚呀...etc. 跟住格價. 呢啲野, 就算你唔係全爆, 只係小裝修, 呢啲野你都實會要做. 呢度無人會幫你度買乜野料. 亦無人知邊度會平, 亦無人知邊隻會耐用, 亦無人知邊間舖送貨準時. 全部都係你兩公婆自己跟自己睇local forum 睇下人地comment. 亦即係話, 除非你買一間完全乜都唔洗攪嘅屋, 否則one way or the other 你都會局住學識. 不過間屋再好, 你住落都實會修修補補, 你唔學識嘅話實俾人呃.

係有得請project manager 跟嘅. 我當時無咁做到. 就係你講個10% . 我咁大個工程, 10% 係好很貴. 同埋我亦信唔過呢度d 人跟. 我好相信我會跟得比任何人好. 因為我當左公司d project 咁run.

唔該晒巴打上個禮拜已經搵咗我律師問佢地，果陣話等緊conclude，到而家仲未有消息，唉

我個陣係每個星期去巡一次, 每次都全屋影一次相.... 我係有晒成個進度每星期佢地做過乜野, 有video 有相, 我跟住每2星期俾一次進度嘅錢. 呢個度係開波之前溝通好, 你一路做, 我一路監工每個星期黎睇間屋, 每2星期俾1次錢.

我建議, 任何人未來做裝修, 都上左黎問下意見先, 多個人多個腦一齊傾下.

我嘗試去理解一下...即係份約就話你無得入屋睇. 咁佢要啲咩料, 幾時送到你點知?

兩星期比一次錢係依到做法定你自己諗出黎？ 唔收貨唔比？


同時，依家多左ai 幫手，其實會唔會好多野都會簡單過之前

好多野都係傾番黎. 我識人做過嘅, 又另一款. 開頭俾一半, 跟住工程進度一半個陣又俾1/4, 埋尾俾埋remaining 1/4 咁.

總之咩都好, 唔會一開波一炮俾晒佢. 而我就開頭好似俾20% 定咁上下, 跟住每2星期一路俾d 咁, 直至完工. 亦同佢講左, 我會不定時黎睇, 會影相會影video, 最少都會1 week 黎睇一次. 多嘅2,3日一week 都會, depends on 當時做緊嘅項目係乜野, 同我時間是否許可 (我係full time job)

AI 會幫到你research 野, 不過入貨, 採購, 格價, 預時間幾時order 會到貨個陣係啱啱師苦會用到, 呢d 全部AI 唔會幫到你. 師苦亦唔會想你一早訂晒啲野擺晒係工地, 咁樣佢地係唔會做到野嘅如果成地都係貨. 而且d 貨擺晒係工地沙塵滾滾, 唔壞都會極邋遢.

採購部係我老婆攪, 因為佢唔識睇圖畫圖個d, 佢專心做格價專家.

我地當時係有份咁嘅表, 寫晒有咩item 要買, 地磚呀, 牆磚呀, 廁所呀..總之要俾錢嘅野, 都會係個list 到. 會有寫幾時order, 幾時應該會到, 同實際幾時到. 因為要知幾時到, 先可以match 到師苦要用到個個日子. 亦即係話我早2 week 就會問下2week 要乜野料. 佢要個日我就會早1日到.

另外有好多item 唔係話你訂就即有, 好似我之前講嘅露台玻璃門, 屋嘅大門個d, 郁下都個幾2個月先黎. 咁你係開工前就要identify 晒所有呢d order 要好耐先送到嘅 item, 好似露台玻璃門, 我要早2個幾月前就問師苦約莫咩月份要, 因為我訂都要時間.

睇屋第1樣記住嘅係, 唔好用工作地點為揀選目標. 因為工係會轉嘅.

地點應該係以治安同校區 (如果有小朋友) 為主要目標. 治安同區份大於任何一樣野. 跟住先到去zone 1 幾耐時間, 而唔係去你現時工作地點幾耐為考慮因素.

Orpington 同bromley south 都無問題.

有 virgin 都 OK 啦
之前用左兩年都無乜嘢
係d 印度 CS 垃圾d
後嚟發現佢有 WhatsApp CS 就輕鬆好多

所以野呎吋係自己計用幾多件，定archi 會幫你計埋？

間屋嘅呎吋係architect 計。 亦只提供layout 圖內嘅呎吋， 間屋以外任何野都係你自己度。

簡單講， 屋內layout 係Architect 會寫好係個layout 圖內， 任何野唔關張圖嘅野， 你自己諗

我網上面搵到張sample 你睇, 呢d 就係floor plan. Architect 會整一份咁嘅野俾你, 有晒dimension 係裡面. 佢亦只會答你圖裡面嘅野.

你要加任何野係個圖裡面, 好似櫃呀, 床呀, 燈呀d 呎吋. 你自己度, 買件貨個呎吋都係你自己check. 同個圖無關嘅野, 佢唔會答你.

另外好似地板, 牆磚要幾多塊, 你要問嘅係d builder. 因為係佢地落手砌. ARchitect 唔會識答, 落手做野個班工人先會知要幾多塊.

所以, 你要同啲工人打好關係, 係最有效得到有用資料嘅方法. 我當時係每隔2星期就萬歲一次, 帶大量薯片呀, 葡萄適呀個啲飲野俾佢地. 一次係超市執一堆俾佢地.

https://youtu.be/aK5sTqqQ37o?si=rcdQZJ5RsID0pbzB

今日youtube 浮咗呢個片畀我。
梁潮偉你屋企或者係鄰居屋企有無老鼠?會唔會好似呢條片咁，苦主畀老鼠搞到漏水?

無, 無老鼠呢邊.