【pH值介乎於7飄浮的愛情故事】《一腳踏兩船》(2)

「啱吖啱吖繼續！」Mark導冇嗌Cut...反而嗌繼續，「坐低一齊食雪糕～食得開心啲㗎吓～」

我就同LB照做...

「多啲眼神交流～」

Mark導一路講...

「係喇～可以望住對方嚟食～」

Cam Man又圍住我哋轉...

「係喇～再多少少互動...互動...」

互動？咩互動？

我冇乜呢方面嘅經驗...唔知拍攝時要嘅互動係指乜...

就喺我都冇任何舉動...LB就掃咗啲雪糕落我個鼻度！

『喂！』我都未嚟得切反應...LB又想掃啲雪糕落我塊面！

我立即就推推佢隻手！

然後LB又好快手咁想直接用碌雪糕掃埋嚟！

『喂咁衰！』再左閃右避！然後就還擊！

「哈哈喂！嘩！」

『哈哈～哈喂喂！』

我同LB就你掃我又我抹你～捉住我隻手又推向佢身上～我推你擋～你掃我避～互有攻守～

都玩咗好耐～都玩得好開心～開心到好似唔記得咗係拍緊嘢咁～

「OK！」直到Mark導嗌OK，「你哋一齊拎住碌雪糕～一碌得喇～係係～」

我同LB就一齊拎住碌雪糕...

「好好...係咁喇...Hold住先...然後一齊食...係喇...」

我同LB一齊食碌雪糕...

「望住對方...咬一啖...」

又情深深咁望住對方...一齊咬啖雪糕...

「係喇係喇...啱喇啱喇！Cut！Good Take！」

又搞掂喇～

唔好話...其實都幾攰...

喺個操場都拍咗兩三個鐘...出咗唔少汗...

「操場拍完...」Mark導拎部MacBook，「大家過嚟睇睇先～」

哦？原來拍完操場喇？仲有片睇添？

大家都走埋去一齊望住部MacBook～

然後就播返我哋啱啱頭先喺操場拍過啲片～

我同LB都一齊食住碌雪糕咁睇～

我就食返碌士多啤梨味啦～佢就食返我哋一齊食過嘅朱古力味啦～

咁講法...LB咪會食到我嘅口水尾？

我偷偷望一眼LB...佢又好似唔覺有咩問題咁邊食邊睇...

係佢察覺唔到？定係冇乜所謂呢？

唔知啦～既然人哋都冇乜嘢咁...我就唔多事啦～

繼續邊食邊睇...

Mark導都好滿意咁點點頭～

我自己睇返就有少少老尷咁囉...

點老尷吖？

唔知點講喎...

即係睇返自己做嘅...好奇怪咁囉...

不過當成唔係自己咁睇...又好似真係唔錯嘅～

睇落都好自然啦～

好有...初戀嘅感覺！

冇錯！就係初戀！就係Mark導話想要嘅初戀！

係我做得好？定係拍攝角度攞得好？

唔知啦...不過經過鏡頭出嚟...係有Feel好多㗎喎！

好似話我偷偷𥄫LB練波...急急腳咁走去遞封情信俾LB...為LB打氣...同佢喺操場追追逐逐...

都好有初戀嘅感覺...

初戀嘅感覺...初戀嘅感覺...尤其係一齊食雪糕...掃啲雪糕落對方面上...

呢種感覺...望住Mon裡面嘅我倆...

一齊拎住碌朱古力味嘅Magic Cone...情深深咁望住對方...一齊食...一齊咬一啖...

成個感覺都唔似做出嚟...唔似做戲...就好似...發自內心一樣？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 07－一日拍攝] PART 03

「嗯嗯！」Mark導點點頭，「好好吖！」

Mark導就好滿意～

已經將[Day 07－一日拍攝] PART 02 Upload上Penana

LB 又多份聖誕禮物

LB拎左Joanne嘅一個第一次啦
唔知仲會拎多幾多個呢
Jeff仲要唔知情添

點解會講又㗎呢

第一次同陌生人咁親近姐
Joanne同Jeff都好親近㗎啦

LB 平時大把女埋身
而家多一個

又好似係喎
但而家Joanne都只係拍MV姐 冇嘢嘅

死囉，開始發自內心

係太突然姐
有個女明星咁樣同你拍MV 你都嚇親啦

晚

揸𨋢晚

晚

回來了 掛住你地